52-168/2020

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 29. juni 2021
J. nr.:
Svar uppá fyrispurning nr. 52-168/2020 frá Beintu Løwe Jacobsen, løgtingskvinnu, settur,
Jørgeni Niclasen, landsstýrismanni í fíggjarmálum, um umstøðurnar hjá ferðafólki í
Kalsoynni.
Fyrispurningurin er soljóðandi:
1. Hvørjar ætlanir eru um at betra umstøðurnar hjá ferðafólki á ferjuleguni í Syðradali, so hesi
hava eitt skýli ella líknandi at bíða í?
2. Um ongar ítøkiligar ætlanir eru, ætlar landsstýrismaðurin sær so at arbeiða fyri, at eitt skýli
ella annað kemur, so ferðafólk kunnu fara inn at kroka?
Svar:
Landsverk upplýsir, at arbeitt hevur verið við at betra um umstøðurnar hjá ferðafólki við ferjuleguna
á Syðradali. Ymiskar loysnir hava verið viðgjørdar, og nakað av útreiðslum eru brúktar til planlegging
og tekning. Niðurstøðan hjá Landsverk er, at loysnirnar sum arbeitt hevur verið við, eru ov langt frá
upprunaligu ætlanini. Skýlið gjørdist ov stórt og við ov nógvum funktiónum. Tí er arbeiðið steðgað
og málið endurskoðað.
Tinganes, 29. mai 2021
Jørgen Niclasen
Landsstýrismaður í fíggjarmálum

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Beinta Løwe Jacobsen, løgtingsmaður
Svarari: Jørgen Niclasen, landsstýrismaður í fíggjarmálum
Evni: Umstøðurnar hjá ferðafólki í Kalsoynni
Spurningar:
1. Hvørjar ætlanir eru um at betra umstøðurnar hjá ferðafólki á ferjuleguni í
Syðradali, so hesi hava eitt skýli ella líknandi at bíða í?
2. Um ongar ítøkiligar ætlanir eru, ætlar landsstýrismaðurin sær so at arbeiða
fyri, at eitt skýli ella annað kemur, so ferðafólk kunnu fara inn at kroka?
Viðmerkingar:
Rættiliga nógv ferðafólk fara um Kalsoyarfjørð og harvið ferjuleguna á Syðradali. Í
2019 var talið nærum hálvfjerðstúsund. Men eru ferðafólk ikki í bili hava tey onga
staðni at kroka í regni, kava og illveðri annað enn at fara inn í okkurt privat neyst.
Fyri at fáa greiðu á hvørjar ætlanir eru um at bøta um hesi viðurskifti, verður hesin
fyrispurningur settur
Á Løgtingi, 17. juni 2021
Beinta Løwe Jacobsen

-- 1 of 1 --