52-122/2020
Havnarlagið í Skúgvi
§52a fyrispurningar · Birt 1. sep. 2026 · Avgreitt · Svarfreist 3. mai 2021 · logting.fo
Spyrjari
Svarari
Skjøl (2)
122.20 Svar frá J. Nicalsen til B. Sandoy - Havnalagið í Skúgvi.pdfuppruna-PDF
Svar · — · 3. mai 2021
Sjá útdrigin tekst
F Í G G J A R M Á L A RÁ Ð I Ð Ministry of Finance Tinganes • Box 2039 • FO-110 Tórshavn (+298) 35 20 20 • fmr@fmr.fo • www.fmr.fo Løgtingið Tinghúsvegur 1-3 Postboks 208 110 Tórshavn Tórshavn, tann: 3. mai 2021 J. nr.: 21/00131 Viðgjørt: AE Svar til fyrispurning nr. 52-122/2020 frá Brandi Sandoy, løgtingsmanni, settur landsstýrismanninum í fíggjarmálum, Jørgeni Niclasen, um havnarlagið í Skúgvi Fyrispurningurin er soljóðandi: • Hevur landsstýrismaður ætlanir um at bøta um havnarlagið í Skúgvi í summar? Svar Landsstýrismaðurin arbeiðir fyri at ferðasambandi er gott um alt landið. Fleiri lendingar og atløgubryggjur á útoyggjum, sum Strandferðslan brúkar, eru ikki í nóg góðum standi. Havnirnar eru kommunalar, men kann tað verða trupult hjá smæstu kommununum at fíggja neyðugar umvælingar. Landsverk hevur gjørt fyribils kanningar av havnalagnum í Skúgvi, og heldur fram við at fyrireika verkætlanina. Roynt verður at finna pening, so arbeiðið kann gerast í summar. Tinganes, 3. mai 2021 Jørgen Niclasen Landsstýrismaður í fíggjarmálum -- 1 of 1 --
122.20 Spurningur til J. Nicalsen frá B. Sandoy - Havnalagið í Skúgvi.pdfuppruna-PDF
Spurningur · — · 20. apr. 2021
Sjá útdrigin tekst
Skrivligur fyrispurningur eftir § 52a í Tingskipanini Spyrjari: Brandur Sandoy, løgtingsmaður Svarari: Jørgen Niclasen, landsstýrismaður í fíggjarmálum Evni: Havnarlagið í Skúgvi Spurningur: Hevur landsstýrismaður ætlanir um at bøta um havnarlagið í Skúgvi í summar? Viðmerkingar: Útoyggjar okkara eru at meta sum perlur, men hesar hava ofta trupulleikar við atkomuni. Veður og vindur gera sítt til, at tað ikki altíð er atkomuligt til hesar oyggjar, og hartil eru kraftmiklu náttúruviðurskiftini ein stór avbjóðing, tá tað snýr seg um slit á havnarløgini. Soleiðis er eisini í Skúgvi, har tað ofta eru stórar avbjóðingar at koma til og frá oynni. Fyri nøkrum árum síðan byrjaði at brotna burtur av betonginum á lendingini, og hevur hetta brot nú vaksið seg so stórt, at stórur vandi er fyri, at fólkaskaði stendst av, tá nakað er at í sjónum, og fólk er niðri á lendingini og tekur ímóti sínum kæru og øðrum gestum. Givið er, at verða slíkar umvælingar ikki gjørdar á summartíð, so mugu tær bíða eitt heilt ár, tí slíkt kann bara gerast í fagrasta veðri. Fyri at fyribyrgja eini uppaftur størri umvæling, er tað av stórum týdningi, at lendingin verður umvæld í summar, og tí verður landsstýrismaðurin spurdur um, hvat hann ætlar at gera við hesi viðurskifti. Á Løgtingi, 20. apríl 2021 Brandur Sandoy -- 1 of 1 --