52-118/2020

FISKIMÁLARÁÐIÐ
M i n i s t r y o f F i s h e r i e s
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • F a x ( + 2 9 8 ) 3 5 3 0 3 5 • f i s k @ f i s k . f o • w w w . f i s k . f o
Løgtingið
Postboks 208
110 Tórshavn
Stjórnarskrivstovan
23. apríl 2021
Mál: 21/06685-2
(at tilskila í svari)
Svar til § 52 a fyrispurning nr. 52-118/2020 frá Beintu Løwe Jacobsen,
løgtingsmanni
Spurningar um Veðurstovu Føroya:
1. Nær er endalig avgerð tikin um at staðseta Veðurstovu Føroya í Havn?
2. Er ætlanin at leggja Veðurstovu Føroya aðrastaðni, antin í Klaksvík ella á Flogvøllinum
Svar:
Til nr. 1.
Endalig støða er ikki tikin um at staðseta Veðurstovu Føroya í Havn.
Í sambandi við staðseting, so loyvi eg mær at vísa til tíðindaskriv, ið er sent út í sambandi
við veðurtænastuna. Í nevnda skrivi stendur millum annað, at Veðurstøðin við
Hoyvíksvegin verður í byrjanini høvuðsdeild hjá Veðurstovu Føroya.
Í sama skrivi er ásett, at í sambandi við tilbúgving verður kannað um møguleikan at gera
vaktararbeiðspláss á viðkomandi støðum, so veðurfrøðingur í ávísum føri kann arbeiða har.
Til nr. 2.
Ætlanin er at staðseta Veðurstovu Føroya á flogvøllinum í Vágum.
Eg skal í hesum sambandi leggja áherðslu á, at ætlanin er ikki, at flogvøllurin verður einasta
staðið, ið nýtt verður í sambandi við veðurtænastu.
Í hesum sambandi skal eg nevna, at vaktararbeiðspláss og líknandi kunnu staðsetast á
øðrum plássum kring landið, tað veri seg í verandi hølum hjá Veðurstøðini í Tórshavn eins
og í øðrum økjum kring landið.
Avgerð um eina spjadda staðseting skal sjálvandi grundast á tørv og onnur viðurskifti, ið
serkunnleikin vísir á. Serkunnleikin í hesum føri eru veðurfrøðingar ella onnur, ið hava
arbeitt við verkætlanini og/ella verða knýtt at tænastuni í framtíðini.
Jacob Vestergaard
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Beinta Løwe Jacobsen, løgtingsmaður
Svarari: Jacob Vestergaard, landsstýrismaður í fiskivinnumálum
Evni: Veðurstova Føroya
Spurningar:
1. Nær er endalig avgerð tikin um at staðseta Veðurstovu Føroya í Havn?
2. Er ætlanin at leggja Veðurstovu Føroya aðrastaðni, antin í Klaksvík ella á
Flogvøllinum
Viðmerkingar:
Tað er at fegnast um, at arbeiðið við Veðurstovu Føroya nú er komið so langt, at søkt
verður eftir veðurfrøðingum.
Men sambært starvslýsingini stendur, at høvuðsdeild og vaktarstova verður á
veðurstøðini við Boðanes, Tórshavn.
3. nov í fjør segði landsstýrismaðurin annars í svari til undirritaðu, at støða ikki varð
tikin til, hvar veðurstovnurin skuldi liggja.
Fyri at fáa greiðu á hesum viðurskiftum verður hesin fyrispurningur settur
landsstýrismanninum.
Á Løgtingi, 14. apríl 2021
Beinta Løwe Jacobsen

-- 1 of 1 --