52-052/2021

-- 1 of 2 --



-- 2 of 2 --

Skrivligur fyrispurningur
eftir § 52a í Tingskipanini
Spyrjari: Høgni Hoydal, løgtingsmaður
Svarari: Bárður á Steig Nielsen, løgmaður
Evni: Undirskrivað avtala við Danmark og Grønland um uttanríkis-, verju- og
trygdarpolitikk
Spurningar:
1. Við hvørjari heimild hevur løgmaður undirskrivað eina avtalu við donsku og
grønlendsku stjórnina um at viðgera uttanríkispolitikk, verju-, og
trygdarpolitikk í einum ráði við donskum, føroyskum og grønlendskum
ráðharrum?
2. Við hvørjari heimild hevur løgmaður skrivað undir avtalu, har eisini yvirtikin
málsøki skulu viðgerast í einum slíkum ráði?
3. Nær hevur løgmaður verið til ráðførslu í Uttanlandsnevnd Løgtingsins um
hesa avtalu sambært løgtingslóg um stýrisskipan Føroya §54?
4. Um ikki, er hetta tá í samsvari við løgtingslóg um stýrisskipan Føroya?
Viðmerkingar:
Danska forsætismálaráðið kunngjørdi tann 4. oktober 2021, at løgmaður hevði
undirskrivað eina avtalu um, at danskir, føroyskir og grønlendskir ráðharrar skuldu
ganga saman í eitt ráð, har uttanríkispolitikkur, verju-, og trygdarpolitikkur skal
viðgerast í felag – eisini á yvirtiknum málsøkjum.
Stýrisskipanarlógin ásetur:
§54.Løgtingið velur millum løgtingsmenn eina uttanlandsnevnd við sjey limum, sum
landsstýrið ráðførir seg við, áðrenn avgerðir verða tiknar, ið hava stóran
uttanlandspolitiskan týdning.
Stk. 2. Somuleiðis skal landsstýrið ráðføra seg við hesa nevnd í sambandi við
samráðingar við ríkismyndugleikarnar av stórum týdningi fyri viðurskiftini Føroya og
Danmarkar millum.
Tí verður spurt, hvussu hetta kann bera til.
Á Løgtingi, 6. oktober 2021
Høgni Hoydal

-- 1 of 1 --