52-135/2020

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, 12. mai 2021
J. nr.: 21/07581
Viðgjørt: BAB
Svar upp á fyrispurning nr. 52-135/2020 frá Hendrik Old, løgtingsmanni, settur Jørgeni
Niclasen, landsstýrismanni í fíggjarmálum, um útbjóðing í sambandi við Fámjinstunnilin
Fyrispurningurin er soljóðandi:
1. Ætlar landsstýrismaðurin at skipa soleiðis fyri, at útbjóðingin at gera tunnil og veg í
sambandi við Fámjinstunnilin verður boðin út í tveimum, tvs. tunnil og vegagerð hvør
sær?
Svar:
Ynskiligt hevði verið at verkætlanin varð boðin út í tveimum. Avbjóðingin er, at grótið úr
tunlinum skal brúkast at gera vegirnar. Tí kunnu vegirnir ikki gerast uttan at tunnilsarbeiðið er í
gongd samstundis. Landsverk metir, at kostnaðarmetingin verður ein heilt onnur, um so er at
verkætlanin skal býtast í tvey. Verandi kostnaðarmeting á 169 mió.kr. byggir á, at talan er um
eina samlaða verkætlan.
Í løtuni ber til hjá byggifyritøkum at søkja um undangóðkenning at geva tilboð uppá nýggjan
Fámjinstunnil. Freistin er 13. mai.
Ætlanin er sostatt framvegis, at verkætlanin verður bjóðað samlað út áðrenn summarfrítíðina og
at arbeiðið kann byrja seinni í ár.
Tinganes, 12. mai 2021
Jørgen Niclasen
landsstýrismaður í fíggjarmálum

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Henrik Old, løgtingsmaður
Svarari: Jørgen Niclasen, landsstýrismaður í fíggjarmálum
Evni: Útbjóðing í sambandi við Fámjinstunnilin
Spurningar:
Ætlar landsstýrismaðurin at skipa soleiðis fyri, at útbjóðingin at gera tunnil og veg í
sambandi við Fámjinstunnilin verður boðin út í tveimum, tvs. tunnil og vegagerð hvør
sær?
Viðmerkingar:
Landsstýrismaðurin hevur áður nevnt, at ætlanin var at útbjóða arbeiðið at gera tunnil
til Fámjins í tveimum – vegagerð og tunnil hvør sær – við tí endamáli, at smærri og
lokalar fyritøkur kunnu sleppa framat at gera vegarbeiðið.
Nú lýst verður eftir fyritøkum til undangóðkenning sæst, at arbeiðið verður boðið út í
einum, og tískil er ikki møguligt hjá smærri fyritøkum at bjóða seg fram.
Í útbjóðingartilfarinum hjá Landsverki verður sagt, at talan er um á leið 2.600 metrar
av vegi. Harafturat verður sagt, at ætlanin er at byrja arbeiðið seint í 2021, og sostatt
er ríkiligt av tíð at skipa soleiðis fyri, at smærri fyritøkur kunnu bjóða seg fram til
vegarbeiðið. Tí verður hesin fyrispurningur settur.
Á Løgtingi, 3. mai 2021
Henrik Old

-- 1 of 1 --