52-037/2021

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 27. sept. 2021
J. nr.: 21/18255
Viðgjørt: AE
Svar til fyrispurning nr. 52-037/2021 frá Jóannis Joensen, løgtingsmanni, settur
landsstýrismanninum í fíggjarmálum, Jørgeni Niclasen, um trygdina í eldri tunnlum
Fyrispurningurin er soljóðandi:
1. Metir landsstýrismaðurin, at tilbúgvingin í Kollafjarðartunlinum er tíðarhóskandi og
trygg?
2. Hvørjir aðrir tunlar í Føroyum hava avbjóðingar at lúka nútímans trygdarkrøv?
3. Ætlar landsstýrismaðurin at raðfesta trygdina í eldri tunlum við at hækka verandi
fíggjarjáttan hjá Landsverki?
Svar til fyrispurning nr. 1 og nr. 2
Landsvegirnir eru 477 kilometrar samanlagt, av hesum eru 32 kilometrar tunlar, sum Landsverk
varðar av.
Tunlarnir eru sera ymiskir. Í 1963 varð fyrsta bergholið í Føroyum Hvalbiartunnilin, alment tikin
í nýtslu. Seinasti tunnilin er nýggi Hvalbiartunnilin sum er tikin í nýtslu í ár. Tunlarnir eru
gjørdir eftir teimum normum, sum vóru galdandi tá teir verða bygdir.
Fleiri tunlar eru ikki dagførdir, soleiðis at teir hóska til ferðsluna og nýggj og dagførd
trygdarkrøv, men sambært Landsverki er eingin teirra beinleiðis ótryggur.
Tá nýggir tunlar verða bygdir ella verandi tunlar verða dagførdir, fylgir Landsverk norskum
tunnilsnormum, ið eru galdandi tá dagføringin fer fram. Tilbúgvingarætlan er gjørd fyri allar teir
nýggju tunlarnar og teir flestu gomlu tunlarnar. Tunlar við mestu ferðsluni eru bygdir ella
dagførdir eftir norskum standardum, og hava hóskandi trygdarútbúnað. Kollfjarðartunnilin og
Leirvíkstunnilin, hava tørv á at dagføra trygdarskipanina, at fá nýggjar tekniskar installatiónir og
at fáa brandventilatión.
Landsverk metir tó at tilbúgvingin er nøktandi í Kollfjarðartunlinum og í Leirvíkstunlinum, men
ynskiligt er, at trygdarskipanin verður dagførd til støðið, sum er í teimum nýggju tunlunum, sum
til dømis Hvalbiartunlinum.
Svar til fyrispurning nr. 3
Tað er sera umráðandi at infrakervið er gott um alt landið, og at tað er gott og trygt at ferðast til
gagns fyri borgarum og vinnu.

-- 1 of 2 --

F Í G G J A R M Á L A R Á Ð I Ð
Ministry of Finance
2/2
Samstundis sum vegakervið er útbygt, ferðslan er vaksin, størri dygdar- og trygdarkrøv verða sett
til vegir, tunlar og brýr, er játtanin til viðlíkald av vegakervinum ikki hækkað í nógv ár. Tó
soleiðis at tað hevur eydnast at hækka játtanina til viðlíkahald, til at umvæla og betra trygdina á
landsvegakervinum, og til at dagføra brýr og tunlar í 2020 og 2021.
Eftir langtíðarløguætlanini eru pengar settir av til at dagføra Kollfjarðartunnilin og
Leirvíkstunnilin.
Tinganes, 27. septembur 2021
Jørgen Niclasen
Landsstýrismaður í fíggjarmálum

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Jóhannis Joensen, løgtingsmaður
Svarari: Jørgen Niclasen, landsstýrismaður í fíggjarmálum
Evni: Trygdin í eldri tunlum
Spurningar:
1. Metir landsstýrismaðurin, at tilbúgvingin í Kollafjarðartunlinum er
tíðarhóskandi og trygg?
2. Hvørjir aðrir tunlar í Føroyum hava avbjóðingar at lúka nútímans trygdarkrøv?
3. Ætlar landsstýrismaðurin at raðfesta trygdina í eldri tunlum við at hækka
verandi fíggjarjáttan hjá Landsverki?
Viðmerkingar:
Um vikuskiftið varð í tíðindasending í Kringvarpi Føroya at hoyra, at tilbúgvingin
ikki er í lagi í Kollafjarðartunlinum. Landsverk hevur víst á, at verandi fíggjarjáttan
ikki er nóg stór til at gera nakað við at lúka nútímans trygdarkrøv í eldri tunlum. Tað
kann skjótt blíva álvarsligt, um tilbúgvingin ikki er í lagi. Óhugsandi er ikki, at
núverandi støða kann hava vanlukkuligar avleiðingar við sær, um hon heldur fram
óbroytt. Landsstýrismaðurin varðar av viðlíkahaldi í tunlum kring landið. Tí verður
hesin fyrispurningurin settur.
Á Løgtingi, 13. september 2021
Jóhannis Joensen

-- 1 of 1 --