52-124/2020

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Føroya Løgting
Tinghúsvegur 1 – 3 Postboks 208
110 Tórshavn
27. apríl 2021
Mál: 21/06598-2
Tygara Skriv:
Viðgjørt: Jeanette Ellefsen
Blaasvær
Skrivligur fyrispurningur eftir § 52 í Tingskipanini Nr. 52-124/2020
Spurningar:
1. Út frá hvørjum fortreytum eru nevndarlimirnir í stýrinum fyri Bústaðir valdir?
2. Heldur landsstýrismaðurin tað vera í samsvari við armslongdarprinsippið, at
nevndarformaðurin samstundis er fulltrúi í aðalráðnum hjá landsstýrismanninum?
Viðmerkingar:
Løgtingið hevur fyri kortum samtykt lógarbroytingar viðv. Húsalánsgrunninum, ið millum
annað bóru við sær, at talið á nevndarlimum fór úr trimum upp í fimm, hóast samgongan
annars vil minka talið á nevndarlimum í almennum nevndum.
Nú landsstýrismaðurin hevur valt nevndarlimir vísir tað seg, at ein nevndarlimur, sum síðani
er vorðin formaður í stýrinum, í sínum dagliga starvi er fulltrúi og ráðgevi hjá
landsstýrismanninum.
Omanfyrinevndu lógarbroytingar viðførdu fleiri heimildir til landsstýrismannin, millum
annað at skulu Bústaðir fara undir verkætlanir einsamallir, kann hetta bert gerast við loyvi frá
landsstýrismanninum. Tí er spurningurin, hvussu tað ávirkar armslongdarprinsippið, at
starvsfólk hjá landsstýrismanninum sita báðumegin borðið.
Á Løgtingi, 20. apríl
Eyðgunn Samuelsen

-- 1 of 2 --

ALMANNAMÁLARÁÐIÐ
síða 2 av 2
Svar:
Til nr. 1
Hvør einstakur nevndarlimirnir í nývalda stýrinum fyri Bústaðir er valdur, soleiðis at stýrið
sum ein heild á fullgóðan hátt kann fremja lógarinnar setning.
Tveir av trimum limum eru afturvaldir, og hetta kann vera við til at tryggja støðugt framhald
av verandi verkætlanum, meðan hinir tríggir limirnir eru nýggir, og soleiðis kunnu vera við til
at tryggja meiri gjøgnumskygni, og á hendan hátt skapa enn størri fólksliga undirtøku fyri
virksemið hjá Bústøðum.
Í stýrinum eru fólk, ið eru byggikøn, hava námsfrøðiliga vitan, hava umboðað fólk við serligum
tørvi í áhugafelagi og búskaparfrøðingar við drúgvum royndum innan fíggjarstýring bæði í tí
almenna og tí privata. Samanlagt átti hetta at verið eitt toymi, sum kann samstarva professionelt
við dagligu leiðsluna í Bústøðum.
Til nr. 2
Nú greiðir spyrjarin ikki nærri frá hugtakinum “armslongd”, men landsstýrismaðurin skilir tað
soleiðis, at hann skal tryggja, at stýrið innanfyri karmarnar av lógini kann virka óheft av
landsstýrismanninum. Hetta fyri at almenningurin kann hava álit á, at landsstýrismaðurin
óheft
• kann fremja tað lógarfesta eftirlitið við stovnin,
• kann virka sum kærumyndugleiki,
• kann viðgera umbønir um at víkja frá lógarkravinum um samstarv við privatar
íleggjarar,
• og óheft kann “gera avtalu” – sum tikið verður til í lógini - við stýrið um staðseting og
málbólk fyri tær 200 milliónir krónurnar til serligar málbólkar. Sum vera mann kunnu avtalur
bert gerast millum partar, sum eru óheftir hvør av øðrum.
Talan er um ein út av fimm stýrislimum, og soleiðis sum Almannamálaráðið er skipað, metir
landsstýrismaðurin, at hesar uppgávur fult út kunnu røkjast.

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Eyðgunn Samuelsen, løgtingsmaður
Svarari: Elsebeth Mercedis Gunnleygsdóttur, landsstýrismaður í almannamálum
Evni: Nevndarval í Bústøðum
Spurningar:
1. Út frá hvørjum fortreytum eru nevndarlimirnir í stýrinum fyri Bústaðir valdir?
2. Heldur landsstýrismaðurin tað vera í samsvari við armslongdarprinsippið, at
nevndarformaðurin samstundis er fulltrúi í aðalráðnum hjá
landsstýrismanninum?
Viðmerkingar:
Løgtingið hevur fyri kortum samtykt lógarbroytingar viðv. Húsalánsgrunninum, ið
millum annað bóru við sær, at talið á nevndarlimum fór úr trimum upp í fimm, hóast
samgongan annars vil minka talið á nevndarlimum í almennum nevndum.
Nú landsstýrismaðurin hevur valt nevndarlimir vísir tað seg, at ein nevndarlimur, sum
síðani er vorðin formaður í stýrinum, í sínum dagliga starvi er fulltrúi og ráðgevi hjá
landsstýrismanninum.
Omanfyrinevndu lógarbroytingar viðførdu fleiri heimildir til landsstýrismannin,
millum annað at skulu Bústaðir fara undir verkætlanir einsamallir, kann hetta bert
gerast við loyvi frá landsstýrismanninum. Tí er spurningurin, hvussu tað ávirkar
armslongdarprinsippið, at starvsfólk hjá landsstýrismanninum sita báðumegin borðið.
Á Løgtingi, 20. apríl
Eyðgunn Samuelsen

-- 1 of 1 --