52-011/2021

FISKIMÁLARÁÐIÐ
M i n i s t r y o f F i s h e r i e s
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
17. august 2021
Mál: 21/15389-2
(at tilskila í svari)
Tygara skriv: 52-011/2021
Svar til fyrispurning 52-011/2021 frá Høgna Hoydal, løgtingsmanni, um alment
innlit í sambandi við menningarkvotur og kvotur til vinnuligar royndir v.m.
Spurningar:
1. Hvussu nógvar umbønir um alment innlit frá fjølmiðlum – herundir serstakt frá
Kringvarpi Føroya – fekk Fiskimálaráðið um menningarkvotur, umsóknir og
viðgerðina av teimum í 2018 og 2019?
2. Hvussu nógvar umbønir um alment innlit frá fjølmiðlum – herundir serstakt frá
Kringvarpi Føroya – hevur Fiskimálaráðið fingið um kvotur til vinnuligar royndir og
verkætlanir umframt ískoytiskvotur, umsóknir og viðgerðina av teimum í 2020 og
2021?
3. Hvussu nógvar umbønir frá fjølmiðlafólki – herundir serstakt frá Kringvarpi Føroya
– um at svara spurningum um menningarkvotur, umsóknir og viðgerðina av
teimum fekk Fiskimálaráðið og/ella landsstýrismaðurin í 2018 og 2019 (áleið)?
4. Hvussu nógvar umbønir frá fjølmiðlafólki – herundir serstakt frá Kringvarpi Føroya
– um at svara spurningum um kvotur til vinnuligar royndir og verkætlanir umframt
ískoytiskvotur, umsóknir og viðgerðina av teimum fekk Fiskimálaráðið og/ella
landsstýrismaðurin í 2020 og 2021?
Svar:
Til nr. 1.
Í 2018 hevur Fiskimálaráðið skrásett 18 umbønir frá fjølmiðlafólki um alment innlit
viðvíkjandi menningarkvotum, harav vóru 7 frá Kringvarpi Føroya.
Í 2019 hevur Fiskimálaráðið skrásett 14 umbønir frá fjølmiðlafólki um alment innlit
viðvíkjandi menningarkvotum, harav vóru 3 frá Kringvarpi Føroya.

-- 1 of 2 --

FISKIMÁLARÁÐIÐ
2/2
Til nr. 2.
Í 2020 hevur Fiskimálaráðið skrásett 1 umbøn frá fjølmiðlafólki um alment innlit
viðvíkjandi vinnuligum royndum og verkætlanum umframt ískoytiskvotum. Umbønin var
frá Kringvarpi Føroya.
Í 2021 hevur Fiskimálaráðið higartil skrásett 4 umbønir frá fjølmiðlafólki um alment innlit
viðvíkjandi vinnuligum royndum og verkætlanum umframt ískoytiskvotum, harav hevur 1
umbøn verið frá Kringvarpi Føroya.
Til nr. 3.
Í 2018 hevur Fiskimálaráðið skrásett 1 umbøn frá fjølmiðlafólki, um at svara spurningum
um menningarkvotur. Umbønin var frá Kringvarpi Føroya.
Í 2019 hevur Fiskimálaráðið skrásett 1 umbøn frá fjølmiðlafólki, um at svara spurningum
um menningarkvotur.
Til nr. 4.
Í 2020 er eingin umbøn frá fjølmiðlafólki skrásett, um at svara spurningum viðvíkjandi
vinnuligum royndum og verkætlanum umframt ískoytiskvotum.
Í 2021 er eingin umbøn frá fjølmiðlafólki skrásett, um at svara spurningum viðvíkjandi
vinnuligum royndum og verkætlanum umframt ískoytiskvotum.
Jacob Vestergaard
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Høgni Hoydal, løgtingsmaður
Svarari: Jacob Vestergaard, landsstýrismaður
Evni: Alment innlit í sambandi við menningarkvotur og kvotur til vinnuligar royndir
v.m.
1. Hvussu nógvar umbønir um alment innlit frá fjølmiðlum – herundir serstakt
frá Kringvarpi Føroya – fekk Fiskimálaráðið um menningarkvotur, umsóknir
og viðgerðina av teimum í 2018 og 2019?
2. Hvussu nógvar umbønir um alment innlit frá fjølmiðlum – herundir serstakt
frá Kringvarpi Føroya – hevur Fiskimálaráðið fingið um kvotur til vinnuligar
royndir og verkætlanir umframt ískoytiskvotur, umsóknir og viðgerðina av
teimum í 2020 og 2021?
3. Hvussu nógvar umbønir frá fjølmiðlafólki – herundir serstakt frá Kringvarpi
Føroya – um at svara spurningum um menningarkvotur, umsóknir og
viðgerðina av teimum fekk Fiskimálaráðið og/ella landsstýrismaðurin í 2018
og 2019 (áleið)?
4. Hvussu nógvar umbønir frá fjølmiðlafólki – herundir serstakt frá Kringvarpi
Føroya – um at svara spurningum um kvotur til vinnuligar royndir og
verkætlanir umframt ískoytiskvotur, umsóknir og viðgerðina av teimum fekk
Fiskimálaráðið og/ella landsstýrismaðurin í 2020 og 2021?
Viðmerkingar:
Í 2018 og 2019 var neyvan nakar í Føroyum, ið ikki hevði hoyrt um menningarkvotur,
umsóknir og viðgerðina av teimum í Fiskimálaráðnum. Av røttum var sera nógv
uppmerksemi í fjølmiðlum og serliga í Kringvarpi Føroya um hetta mál.
At tað dró út at avgreiða umsóknirnar var viðgjørt dúgliga í fjølmiðlum og Kringvarpi
Føroya, og síðani hava fleiri viðmerkt alment, at hetta var við til at ávirka valúrslitið
til løgtingsvalið 2019. Tá var talan um, at avgreiðslan var seinkað nakrar mánaðir.
Nú er avgreiðslan av kvotunum til vinnuligar royndir og verkætlanir seinkað meira
enn eitt heilt ár, men lítið hevur verið at hoyrt alment um hesar kvotur yvirhøvur. Tá
vóru eisini greið krøv frá núverandi landsstýrismanni í fiskivinnumálum um, at allar
umsóknir og øll skjøl skuldu vera almenn um menningarkvoturnar.
Tí verður spurt, um hvussu nógvar umsóknir hava verið um alment innlit, og hvussu
nógvir spurningar eru settir Fiskimálaráðnum og landsstýrismanninum frá fjølmiðlum
um kvoturnar til vinnuligar royndir og verkætlanir – umframt um ískoytiskvotur,
síðani nýggja landsstýrið tók við, og nýggja lógin um sjófeingi kom í gildi.

-- 1 of 2 --

Á Løgtingi, 5. august 2021
Høgni Hoydal

-- 2 of 2 --