52-005/2021

FISKIMÁLARÁÐIÐ
M i n i s t r y o f F i s h e r i e s
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
16. august 2021
Mál: 21/15347-2
(at tilskila í svari)
Tygara skriv: 52-005/2021
Svar til fyrispurning 52-005/2021 frá Jóhannis Joensen, løgtingsmanni, um
veiðirættindi og friðingar.
Spurningar:
1. Hvussu leingi hevur eystari kantur av Føroyabanka verið friðaður?
2. Ætlar landsstýrismaðurin at geva trolarum, sum royna eftir svartkalva, betri trolleiðir á
djúpari leiðunum á eystara kanti av Føroyabanka?
3. Hevur landsstýrismaðurin í hyggju at geva svartkalvabátunum betri veiðirættindi og
møguleikar?
Svar:
Til nr. 1.
Eystari kantur av Føroyabanka hevur verið friðaður part av árinum síðani mars í 1993.
Til nr. 2.
Ongin ítøkilig ætlan er í viðgerð um at geva trolarum betri trolleiðir á djúpari leiðunum á
eystara kanti av Føroyabanka.
Til nr. 3.
Sum landsstýrismaður eri eg altíð opin fyri at fremja broytingar, ið kunnu betra um
veiðimøguleikar hjá fiskiflotanum í síni heild.
Ein treyt fyri at fremja slíkar broytingar er millum annað, at broytingarnar verða skipaðar
sum burðardyggur fiskiskapur, eins og at tær verða viðgjørdar í eini heildarmeting, sum
fevnir um allar vinnubólkar í føroyska fiskiskapinum.
Jacob Vestergaard
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Jóhannis Joensen, løgtingsmaður
Svarari: Jacob Vestergaard, landsstýrismaður í fiskivinnumálum
Evni: Um veiðirættindi og friðingar
Spurningar:
1. Hvussu leingi hevur eystari kantur av Føroyabanka verið friðaður?
2. Ætlar landsstýrismaðurin at geva trolarum, sum royna eftir svartkalva, betri
trolleiðir á djúpari leiðunum á eystara kanti av Føroyabanka?
3. Hevur landsstýrismaðurin í hyggju at geva svartkalvabátunum betri
veiðirættindi og møguleikar?
Viðmerkingar:
Trolarar, sum royna eftir svartkalva á djúpum vatni (270 favnar og djúpari), sleppa
ikki at fiska á eystara kanti av Føroyabanka. Orsøkin er friðingin av toski og hýsu.
Friðingin ger, at økið hjá svartkalvabátunum gerst so avmarkað. Botnurin uttanfyri er
sera ringur, og tí er ongin fiskiskapur eftir svartkalva á fleiri leiðum longri suðuri.
Djúpvatnstrolarar fiska á 270 favna dýpi og djúpari, har hvørki toskur ella hýsa eru at
fáa. Fyri at fáa greiðu á ætlanunum hesum viðvíkjandi, verður hesin fyrispurningur
settur landsstýrismanninum.
Á Løgtingi, 3. august 2021
Jóhannis Joensen

-- 1 of 1 --