52-075/2021

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 20. november 2021
Tygara ref.:
Máltal.: 21/08502-50
Svar
upp á
skrivligan fyrispurning nr. 52-075/2021 frá Beintu Løwe Jacobsen, løgtingskvinnu, um
teknsmálstulking av tíðindasendingum, settur Jenis av Rana, landsstýrismanni í uttanríkis-
og mentamálum eftir § 52a í Tingskipanini.
Fyrispurningurin er soljóðandi:
1. Hvat ætlar landsstýrismaðurin at gera fyri at tryggja, at allar Dag og Viku sendingar
verða tulkaðar beinleiðis?
2. Nær kann roknast við, at allar sendingar fara at verða tulkaðar beinleiðis?
Svar
Til 1: Tað hevur altíð verið eitt aðalmál at veita deyvum eina so góða tænastu sum til ber á public
service-miðlinum Kringvarpi Føroya. Tað er tó ymiskt, nær og í hvønn mun teknmálstulkað tíðindi
hava verið atkomulig.
Beinleiðis tulking merkir vanliga, at deyv kunnu fylgja við D&V á netinum, samstundis sum
sendingin verður send á sjónvarpsskíggjanum. Fyri at kunna tulka beinleiðis krevst, at tveir tulkar
eru til arbeiðis og skiftast um at tulka.
Tað ber væl til tøkniliga at simultantulka sendingarnar, men loysnin verður ikki brúkt í løtuni, eina
mest av tí, at nóg nógvir tulkar ikki eru tøkir til at átaka sær eina støðuga simultantulkatænastu. Í
løtuni er teknmálstulkingin merkt av, at trot er á tulkum. Hetta merkir, at tænastan er skiftandi, og
aloftast verða tulkaðu sendingarnar ikki tøkar fyrr enn upp til fleiri dagar, eftir at D&V varð send
fyrstu ferð.
Henda støðan er als ikki nøktandi, og eg havi í eina tíð samráðst við Deyvafelag Føroya og
Kringvarp Føroya um at finna eina loysn, ið kann bøta um viðurskiftini. Ætlanin er at loysa málið
við at flyta upptøkustudio til teknmálstulking inn í hølini hjá Deyvafelag Føroya, og at tað verður
felagið sjálvt, ið fer at varða av skipanini við teknmálstulking, undir hesum at útvega tulkar.
Ásannandi, at stórt trot er á tulkum, fer tænastan væntandi ikki at fevna um simultantulking, men
í minsta lagi, at teknmálstulkaðar D&V-sendingar verða tøkar á netinum sama kvøld, sum tær eru
sendar fyrstu ferð.

-- 1 of 2 --

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo Page 2 of 2
Til 2: Deyvafelag Føroya og Kringvarp Føroya hava á fundi í Uttanríkis- og mentamálaráðnum
lovað at bera so skjótt at sum til ber, og væntað verður, at nýggja skipanin fer at virka um ársskiftið,
um alt gongur um ætlað.
Vinarliga
Jenis av Rana
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Beinta Løwe Jacobsen, løgtingsmaður
Svarari: Jenis av Rana, landsstýrismaður í uttanríkis- og mentamálum
Evni: Teknsmálstulking av tíðindasendingum
Spurningar:
1. Hvat ætlar landsstýrismaðurin at gera fyri at tryggja, at allar Dag og Viku
sendingar verða tulkaðar beinleiðis?
2. Nær kann roknast við, at allar sendingar fara at verða tulkaðar beinleiðis?
Viðmerkingar:
Gjørt hevur verið vart við, at ikki allar Dag og Viku sendingar í sjónvarpinum verða
tulkaðar beinleiðis í løtuni.
Sum skilst, so eru summar Dag og Viku sendingar nakrar dagar gamlar, áðrenn tær
verða tulkaðar av teknsmálstulki.
Fyri at fáa greiðu á hesum viðurskiftum verður fyrispurningur settur um hetta.
Á Løgtingi, 8. november 2021
Beinta Løwe Jacobsen

-- 1 of 1 --