52-031/2021

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
logting@logting.fo
15. september 2021
Mál: 21/17317-2
Nr. 52-031/2021
Svar
uppá
skrivligan fyrispurning nr. 52-031/2021 sambært tingskipanini § 52 a
til Elsebeth Mercedis Gunnleygsdóttur, frá Djóna Nolsøe Joensen løgtingsmanni
um bygningar hjá Almannaverkinum
Spurningar:
1. Metir landsstýrismaðurin, at tað er bíligari at leiga í staðin fyri at eiga bygningar til
borgarar í Almannaverkinum?
2. Er ætlanin hjá landsstýrismanninum, at Almannamálaráðið í størri mun skal leiga í
staðin fyri at byggja ella eiga bygningar til borgarar í Almannaverkinum?
3. Hvussu nógv ár av leigukostnaði tekur tað at rinda kostnaðarprísin fyri bygningin á
Stangavegi 53 í Klaksvík?
Svar:
Til 1: Tá ein loysn skal finnast á einum trupulleika, er ofta neyðugt at viga bæði prís, góðsku
og veitingartíð móti hvørjum øðrum. Tað ber t.d. til at fáa høga góðsku og stutta veitingartíð,
men so fer prísurin upp. Tað ber eisini til at fáa lágan prís og høga góðsku, men so fer
veitingartíðin upp.
Tá tað umræður tilboð til fólk, sum hava ein tørv her og nú, so er eyðsæð, at stutt veitingartíð
er avgerandi. Sum støðan er í samfelagnum í dag, er veitingartíðin uppá almennar
byggiverkætlanir sera long.
Tá so møguleiki býðst, fyri at fáa eina góða og skjóta loysn á einum akuttum tørvi (leigumál),
meti eg tað vera skilagott at taka av, hóast prísurin, um roknað verður yvir eitt langt áramál,
møguliga verður hægri, enn um bíða varð í áravís eftir eini aðrari loysn (almenn
byggiverkætlan). Kostnaðurin av at bíða hevði eisini verið, at vit framhaldandi høvdu verið
noydd til at skipa dýrar og lítið virðiligar einkultfyriskipanir til teirra, sum hava tørvin her og
nú.
Samanumtikið haldi eg, at tað í hesum førinum var bíligari at leiga enn at eiga.

-- 1 of 2 --

ALMANNAMÁLARÁÐIÐ
Síða 2 av 2
Til 2: Sum sagt omanfyri, meti eg, at tað í summum førum er skilabest at leiga, meðan tað í
øðrum førum kann vera skilabetri at eiga. Eg haldi, at tað í hvørjum einstøkum føri eigur at
verða mett um, hvat er betri í ítøkiliga førinum.
Til 3: Bygningurin á Stangaveg 53 í Klaksvík hevur ikki staðið til sølu og tískil kenna vit ikki
marknaðarprísin fyri bygningin. Prísurin fyri at byggja líknandi stovnar liggur um 40.000
kr./m2. Leigumálið á Stangaveg 53 er umleið 1.400 m2, og soleiðis kann roknast við, at ein
slíkur stovnur hevði kostað 55 - 60 mió. kr. at byggja. Við tí leigukostnaði, sum er avtalaður
fyri Stangaveg, hevði tað sostatt tikið 35 - 40 ár at goldið íløguna aftur, og tá er lánirenta og
viðlíkahald ikki íroknað.
Almannamálaráðið, tann 15. september 2021
Elsebeth Mercedis Gunnleygsdóttur
landsstýriskvinna

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Djóni Nolsøe Joensen, løgtingsmaður
Svarari: Elsebeth Mercedis Gunnleygsdóttur, landsstýrismaður í almannamálum
Evni: Bygningar hjá Almannaverkinum
Spurningar:
1. Metir landsstýrismaðurin, at tað er bíligari at leiga í staðin fyri at eiga
bygningar til borgarar í Almannaverkinum?
2. Er ætlanin hjá landsstýrismanninum, at Almannamálaráðið í størri mun skal
leiga í staðin fyri at byggja ella eiga bygningar til borgarar í
Almannaverkinum?
3. Hvussu nógv ár av leigukostnaði tekur tað at rinda kostnaðarprísin fyri
bygningin á Stangavegi 53 í Klaksvík?
Viðmerkingar:
Tað er gleðiligt, at seinheilaskadd fáa eitt heildartilboð. Tað er átrokandi, og tørvurin
hevur verið stórur. Men í hesum førinum hevur landið valt at leiga ein bygning hjá
eini privatari fyritøku. Spurningurin er, um skattaborgarin fær mest burturúr, at landið
leigar bygningar hjá privatpersónum ella privatum fyritøkum í staðin fyri at byggja
ella eiga sjálvt. Landsverk hevur víst á, at meðan almenna
bygningsviðlí kahaldskontan bløðir, og já ttanin til viðlí kahald av almennum
bygningum bara lækkar, letur landið við hinari hondini stó rar upphæddir av
viðlí kahaldspeningi til privat leigumá l.1 Nevnast kann, at høvuðssætið og
hjálpartólamiðstøðin hjá Almannaverkinum eru eisini leigaðir frá privatari fyritøku.
Talan er í báðum førum um langtíðarleigu, har bygningar hjá privatari fyritøku kunnu
enda við at verða útgoldnir við peningi hjá skattgjaldaranum. Meðan skattgjaldarin
hevur goldið fyri bygningarnar, er tað ein privat fyritøka, sum eigur teir, tá teir eru
útgoldnir. Tí verður hesin fyrispurningur settur landsstýrismanninum.
Á Løgtingi, 3. september 2021
Djóni Nolsøe Joensen
1 Ársfrágreiðing hjá Landsverki 2016-2017

-- 1 of 1 --