52-103/2020

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 26. mars 2021
J. nr.: 21/00136
Viðgjørt: AE
Svar til fyrispurning nr. 52-103/2020 frá Eyðgunn Samuelsen, løgtingskvinnu, settur
landsstýrismanninum í fíggjarmálum, Jørgeni Niclasen, um ferðaætlanina á leið 400
Fyrispurningurin er soljóðandi:
1. Heldur landsstýrismaðurin tað vera nøktandi tænasta til norðoyingar og eysturoyingar
bert at hava møguleika at ferðast beinleiðis við SSL gjøgnum Eysturoyartunnilin tvær
ferðir um samdøgrið, kl. 6.25 á morgni og kl. 16.15 seinnapart?
2. Heldur landsstýrismaðurin, at hetta tilboðið frá SSL fer at fáa norðoyingar og
eysturoyingar at brúka tunnilin meira?
3. Fer landsstýrismaðurin at gera nakað fyri at fáa eitt betri samband gjøgnum tunnilin?
Svar:
Landsstýrismaðurin arbeiðir fyri at ferðasambandið er gott um alt landið. Eysturoyartunnilin
letur upp fyri nógvum møguleikum, og er ein góð ferðaætlan hjá Bygdaleiðum av stórum
týdningi fyri at knýta samfelagið enn nærri saman.
Sum kunnugt hevur uppskot til broytta ferðaætlan hjá Bygdaleiðum júst verið til hoyringar. Tað
komu 86 hoyringarsvar inn, og er Strandferðslan nú farin undir at viðgera hoyringarsvarini, eisini
í samstarvi við áhugapartar, áðrenn endalig ferðaætlan verður gjørd. Hetta verður ikki sum
sambært upprunaligu ætlanini tann 1. apríl. Næstu vikurnar verður viðgjørt nærri uppskot til
ferðaætlan.
Tað er givið, at norðoyingar, eysturoyingar, suðurstreymoyingar, og øll onnur, skulu hava
nøktandi ferðasamband gjøgnum Eysturoyartunnilin, millum miðstaðarøkið og norður Føroyar,
til gagns fyri vinnu og borgarar.
Viðurskifti viðvíkjandi gjaldi í Eysturoyartunlinum, hevur í ávísan mun verið ein avbjóðing, tí tað
í tillagingunum eisini hevur verið neyðugt, at halda seg innanfyri galdandi fíggjarkarmar og
sáttmálar við bussveitarar.

-- 1 of 2 --

F Í G G J A R M Á L A R Á Ð I Ð
Ministry of Finance
2/2
Tað ber ikki til at ganga øllum ynskjum til ferðaætlanina á møti, tí tað røkkur játtanin ikki til. Ein
møguleiki er, at kommurnar eisini eru við til at fíggja ferðaætlanina, og at land og kommunur
samstarva í størri mun um bussflutning.
Tinganes, 26. mars 2021
Jørgen Niclasen
Landsstýrismaður í fíggjarmálum

-- 2 of 2 --

Eyðgunn Samuelsen
løgtingsmaður
Fyrispurningur eftir Tingskipanini § 52 a
Fyrispurningur um ferðaætlanina á leið 400, settur Jørgeni Niclasen, landsstýrismanni
við fíggjarmálum (at svara skrivliga eftir TS § 52 a)
1. Heldur landsstýrismaðurin tað vera nøktandi tænasta til norðoyingar og eysturoyingar
bert at hava møguleika at ferðast beinleiðis við SSL gjøgnum Eysturoyartunnilin tvær
ferðir um samdøgrið, kl. 6.25 á morgni og kl. 16.15 seinnapart?
2. Heldur landsstýrismaðurin, at hetta tilboðið frá SSL fer at fáa norðoyingar og
eysturoyingar at brúka tunnilin meira?
3. Fer landsstýrismaðurin at gera nakað fyri at fáa eitt betri samband gjøgnum tunnilin?
Viðmerkingar
Fyri mong var tað eitt vónbrot at síggja endurskoðaðu ferðaætlanina hjá SSL, nú farleiðin
millum Klaksvík og Tórshavn er eftirmett. Ferðaætlanin er skipað soleiðis, at Leið 400
aftur koyrir gomlu farleiðina til Havnar gjøgnum Sundalagið og ein snarbussur, Leið 401,
er settur í koyring tvær ferðir um dagin – kl. 6.25 úr Klaksvík og úr Havn kl. 16.15.
Nýggja ferðaætlanin er góð fyri tey, ið búgva í Sundalagnum, og sum nærum mistu
sambandið til Havnar, tá Eysturoyartunnilin varð tikin í nýtslu. Men hon man vera eitt
afturstig fyri tey í norður- og eysturøkinum, ið hava brúk fyri bussi at koma til Havnar aðrar
tíðir á degnum.
Nýggja farleiðin kann hava við sær, at fleiri velja bussin frá og brúka bil ístaðin. Tað elvir
til meiri ferðslu á vegunum og størri útlát av vakstrarhúsgassum. Um fleiri túrar gjøgnum
Eysturoyartunnilin verða settir á Leið 400, fáa nógv fleiri møguleika at nýta tryggastu og
skjótastu farleiðina við almennu samferðsluni til og frá arbeiði. Tí verður hesin
fyrispurningurin settur.
Á Løgtingi 15. mars 2021
Eyðgunn Samuelsen

-- 1 of 1 --