52-116/2020

FISKIMÁLARÁÐIÐ
M i n i s t r y o f F i s h e r i e s
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • F a x ( + 2 9 8 ) 3 5 3 0 3 5 • f i s k @ f i s k . f o • w w w . f i s k . f o
Løgtingið
Postboks 208
110 Tórshavn
Stjórnarskrivstovan
23. apríl 2021
Mál: 21/06677-2
(at tilskila í svari)
Svar til § 52 a fyrispurning nr. 52-116/2020 frá Eyðgunn Samuelsen, løgtingsmanni
Spurningar um staðseting av Veðurstovu Føroya:
1. Hvørji atlit eru tikin, tá ið avgjørt er at staðseta Veðurstovu Føroya í Tórshavn?
2. Er nøkur ætlan um at flyta veðurstovuna ella partar av henni út um landið - um ja,
hvagar og nær?
3. Hevur samgongan eina ætlan viðvíkjandi miðspjaðing av almennum stovnum?
Svar:
Til nr. 1.
Málsøkið veðurtænasta varð yvirtikið í 2009, og tænastan er skipað undir Vørn.
Rakstrarkonto á Løgtingsins fíggjarlóg er skipað undir Vørn. Tænastan hevur millum annað
hesar uppgávur:
• Radiosonderingar tvær ferðir um samdøgrið
• Innlesing av veðurforsøgnum á telefonsvarara
• Umsiting av veðurstøðum á fleiri økjum kring Føroyar
Vørn umsitur útreiðslukontur til lønir, eins og keyp av vørum og tænastum.
Á vári 2021 hevur Vørn høli tøk, ið eru væl egnað til endamálið. Hølini eru umvæld seinru
árini.
Við grundarlagi í hesum atlitum er støða tikin at leggja føroysku veðurtænastuna á Vørn í
byrjanini.
Til nr. 2.
Ætlanin er at staðseta Veðurstovu Føroya á flogvøllinum í Vágum.
Eg skal í hesum sambandi leggja áherðslu á, at ætlanin er ikki, at flogvøllurin verður einasta
staðið, ið nýtt verður í sambandi við veðurtænastu.

-- 1 of 2 --

FISKIMÁLARÁÐIÐ
2/2
Í hesum sambandi skal eg nevna, at vaktararbeiðspláss og líknandi kunnu staðsetast á
øðrum plássum kring landið, tað veri seg í verandi hølum hjá Veðurstøðini í Tórshavn eins
og í øðrum økjum kring landið.
Avgerð um eina spjadda staðseting skal sjálvandi grundast á tørv og onnur viðurskifti, ið
serkunnleikin vísir á. Serkunnleikin í hesum føri eru veðurfrøðingar ella onnur, ið hava
arbeitt við verkætlanini og/ella verða knýtt at tænastuni í framtíðini.
Til nr. 3.
Eg havi ikki luttikið í ítøkiligari viðgerð í samgonguni um ætlanir at miðspjaða almennar
stovnar.
Eg kann tó viðmerkja, at ætlan mín í sambandi við veðurtænastuna er í góðum samsvari
við hugsanir um spjaðing av virksemi kring landið.
Jacob Vestergaard
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Eyðgunn Samuelsen, løgtingsmaður
Svarari: Jacob Vestergaard, landsstýrismaður í fiskivinnumálum
Evni: Staðseting av Veðurstovu Føroya
Spurningar:
1. Hvørji atlit eru tikin, tá ið avgjørt er at staðseta Veðurstovu Føroya í
Tórshavn?
2. Er nøkur ætlan um at flyta veðurstovuna ella partar av henni út um landið - um
ja, hvagar og nær?
3. Hevur samgongan eina ætlan viðvíkjandi miðspjaðing av almennum stovnum?
Viðmerkingar:
Veðurtænastan varð yvirtikin í 2009, men higartil hevur eingin verulig veðurstova
verið í Føroyum. Í fjør játtaði Løgtingið 3,2 milliónir krónur afturat til at seta á stovn
føroyska veðurstovu.
Í tíðindaskrivi 26. mars skrivar Vørn, at Veðurstovan í fyrstu atløgu fer at húsast við
Hoyvíksvegin í Havn.1 Tað er eingin loyna, at arbeitt verður innan veðurfrøði bæði á
flogvøllinum og í Norðoyggjum, og partvíst eru hølir og útgerð tøk har.
Í hesum sambandi vil undirritaða hava at vita, hvørji atlit eru tikin til staðsetingina av
veðurstovuni, og um hetta ikki er eitt starvsøki, ið við fyrimuni kann staðsetast
allastaðni í landinum. Sagt verður í tíðindaskrivinum, at staðsetingin er fyribils, men
kortini verður ikki sagt, hvussu leingi veðurstovan skal húsast í Havn. Royndir vísa
okkum, at fyribilsloysnir ofta hava lyndi at gerast varandi.
Harumframt vil undirritaða hava greiðu á, hvørja støðu samgongan hevur til
miðspjaðing av almennum størvum.
Á Løgtingi, 13. apríl 2021
Eyðgunn Samuelsen
1 https://www.vorn.fo/kunning/tidindi/vedurstova-foroya-
veruleiki/?fbclid=IwAR2t7sd0Mu5ovwoCFX2-
r9eGY6ms9lKON7ioZSoxDrj2ZO89s889I2FPEJk

-- 1 of 1 --