52-095/2021

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 08.12.2021
J. nr.: 21/24308
Viðgjørt: AE
Svar til fyrispurning nr. 52-095/2021 frá Steffani Klein Poulsen, løgtingsmanni, settur
landsstýrismanninum í fíggjarmálum, Jørgeni Niclasen, um tunlarnar Norður um Fjall –
spreinging og ferðsluljós.
Fyrispurningurin er soljóðandi:
1. Hvør er orsøkin til, at verandi farleið Norður um Fjall steingir, meðan sprongt verður fyri
nýggju tunlunum?
2. Er grót dottið undan loftinum í verandi farleið orsakað av einari spreinging í nýggju
tunlunum?
3. Vera tunlarnir stongdir hvønn dag í vikuni orsakað av spreingingini?
4. Hevur landsstýrismaðurin nakrar ætlanir um at tillaga ferðsluljósini til tunlarnar Norður
um Fjall?
5. Hevur landsstýrismaðurin nakrar ætlanir um at sløkkja ferðsluljósini leygardag og
sunnudag?
6. Hevur landsstýrismaðurin nakrar ætlanir um at sløkkja ferðsluljósini kl. 18.00 heldur enn
kl. 20.00?
7. Hvussu nógvir bilar hava koyrt ígjøgnum tunlarnar í miðal mánadag, týsdag, mikudag,
hósdag, fríggjadag, leygardag og sunnudag, eftir at ferðsluljósini eru sett upp, t.v.s. frá
16. juli til og við 24. november 2021?
8. Hvussu nógvir bilar koyrdu ígjøgnum tunlarnar í miðal mánadag, týsdag, mikudag,
hósdag, fríggjadag, leygardag og sunnudag, áðrenn ferðsluljósini vórðu sett upp, frá 1.
mars til 16. juli?
Svar til spurning 1 og 2
Arbeiðið við at bora nýggju tunlarnar Norður um Fjall gongur væl, og eru nú 570 metrar boraðir.
Tá sprongt var fyri tunnilsmunnan í nýggja Árnafjarðartunlinum, varnaðust menn, at grót var
dottið undan loftinum í verandi tunli. Tað ber ikki til at staðfesta, um grótið kom frá sjálvari
spreingingini, men av trygdarávum avgjørdi Landsverk í fyrsta umfari, at halda vakt tá sprongt
var, og síðan at steingja tunlarnar meðan sprongt verður.
Landsverk hevur sett upp ristimátarar, og kann staðfesta at higartil eru ongar ristingar skrásettar í
verandi tunlum orsakað av spreingingum, og at einki grót síðan er dottið niður av loftinum.

-- 1 of 2 --

F Í G G J A R M Á L A R Á Ð I Ð
Ministry of Finance
2/2
Fyri at binda um heilan fingur valdi Landsverk at steingja verandi tunlar tá sprongt verður, men
fer við tíðini at eftirmeta støðuna, fyrstu ferð eftir jól.
Svar til spurning 3
Tað verður arbeitt hvønn dag í vikuni. Roknast kann við tveimum spreingingum um dagin,
einaferð seinnapart og einaferð út á kvøldið. Í vikuskiftinum er vaktarskifti, og kemur onkuntíð
fyri, at tað ikki verður sprongt sunnudag.
Svar til spurning 4, 5 og 6
Ferðslusljós vóru sett upp við tunlarnar Norður um Fjall í juli 2021 fyri at betra ferðsluna og
trygdina, tá koyrt verður gjøgnum tunlarnar. Onkrar tillagingar eru síðan gjørdar. Sambært
Landsverki virkar skipanin væl, og fólk eru sum heild nøgd.
Landsverk upplýsir, at í løtuni eru ongar ætlanir um at broyta ferðslustýringina Norður um Fjall.
Svar til spurning 7 og 8
Sí yvirlit yvir miðal ferðslu gjøgnum tunlarnar Norður um Fjall, lutað á tíðarskeið og vikudagar.
Tíðarskeið mán týs mik hós frí Ley sun
1 mars - 15 juli 2021 1.686 1.718 1.815 1.749 1.732 1.433 1.280
16. juli -24. nov. 2021 1.613 1.592 1.620 1.617 1.666 1.367 1.175
Tinganes, 8. desembur 2021
Jørgen Niclasen
Landsstýrismaður í fíggjarmálum

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Jørgen Niclasen, landsstýrismaður í fíggjarmálum
Evni: Tunlar Norður um Fjall – spreinging og ferðsluljós
Spurningar:
1. Hvør er orsøkin til, at verandi farleið Norður um Fjall steingir, meðan sprongt
verður fyri nýggju tunlunum?
2. Er grót dottið undan loftinum í verandi farleið orsakað av einari spreinging í
nýggju tunlunum?
3. Vera tunlarnir stongdir hvønn dag í vikuni orsakað av spreingingini?
4. Hevur landsstýrismaðurin nakrar ætlanir um at tillaga ferðsluljósini til
tunlarnar Norður um Fjall?
5. Hevur landsstýrismaðurin nakrar ætlanir um at sløkkja ferðsluljósini leygardag
og sunnudag?
6. Hevur landsstýrismaðurin nakrar ætlanir um at sløkkja ferðsluljósini kl. 18.00
heldur enn kl. 20.00?
7. Hvussu nógvir bilar hava koyrt ígjøgnum tunlarnar í miðal mánadag, týsdag,
mikudag, hósdag, fríggjadag, leygardag og sunnudag, eftir at ferðsluljósini eru
sett upp, t.v.s. frá 16. juli til og við 24. november 2021?
8. Hvussu nógvir bilar koyrdu ígjøgnum tunlarnar í miðal mánadag, týsdag,
mikudag, hósdag, fríggjadag, leygardag og sunnudag, áðrenn ferðsluljósini
vórðu sett upp, frá 1. mars til 16. juli?
Viðmerkingar:
Landsverk boðaði tann 24.11.2021 frá, at tunlarnir Norður um Fjall steingja á leið
tvær ferðir um dagin orsakað av spreinging í nýggju tunlunum. Linjuføringarnar liggja
tætt at hvørji aðrari, og tí verða omanfyri nevndu spuningar settir, fyri at fáa greiði á,
hvussu arbeiðið og spreingingarnar í nýggju tunlunum ávirka galdandi farleið.
Nú eru eisini góðir fýra mánaðir, síðani ferðsluljósini vórðu sett upp. Her er áhugavert
at síggja, um talið á bilum er broytt á hesari farleiðini, og um landsstýrismaðurin ætlar
at tillaga ferðsluljósini.
Á Løgtingi, 25. november 2021
Steffan Klein Poulsen

-- 1 of 1 --