52-057/2021

Skrivligur fyrispurningur
eftir § 52a í Tingskipanini
Spyrjari: Høgni Hoydal, løgtingsmaður
Svarari: Bárður á Steig Nielsen, løgmaður
Evni: Kærumøguleikar, kæruvegleiðing og kæruviðgerð í avgerðum um kvotuútluting
hjá Fiskimálaráðnum
Spurningar:
1. Hvør skal viðgera kærur frá umsøkjarum um avgerðir Fiskimálaráðsins í
sambandi við kvotur til vinnuligar royndir og verkætlanir?
2. Hvørja kæruvegleiðing hava umsøkjarar fingið sambært fyrisitingarlógini, og
hava kærarar fingið svar og kunning um, hvussu kærurnar verða viðgjørdar og
nær kæruúrskurður kann væntast?
3. Er Fiskimálaráðið gegnigt at viðgera kærur, tá ið landsstýrismaðurin hevur
upplýst, at hann hevur verið uppi í málsviðgerðini og tikið avgerðir, ið ganga
ímóti fyrisitingarligum tilmælum?
4. Hvussu hevur løgmaður hildið eftirlit sambært skyldum hansara, við at
fyrisitingin er farin fram á lógligan og fullgóðan hátt í hesum málum?
Viðmerkingar:
Tað er komið fram, at fleiri umsøkjarar hava kært avgerðirnar hjá Fiskimálaráðnum
um vinnuligar royndir og verkætlanir. Onki er frætt um kæruviðgerðina og
møguleikarnar.
Landsstýrismaðurin í fiskivinnumálum hevur upplýst í svari til undirritaða, at hann
hevur verið uppi í málsviðgerðini, haruppií játtanum til kvotur til vinnuligar royndir
og verkætlanir.
Tí verður løgmaður, sum hevur eftirlit við fyrisitingini, spurdur, hvussu farið er fram
við kærum og eftirliti sambært fyrisitingarlógini og aðrari lóggávu.
Á Løgtingi, 14. oktober 2021
Høgni Hoydal

-- 1 of 1 --

-- 1 of 3 --



-- 2 of 3 --



-- 3 of 3 --