52-006/2021

-- 1 of 2 --



-- 2 of 2 --

Skrivligur fyrispurningur
eftir § 52a í Tingskipanini
Spyrjari: Beinta Løwe Jacobsen, løgtingsmaður
Svarari: Bárður á Steig Nielsen, løgmaður
Evni: Fjarskiftisøkið
Spurningar:
1. Hvørja ávirkan hevur danska stjórnin/Fólkatingið á nýggju lóggávuna á
fjarskiftisøkinum, sum løgmaður vísir á í ólavsøkurøðuni, og sum verður mett
at verða trygdar- og verjupolitikkur?
2. Hvørji onnur yvirtikin málsøki eru, ið verða mett at koma undir trygdar- og
verjupolitikk?
3. Hevur danska stjórnin ynskt at vera inn yvir lóggávuna á fjarskiftisøkinum?
Viðmerkingar:
Í løgmansrøðuni greiddi løgmaður frá, at bæði NATO og ES eru á einum máli um, at
undirstøðukervið á fjarskiftisøkinum eisini er ein spurningur um trygdar – og
verjupolitikk. Áhugavert er at vita, um tað merkir, at danska stjórnin og/ella
Fólkatingið nú skulu inn yvir lóggávuna á hesum øki.
Spurt varð um hetta undir viðgerðini av ólavsøkurøðu løgmans. Men fyri at fáa
greiðari svar um, hvørjar ætlanir eru á hesum øki, nú løgmaður sigur, at hetta kemur
undir trygdar- og verjupolitikk, verður hesin fyrispurningur settur.
Á Løgtingi, 4. august 2021
Beinta Løwe Jacobsen

-- 1 of 1 --