52-110/2020

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Føroya Løgting
Tinghúsvegur 1 - 3Postboks 208
110 Tórshavn
7. apríl 2021
Mál: 21/05323-3
Tygara Skriv:
Viðgjørt: Poula Lervig
Skrivligur fyrispurningur eftir § 52a í Tingskipanini Nr. 096/20
Spurningar:
1. Heldur landsstýrismaðurin, at ásetingarnar um regluligar metingar hjá
barnaverndarnevndini sambært § 24, stk. 1 í barnaverndarlógini verða fylgdar?
2. Um ikki, kann landsstýrismaðurin so greiða frá, hvørjar orsakir kunnu vera til tess?
3. Hvussu nógv mál um umsorganaryvirtøku eru sett úr gildi sambært § 24 stk. 2 í
barnaverndarlógini seinastu 10 árini?
Viðmerkingar:
Barnaverndarstova Føroya ger á hvørjum ári hagtalsfrágreiðingar, har til ber at síggja, hvussu
nógv barnaverndarmál hava verið fyri hvørt ár býtt á m.a. kyn og bústað. Nýggjastu almennu
tølini eru frá 2019; tá vóru 920 barnaverndarmál virkin kring landið. Tá talan er um virkin
barnaverndarmál, er umráðandi at hava í huga, at tað kann vera alt frá vanligari ráðgeving til
mál, har børn verða sett heiman ímóti viljanum hjá foreldrunum, altso umsorgarnaryvirtøka
uttan samtykki. Í 2019 vórðu tað skrásett 337 nýggj barnaverndarmál og 221 mál endaðu.
Men av tí at málini eru so ymisk ber ikki til at avlesa í tølunum, hvussu nógv av hesum eru
børn, sum verða sett heiman, og hvørjar orsakir eru til, at málini enda.
Í § 24 stk. 1 og 2 er ásett, at viðvíkjandi fyriskipanum um umsorganaryvirtøku, har talan t.d.
er um vanrøkt av dagligu umsorganini, skal barnaverndarnevndin við jøvnum millumbilum
meta um, hvørt umstøðurnar hjá tí ella teimum, ið hava foreldramyndugleikan, eru broyttar
soleiðis, at barnið aftur kann fáa nøktandi umsorgan í heiminum. Barnaverndarnevndin skal
síðani leggja hesa eftirmetingina fyri Høvuðsbarnaverndarnevndina, og metir
Høvuðsbarnaverndarnevndin, at umstøðurnar eru broyttar, soleiðis at barnið aftur kann fáa
nøktandi umsorgan í heiminum, skal Høvuðsbarnaverndarnevndin seta avgerðina um
umsorganaryvirtøku úr gildi.
Áhugavert er at fáa at vita, um barnaverndarnevndin ger hesar eftirmetingar við jøvnum
millumbilum, hvørjar umstøðurnar hjá barnaverndarnevndini eru til at gera eftirmetingarnar
til fulnar, og í hvønn mun vit síggja, at mál um umsorganaryvirtøku verða slept, tí at mett
verður, at umstøðurnar eru broyttar. Til tess at fáa greiðu á hesum verður hesin
fyrispurningurin settur.
Á Løgtingi, 26. mars 2021
Eyðgunn Samuelsen

-- 1 of 3 --

ALMANNAMÁLARÁÐIÐ
síða 2 av 3
Svar:
1. Heldur landsstýrismaðurin, at ásetingarnar um regluligar metingar hjá
barnaverndarnevndini sambært § 24, stk. 1 í barnaverndarlógini verða fylgdar?
Eins og víst verður á í viðmerkingini til spurningin, so er tað av stórum týdningi í málum um
umsorganaryvirtøku, at tað við jøvnum millumbilum verður mett um, hvørt heimligu
umstøðurnar eru broyttar soleiðis, at barnið aftur kann fáa nøktandi umsorgan í heiminum,
ella um barnið framhaldandi eigur at verða verandi uttanfyri heimið. Soleiðis sum
barnaverndarøkið er skipað við barnaverndarlógini, so er tað ábyrgdin hjá staðbundnu
barnaverndarnevndunum at tryggja, at uppfylgingin sambært § 24, stk. 1, verður gjørd.
Barnaverndarnevndirnar verða valdar av kommununum. Av tí at talan er um málsøki, ið
landsstýrismaðurin ikki beinleiðis umsitur, so ber ikki til at geva eitt svar uppá, um
landsstýrismaðurin metur, at ásetingarnar um regluligar metingar hjá barnaverndarnevndini
sambært § 24, stk. 1 verða fylgdar. Eins og landsstýrismaðurin áður í svari til munnligan
fyrispurning hevur upplýst, so er arbeiðið at gera regluligar eftirlitsvitjanir á
barnaverndarøkinum farið í gongd, og spurningurin um regluligar metingar sambært § 24 er
eitt øki, ið landsstýrismaðurin raðfestur ovarlaga í hesum sambandi.
2. Um ikki, kann landsstýrismaðurin so greiða frá, hvørjar orsakir kunnu vera til tess?
Sí svar til spurning 1.
3. Hvussu nógv mál um umsorganaryvirtøku eru sett úr gildi sambært § 24 stk. 2 í
barnaverndarlógini seinastu 10 árini?
Í talvuni niðanfyri síggjast tølini fyri, hvussu nógvar umsorganaryvirtøkur eru settar úr gildi
síðani skrivstovan hjá Høvuðsbarnaverndarnevndini bleiv flutt á Føroya Kærustovn í 2015:
Viðmerkjast skal, at tøl finnast ikki fyri, hvussu nógvar av umsorganaryvirtøkunum eru settar
úr gildi einans við tilvísing til § 24, stk. 2 í barnaverndarlógini. Tølini vísa einans, hvussu
nógvar umsorganaryvirtøkur eru settar úr gildi, áðrenn barnið er vorið 18 ár. Heimildin kann
verða bæði § 24, stk. 2 og § 24 g, tvs tá endamálið er rokkið, tá fyriskipanin ikki longur tænir
endamálinum ella tá barnið fyllir 18 ár.
Tórshavn, 7. apríl 2021
Umsorganaryvitøka sett úr gildi
2015 3
2016 2
2017 4
2018 3
2019 1
2020 2

-- 2 of 3 --

ALMANNAMÁLARÁÐIÐ
síða 3 av 3
Elsebeth Mercedis Gunnleygsdóttir
landsstýriskvinna

-- 3 of 3 --

Skrivligur fyrispurningur
eftir § 52a í Tingskipanini
Spyrjari: Eyðgunn Samuelsen, løgtingsmaður
Svarari: Elsebeth Mercedis Gunnleygsdóttur, landsstýrismaður í almannamálum
Evni: Barnavernd
Spurningar:
1. Heldur landsstýrismaðurin, at ásetingarnar um regluligar metingar hjá
barnaverndarnevndini sambært § 24, stk. 1 í barnaverndarlógini verða fylgdar?
2. Um ikki, kann landsstýrismaðurin so greiða frá, hvørjar orsakir kunnu vera til tess?
3. Hvussu nógv mál um umsorganaryvirtøku eru sett úr gildi sambært § 24 stk. 2 í
barnaverndarlógini seinastu 10 árini?
Viðmerkingar:
Barnaverndarstova Føroya ger á hvørjum ári hagtalsfrágreiðingar, har til ber at síggja, hvussu
nógv barnaverndarmál hava verið fyri hvørt ár býtt á m.a. kyn og bústað. Nýggjastu almennu
tølini eru frá 2019; tá vóru 920 barnaverndarmál virkin kring landið. Tá talan er um virkin
barnaverndarmál, er umráðandi at hava í huga, at tað kann vera alt frá vanligari ráðgeving til
mál, har børn verða sett heiman ímóti viljanum hjá foreldrunum, altso umsorgarnaryvirtøka uttan
samtykki. Í 2019 vórðu tað skrásett 337 nýggj barnaverndarmál og 221 mál endaðu. Men av tí at
málini eru so ymisk ber ikki til at avlesa í tølunum, hvussu nógv av hesum eru børn, sum verða
sett heiman, og hvørjar orsakir eru til, at málini enda.
Í § 24 stk. 1 og 2 er ásett, at viðvíkjandi fyriskipanum um umsorganaryvirtøku, har talan t.d. er
um vanrøkt av dagligu umsorganini, skal barnaverndarnevndin við jøvnum millumbilum meta
um, hvørt umstøðurnar hjá tí ella teimum, ið hava foreldramyndugleikan, eru broyttar soleiðis, at
barnið aftur kann fáa nøktandi umsorgan í heiminum. Barnaverndarnevndin skal síðani leggja
hesa eftirmetingina fyri Høvuðsbarnaverndarnevndina, og metir Høvuðsbarnaverndarnevndin, at
umstøðurnar eru broyttar, soleiðis at barnið aftur kann fáa nøktandi umsorgan í heiminum, skal
Høvuðsbarnaverndarnevndin seta avgerðina um umsorganaryvirtøku úr gildi.
Áhugavert er at fáa at vita, um barnaverndarnevndin ger hesar eftirmetingar við jøvnum
millumbilum, hvørjar umstøðurnar hjá barnaverndarnevndini eru til at gera eftirmetingarnar til
fulnar, og í hvønn mun vit síggja, at mál um umsorganaryvirtøku verða slept, tí at mett verður, at
umstøðurnar eru broyttar. Til tess at fáa greiðu á hesum verður hesin fyrispurningurin settur.
Á Løgtingi, 26. mars 2021
Eyðgunn Samuelsen

-- 1 of 1 --