52-043/2021

FISKIMÁLARÁÐIÐ
M i n i s t r y o f F i s h e r i e s
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
11. oktober 2021
Mál: 21/19851-3
(at tilskila í svari)
Tygara skriv: 52-043/2021
Svar til fyrispurning 52-043/2021 frá Høgna Hoydal, løgtingsmanni, um
virðisøking, nýskapan og menning og aðrar treytir í avgerðum um vinnuligar
royndir og verkætlanir
Spurningar:
1. Hvørjar eru tær skjalfestu grundgevingar um virðisøking, nýskapan og menning í
teimum játtanum, ið eru givnar til vinnuligar royndir og verkætlanir, herundir játtan
til ítøkiligt skipakeyp?
2. Hvussu er grundgivið og skjalfest, at tær kvotujáttanir, ið eru givnar til vinnuligar
royndir og verkætlanir, harundir til ítøkiligt skipakeyp, eru tær, ið hava mest
virðisøking, nýskapan og menning, soleiðis sum ásett er í kunngerð og tilhoyrandi
skjølum?
3. Hvussu er skjalfest, viðgjørt og grundgivið, at tær verkætlanir, ið eru játtaðar,
harundir til ítøkiligt skipakeyp, lúka treytirnar í viðmerkingum til lógina um, at øll lið
í virðis- og framleiðsluliðnum ikki hava eigarar, ið hava ræði á meira enn 8% av
heildarkvotuni av hvørjum fiskaslagi sær – og hvørjar eru hesar verkætlanir, ið als
ikki hava tað?
4. Hvussu er staðfest og skjalprógvað, at tey, ið hava fingið játtan til ítøkiligt
skipakeyp, hava lokið treytirnar um at hava keypssáttmála og fígging til ítøkiligt skip
og at tey eru klár at byrja beinanvegin?
Svar:
Til nr. 1 og 2.
Tær skjalfestu grundgevingarnar eru í innanhýsis tilmælinum til landsstýrismannin, umframt
í niðurstøðuni hjá landsstýrismanninum og í avgerðunum, sum eru sendar umsøkjarunum.
Alt tilfarið er skrásett í journalskipanini hjá Fiskimálaráðnum.

-- 1 of 2 --

FISKIMÁLARÁÐIÐ
2/2
Tríggjar verkætlanir hava fingið tillutað kvotu til vinnuligar royndir og verkætlanir eftir §
49, stk. 1, 1. pkt. í sjófeingislógini.
Kvota er latin tveimum umsøkjarum í sambandi við verkætlan, ið fevnir um ítøkiligt
skipakeyp eftir § 49, stk. 1, 2. pkt. í sjófeingislógini.
Í sambandi við viðgerðina er útgangsstøði tikið í sjófeingislógini, kunngerðini um kvotur av
makreli, norðhavssild og svartkjafti til vinnuligar royndir og verkætlanir, umsóknunum og
teimum skjølum, sum umsøkjararnir sendu við umsóknunum.
Talan er í báðum førum um eina heildarmeting.
Í sambandi við tær vinnuligu royndirnar og verkætlanirnar eftir 1. pkt. hevur
landsstýrismaðurin harafturat valt at raðfesta verkætlanir, sum heilt ella í stóran mun eru
bygdar á uppsjóvarfisk, heldur enn at lata uppsjóvarkvotur til tann partin av vinnuni, ið
hevur rímiliga støðugt virksemi grundað á botnfisk.
Í sambandi við kvotu til skipakeyp eftir 2. pkt. hevur landsstýrismaðurin harafturat lagt
dent á fíggingina av verkætlanini í eginpeningi, eins og hvørjar beinleiðis royndir sjálvir
stigtakararnir hava til fiskiskap og skiparakstur.
Í slíkari meting vóru tvær ella møguliga tríggjar verkætlanir av teimum tilmæltu, ið luku
báðar treytirnar; tað merkir lutfalsligan høgan eginpening og beinleiðis royndir.
Samlaði karmurin í tøkari kvotu avmarkar talið av verkætlanum til tvey skip.
Við grundarlagi í hesi meting og fyritreytum varð kvota latin 2 feløgum.
Til nr. 3.
Embætisbólkurin, sum viðgjørdi umsóknirnar, hevur í ivamálum kannað eigaraviðurskiftini.
Viðvíkjandi vinnuligum royndum og verkætlanum eftir § 49, stk. 1, 1. pkt. er eisini hugt
eftir, at felagið, har sjálv menningin, nýskapanin og virðisøkingin av fiskasløgunum er ætlað
at fara fram, lýkur kravið í § 49, stk. 3 í sjófeingislógini. Hetta er skjalfest í sambandi við
viðgerðina og grundgivið í avgerðunum.
Nakrar verkætlanir lúka ikki treytina í § 49, stk. 3, og er hetta grundgivið í
avgerðarskrivunum til tey feløgini.
Til nr. 4.
Fyribils keypssáttmáli ella formligt tilboð til skip á sølulista og skjøl um fígging frá
fíggingarstovnum eru hjáløgd umsóknunum og eru goymd í journalskipanini hjá
Fiskimálaráðnum. Tey feløg, ið hava fingið játtan til ítøkiligt skipakeyp, hava fingið 4 vikur
at fáa m.a. endaligan keypssáttmála og endaligu fíggingina upp á pláss.
Jacob Vestergaard
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Høgni Hoydal, løgtingsmaður
Svarari: Jacob Vestergaard, landsstýrismaður í fiskivinnumálum
Evni: Virðisøking, nýskapan og menning og aðrar treytir í avgerðum um vinnuligar
royndir og verkætlanir
Spurningar:
1. Hvørjar eru tær skjalfestu grundgevingarar um virðisøking, nýskapan og
menning í teimum játtanum, ið eru givnar til vinnuligar royndir og
verkætlanir, herundir játtan til ítøkiligt skipakeyp?
2. Hvussu er grundgivið og skjalfest, at tær kvotujáttanir, ið eru givnar til
vinnuligar royndir og verkætlanir, harundir til ítøkiligt skipakeyp, eru tær, ið
hava mest virðisøking, nýskapan og menning, soleiðis sum ásett er í kunngerð
og tilhoyrandi skjølum?
3. Hvussu er skjalfest, viðgjørt og grundgivið, at tær verkætlanir, ið eru játtaðar,
harundir til ítøkiligt skipakeyp, lúka treytirnar í viðmerkingum til lógina um,
at øll lið í virðis- og framleiðsluliðnum ikki hava eigarar, ið hava ræði á meira
enn 8% av heildarkvotuni av hvørjum fiskaslagi sær – og hvørjar eru hesar
verkætlanir, ið als ikki hava tað?
4. Hvussu er staðfest og skjalprógvað, at tey, ið hava fingið játtan til ítøkiligt
skipakeyp, hava lokið treytirnar um at hava keypssáttmála og fígging til
ítøkiligt skip og at tey eru klár at byrja beinanvegin?
Viðmerkingar:
Í lóg, kunngerð og reglum, er høvuðskravið til umsóknir um játtan til vinnuligar
royndir og verkætlanir, at talan er um menning, nýskapan og virðisøking.
Harumframt er greitt ásett í metingarskjali 2 í kunngerðini, at hesi høvuðskrøv og
høvuðstreytir eru galdandi fyri at fyri at koma upp á tal til ítøkiligt skipakeyp:
1. Í hvønn mun verkætlanin er klár at føra út í lívið beinanvegin. Her verður
serliga hugt eftir, hvørt umsóknin inniheldur:
a) skjalprógvaða avtalu um ítøkiligt skipakeyp,
b) játtan at fíggja skipakeypið og neyðuga rakstrarfígging,
c) rakstrarætlan, ið ber seg fíggjarliga við minstu nøgdum, sum søkt verður um.
Tí verður spurt, hvussu hesi høvuðsatlit og hesar høvuðstreytir eru loknar í viðgerð og
meting hjá Fiskimálaráðnum í játtanum, ið eru givnar.

-- 1 of 2 --

Á Løgtingi, 28. september 2021
Høgni Hoydal

-- 2 of 2 --