52-143/2020

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3Postboks 208
110 Tórshavn
20. mai 2021
Mál: 21/08070-2
Tygara Skriv:
Viðgjørt:
Nr. 52-143/2020
Fyrispurningur eftir Tingskipanini § 52 a
Fyrispurningur um broytingar í nevndini fyri Bústaðir og ákærur um lógarbrot, settur
landsstýrismanninum í almannamálum, Elsebeth Mercedis Gunnleygsdóttur (at svara
skrivliga eftir TS § 52 a)
1. Hvør gjørdi í hvørjum einstøkum føri tilmælið um at velja teir nývaldu limirnar í
víðkaðu nevndini fyri Bústaðir – var tað umsitingin, landsstýrismaðurin sjálvur, ella
annar persónur ella instansur?
2. Hvørjar vóru tær ítøkiligu og sakligu grundgevingarnar fyri at velja teir nýggju
stýrislimirnar, og hvussu eru tær skjalfestar sambært fyrisitingarlógini?
3. Hvør gjørdi tilmælið til at skifta tann undansitandi stýrisformannin út, og hvussu er
tað grundgivið og skjalfest sambært fyrisitingarlógini?
4. Var tað landsstýrismaðurin, sum ynskti, at nýggi formaðurin skuldi vera umboðið úr
hennara egnu fyrisiting?
5. Var nakað frámæli gjørt um ymsu persónarnar, ið eru valdir/frávaldir, og hvussu er
tað skjalfest og grundgivið sambært fyrisitingarlógini?
6. Kann landsstýrismaðurin vátta ella avsanna ákærurnar frá einum av nývaldu
stýrislimunum um, at Bústaðir hava fyrisitið ímóti lógini og kunngerðunum fyri
Bústaðir – og hvat hevur hon gjørt við hesar ákærur?
7. Um so er, at ákærurnar eru rættar, hvørjar avleiðingar fær tað?
8. Um so er ákærurnar eru falskar, hvørjar avleiðingar fær tað?
Viðmerkingar:
Tað er komið alment fram, at landsstýrismaðurin formliga hevur valt tríggjar nýggjar limir í
víðkaðu nevndina fyri Bústaðir, umframt tvey afturval frá gamla stýrinum. Sambært
fyrisitingarlógini skulu allar fyrisitingarligar avgerðir vera sakligar, grundgivnar og
skjalfestar.
Tí verður spurt, hvør hevur gjørt tilmælið og skotið upp, hvør skal veljast, og um hvussu hetta
er grundgivið og skjalfest. Biðið verður um svar fyri hvønn einstakan stýrislim.
Eisini verður spurt, um fyrisitingin ella onnur hava frámælt nakrari avgerð, og um so er,
hvussu hetta er skjalfest og grundgivið. Biðið verður um svar fyri hvønn einstakan stýrislim.
Hartil verður spurt um tær sera álvarsligu ákærurnar, ið eru sendar Almannamálaráðnum og
eru komnar fram alment frá einum av nývaldu stýrislimunum móti stjóra og leiðslu í

-- 1 of 3 --

ALMANNAMÁLARÁÐIÐ
síða 2 av 3
Bústøðum. Spurt verður, hvat landsstýrismaðurin hevur gjørt við hesar ákærur, og hvørjar
avleiðingar tær fáa, antin nakað hald er í teimum ella ikki.
Á Løgtingi, 7. mai 2021
Høgni Hoydal
Svar:
Til spurning nr. 1
Sbrt. § 2 í løgtingslóg um Húsalánsgrunn verður grunnurin fyrisitin av einum stýri við fimm
limum, sum landsstýrismaðurin tilnevnir. Ásetingin er broytt við løgtingslóg nr. 34 frá 26.
mars 2021 um broyting í løgtingslóg um Húsalánsgrunn og víðkar stýrið fyri grunnin úr
trimum upp í fimm limir.
Løgtingslógin ásetir onki um møguligar tilmælandi partar, eins og spyrjarin leggur upp til.
Tað er landsstýrismaðurin, sum tilnevnir, og hevur landsstýrismaðurin ikki ætlanir um at
upplýsa fyri spyrjara um innanhýsis skjøl hjá fyrisitingini, sum heldur ikki alment innlit er
latið í.
Til spurning nr. 2
Eins og nevnt undir spurningi 1, verður grunnurin sbrt. § 2 í løgtingslógini um Húsalánsgrunn
fyrisitin av einum stýri við fimm limum, sum landsstýrismaðurin tilnevnir. Sbrt.
viðmerkingunum til broytingarlógaruppskotinum um at víðka stýrið, er endamálið við
broytingini at tryggja eina breiðari fakliga umboðan í stýrinum. Markingin av 200 mió. kr. til
serligar málbólkar ger tað t.d. neyðugt at hava umboð í stýrinum, ið hevur sosialfakligan
kunnleika og/ella kunnleika til vardar bústaðaverkætlanir.
Samstundis ásetir broytingarløgtingslógin greitt, at tá hon kemur í gildi, tilnevnir
landsstýrismaðurin alt stýrið fyri Húsalánsgrunnin av nýggjum.
Landsstýrismaðurin kann upplýsa, at limirnir í stýrinum hava samanlagt gott innlit í bygging,
búskaparfrøði og fígging og gott innlit í sosiala øki. Eisini eru tveir av limunum endurvaldir
til tess at tryggja framhald.
Til spurning nr. 3
Eins og nevnt undir spurningi 1, verður grunnurin fyrisitin av einum stýri við fimm limum,
sum landsstýrismaðurin tilnevnir. Samstundis ásetir løgtingslógin greitt, at tá broytingin um
at víðka stýrið kemur í gildi, tilnevnir landsstýrismaðurin alt stýrið fyri Húsalánsgrunnin av
nýggjum. Harvið endaði valskeiðið hjá undanfarnu limunum, og tað er lógaráløgd skylda hjá
landsstýrismanninum at velja nýtt stýri.

-- 2 of 3 --

ALMANNAMÁLARÁÐIÐ
síða 3 av 3
Landsstýrismaðurin hevur lagt dent á at tryggja eina breiða fakliga umboðan. Víst verður
annars til svar uppá spurning 2.
Til spurning nr. 4
Sbrt. § 2, stk. 2 í í løgtingslóg um Húsalánsgrunn skipar stýrið seg sjálvt við formanni.
Til spurning nr. 5
Sí svar til sp. 1.
Til spurning nr. 6
Almannamálaráðið kannar eitt mál um Bústaðir hava fyrisitið rætt. Ongin niðurstøða er gjørd
í málinum enn.
Til spurning nr. 7
Sí svar til sp. 6.
Til spurning nr. 8
Sí svar til sp. 6.

-- 3 of 3 --

Skrivligur fyrispurningur
eftir § 52a í Tingskipanini
Spyrjari: Høgni Hoydal, løgtingsmaður
Svarari: Elsebeth Mercedis Gunnleygsdóttur, landsstýrismaður í bústaðarmálum
Evni: Broytingar í nevndini fyri Bústaðir og ákærur um lógarbrot
Spurningar:
1. Hvør gjørdi í hvørjum einstøkum føri tilmælið um at velja teir nývaldu
limirnar í víðkaðu nevndini fyri Bústaðir – var tað umsitingin,
landsstýrismaðurin sjálvur, ella annar persónur ella instansur?
2. Hvørjar vóru tær ítøkiligu og sakligu grundgevingarnar fyri at velja teir nýggju
stýrislimirnar, og hvussu eru tær skjalfestar sambært fyrisitingarlógini?
3. Hvør gjørdi tilmælið til at skifta tann undansitandi stýrisformannin út, og
hvussu er tað grundgivið og skjalfest sambært fyrisitingarlógini?
4. Var tað landsstýrismaðurin, sum ynskti, at nýggi formaðurin skuldi vera
umboðið úr hennara egnu fyrisiting?
5. Var nakað frámæli gjørt um ymsu persónarnar, ið eru valdir/frávaldir, og
hvussu er tað skjalfest og grundgivið sambært fyrisitingarlógini?
6. Kann landsstýrismaðurin vátta ella avsanna ákærurnar frá einum av nývaldu
stýrislimunum um, at Bústaðir hava fyrisitið ímóti lógini og kunngerðunum
fyri Bústaðir – og hvat hevur hon gjørt við hesar ákærur?
7. Um so er, at ákærurnar eru rættar, hvørjar avleiðingar fær tað?
8. Um so er ákærurnar eru falskar, hvørjar avleiðingar fær tað?
Viðmerkingar:
Tað er komið alment fram, at landsstýrismaðurin formliga hevur valt tríggjar nýggjar
limir í víðkaðu nevndina fyri Bústaðir, umframt tvey afturval frá gamla stýrinum.
Sambært fyrisitingarlógini skulu allar fyrisitingarligar avgerðir vera sakligar,
grundgivnar og skjalfestar.
Tí verður spurt, hvør hevur gjørt tilmælið og skotið upp, hvør skal veljast, og um
hvussu hetta er grundgivið og skjalfest. Biðið verður um svar fyri hvønn einstakan
stýrislim.
Eisini verður spurt, um fyrisitingin ella onnur hava frámælt nakrari avgerð, og um so
er, hvussu hetta er skjalfest og grundgivið. Biðið verður um svar fyri hvønn einstakan
stýrislim.
Hartil verður spurt um tær sera álvarsligu ákærurnar, ið eru sendar
Almannamálaráðnum og eru komnar fram alment frá einum av nývaldu
stýrislimunum móti stjóra og leiðslu í Bústøðum. Spurt verður, hvat
landsstýrismaðurin hevur gjørt við hesar ákærur, og hvørjar avleiðingar tær fáa, antin
nakað hald er í teimum ella ikki.

-- 1 of 2 --

Á Løgtingi, 7. mai 2021
Høgni Hoydal

-- 2 of 2 --