52-033/2021

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 21. september 2021
J. nr.: 21/17736
Viðgjørt: AE
Svar til fyrispurning nr. 52-033/2021 frá Páll á Reynatúgvu, løgtingsmanni, settur
landsstýrismanninum í fíggjarmálum, Jørgeni Niclasen, um asfaltering av vegnum millum
Skopun og Sand.
Fyrispurningurin er soljóðandi:
1. Kann landsstýrismaðurin upplýsa, nær vegurin millum Skopun og Sand verður asfalteraður
aftur?
2. Kann landsstýrismaðurin greiða frá, um koyritrygdin á vegastrekkinum verður mett at vera
í lagi?
3. Hevur landsstýrismaðurin gjørt eina raðfesta ætlan fyri viðlíkahaldið av
landsvegakervinum í Føroyum?
Svar:
Vegurin millum Skopun og Sand er tvíbreytaður, og hóskar væl til ferðsluna á staðnum. Eitt
vegastrekkið sum er 500 metrar langt millum Skopun og Sand, treingir til at vera asfalterað.
Arbeiðið verður raðfest frammaliga, og verður eitt slitlag eftir ætlan lagt á næsta ár (2022).
Landsverk metir at trygdin á vegnum millum Skopun og Sand er í lagi, um bilførarar koyra eftir
umstøðunum. Landsverk fylgir gongdini.
Landsverk raðfestir á hvørjum ári hvussu játtanin skal brúkast til at viðlíkahalda og dagføra
landsverðslukervið, herímillum eisini tunlar og brýr.
Samstundis sum vegakervið er útbygt, ferðslan er vaksin, størri dygdarkrøv og trygdarkrøv verða
sett til vegir, er játtanin til viðlíkald av vegakervinum ikki hækkað í nógv ár. Tó soleiðis at tað
hevur eydnast at hækka játtanina munandi í ár (2021) til at viðlíkahald, umvæla og betra trygdina
á landsvegakervinum.
Landsstýrismaðurin ásannar, at neyðugt verður at raðfesta viðlíkahald fremri næstu árini.
Tinganes, 21. september 2021
Jørgen Niclasen
Landsstýrismaður í fíggjarmálum

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Páll á Reynatúgvu, løgtingsmaður
Svarari: Jørgen Niclasen, landsstýrismaður í fíggjarmálum
Evni: Asfaltering av vegnum millum Skopun og Sand
Spurningar:
1. Kann landsstýrismaðurin upplýsa, nær vegurin millum Skopun og Sand verður
asfalteraður aftur?
2. Kann landsstýrismaðurin greiða frá, um koyritrygdin á vegastrekkinum verður
mett at vera í lagi ?
3. Hevur landsstýrismaðurin gjørt eina raðfesta ætlan fyri viðlíkahaldið av
landsvegakervinum í Føroyum?
Viðmerkingar:
Vegurin millum Skopun og Sand er nú í so vánaligum standi á summum vegateinum,
at tú sum bilførari aftrar teg við at koyra á vegnum. Bilførarar kenna ampa av at koyra
á vegnum, og koyritrygdin er hareftir.
Undirritaði spurdi landsstýrismannin í samferðslumálum líknandi spurning í vár, og tá
svaraði landsstýrismaðurin, at partar av vegastrekkinum fóru at verða asfalteraðir í ár.
Nú summarið er farið kann staðfestast, at einasta, sum er gjørt við vegin, er at rípur
eru málaðar omaná illa farna asfaltlagið og holurnar í tí.
Fyri at fyribyrgja at skaði stendst av støðuni, verður landsstýrismaðurin biðin um at
kanna støðuna og svara hesum spurningi.
Á Løgtingi, 9. september 2021
Páll á Reynatúgvu

-- 1 of 1 --