52-059/2021
Um hædd er tikin fyri blindum og sjónveikum í nýggju bíleggingarskipanini hjá Strandfaraskipum Landsins
§52a fyrispurningar · Birt 1. sep. 2026 · Avgreitt · Svarfreist 27. okt. 2021 · logting.fo
Spyrjari
Svarari
Skjøl (2)
059.21 Svar frá J. Niclasen til U. Rasmussen - Um hædd er tikin fyri blindum og sjónveikum í nýggju bíleggingarskipanini hjá Strandfaraskipum Landsins.pdfuppruna-PDF
Svar · — · 27. okt. 2021
Sjá útdrigin tekst
FÍGGJARMÁLARÁÐIÐ Ministry of Finance Tinganes • Box 2039 • FO-110 Tórshavn ☏ (+298) 35 20 20 • fmr@fmr.fo • www.fmr.fo Løgtingið Tinghúsvegur 1-3 Postboks 208 110 Tórshavn Tórshavn, tann: 27. okt. 2021 J. nr.: 21/21450 Svar til fyrispurning 52-059/2021 frá Una Rasmussen, løgtingsmanni, settur Jørgeni Niclasen, landsstýrismanni í fíggjarmálum, um hædd er tikin fyri blindum og sjónveikum í nýggju bíleggingarskipanini hjá Strandfaraskipum Landsins Fyrispurningurin er soljóðandi: • Eru ætlanir um at gera tað møguligt hjá blindum og sjónveikum at bíleggja í nýggju bíleggingarskipanini hjá Strandfaraskipum Landsins? Svar Strandfaraskip Landsins hevur, sum partur av menningartilgongdini viðvíkjandi nýggju bíleggingarskipanini til ferðafólk og akfør, sent umbøn til Sjóndepilin um ráðgeving í mun til tørvin hjá sjónveikum og blindum og tilvísing til brúkarar, ið seinni kunnu luttaka í royndarkoyring (test) av skipanini. Harumframt upplýsir Strandferðslan, at hon fær ráðgeving frá kt – mennara, ið áður hevur ment skipanir, ið taka atlit til serliga tørvin hjá fólkið, ið bera brek. Høvuðsendamál hjá Strandferðsluni er at veita somu tænastu til allar borgarar í landinum og at allar skipanir, ið geva borgarum atgongd til hesar, í mest møguligan mun eisini taka atlit til tørvin hjá fólkið, ið bera brek. Strandferðslan hevur eitt gott samstarv við Megd og hevur áður biðið um ráðgeving og eftirmetingar, eitt nú í sambandi við útbjóðing av bygdaleiðum og byggingina av Erlu Kongsdóttir. Tinganes, 27. oktobur 2021 Jørgen Niclasen landsstýrismaður í fíggjarmálum -- 1 of 1 --
059.21 Spurningur til J. Niclasen frá U. Rasmussen - Um hædd er tikin fyri blindum og sjónveikum í nýggju bíleggingarskipanini hjá Strandfaraskipum Landsins.pdfuppruna-PDF
Spurningur · — · 15. okt. 2021
Sjá útdrigin tekst
Skrivligur fyrispurningur eftir § 52a í Tingskipanini Spyrjari: Uni Rasmussen, løgtingsmaður Svarari: Jørgen Niclasen, landsstýrismaður í fíggjarmálum Evni: Um hædd er tikin fyri blindum og sjónveikum í nýggju bíleggingarskipanini hjá Strandfaraskipum Landsins Spurningur: Eru ætlanir um at gera tað møguligt hjá blindum og sjónveikum at bíleggja í nýggju bíleggingarskipanini hjá Strandfaraskipum Landsins? Viðmerkingar: Strandfaraskip Landsins hava bílagt eina nýggja bíleggingarskipan til bæði oyggja- og bygdaleiðir, sum væntandi kann setast í verk í 2022. Tá ið tað almenna fer undir nýggjar verkætlanir er av týdningi, at tær rúma øllum borgarunum í landinum. Í hesum førinum, tá talan er um nýggja bíleggingarskipan, so er av týdningi, at øll fáa ágóðan av henni, eisini blind og sjónveik. Spyrjarin ynskir at fáa at vita, um hædd er tikin fyri blindum og sjónveikum í nýggju bíleggingarskipanini, sum Strandfaraskip Landsins hevur bílagt. Tí verður hesin fyrispurningur settur. Á Løgtingi, 15. oktober 2021 Uni Rasmussen -- 1 of 1 --