52-057/2020

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsveg 3
100 Tórshavn
Dagfesting: 28. desember 2020
Tygara ref.:
Máltal.: 19/00017-109
Svar
upp á
fyrispurning nr. 52-057/2020 frá Jóhan Eli Lyngvej Poulsen, løgtingsmanni, eftir
Tingskipanini § 52 a.
Fyrispurningur um shipping útbúgvingar og dekkara útbúgving, settur
landsstýrismanninum í uttanríkis- og mentamálum, Jenis av Rana (at svara skrivliga eftir
TS § 52 a)
Fyrispurningurin er soljóðandi:
1. Er nøkur ætlan um at skipa fyri shipping útbúgving í Føroyum?
2. Um ja, hvørjar og undir hvørjum útbúgvingarstovni?
3. Er nøkur ætlan at endurskoða dekkara útbúgvingina (skipsatstøðara)?
Svar
Til 1: Í løtuni eru samanlagt 8 lærlingar undir útbúgving til shipping og speditión, har
skúlaparturin verður lisin í Danmark. Á borðinum eru ongar ítøkiligar ætlanir um broytingar,
men landsstýrismaðurin vil fegin kanna, um og hvussu henda útbúgving kann verða stað- og
raðfest í Føroyum.
Til 2: Sí svar til spurning 1.
Til 3: Dekkaraútbúgvingin er broytt soleiðis, at bæði skúlaskeiðini á 20 vikur eru løgd saman til
eitt skeið, áðrenn farið verður undir praktiska partin/sigling. Tosað hevur verið um at gera aðrar
broytingar, men onkið ítøkiligt er komið burturúr. Landsstýrismaðurin er tó sinnaður at kanna,
um og hvørjar broytingar kunnu gerast fyri at bøta um hesa útbúgving, serliga á teimum økjum,
sum spyrjarin vísir á.
Vinarliga
Jenis av Rana
landsstýrismaður

-- 1 of 1 --

Jóhan Eli Lyngvej Poulsen
løgtingsmaður
Fyrispurningur eftir Tingskipanini § 52 a
Fyrispurningur um shipping útbúgvingar og dekkara útbúgving, settur
landsstýrismanninum í uttanríkis- og mentamálum, Jenis av Rana (at svara
skrivliga eftir TS § 52 a)
1. Er nøkur ætlan um at skipa fyri shipping útbúgving í Føroyum?
2. Um ja, hvørjar og undir hvørjum útbúgvingarstovni?
3. Er nøkur ætlan at endurskoða dekkara útbúgvingina (skipsatstøðara)?
Viðmerkingar:
Shipping vinnan er alsamt vaksandi í Føroyum. Hagølini vísa, at hon er okkara
triðstørsta vinna, hvat útflutningsvirði viðvíkur, við umleið 11% av
útflutningsvirðinum. Herfyri var fyrilestur á Vinnuháskúlanum um shipping vinnuna,
og har kom týðiliga fram, at um Føroyar skulu hava nakran kjans at vaksa og menna
hesa vinnuna enn meir, mugu vit undir at útbúgva fólk til shipping vinnuna.
Vit hava í dag dekkaraútbúgving, sum saman við siglingartíðini gevur fólki møguleika
at søkja vinnubræv sum fulltikin skipsatstøðingur. Trupulleikin er tíverri, at ov fá
velja útbúgvingina, og fleiri, ið hava drúgvar royndir á sjónum, men ikki søktu um
sjóvinnubrævið í tíðarskeiðinum, tá útbúgvingin ikki varð kravd, vilja ikki seta seg á
skúlabonk meginpartin av einum ári. Tú kundi til dømis tikið førleikarnar, ið fólk
longu hava í dag, við í útbúgvingina, og soleiðis skipað fyri einum skeiði á alnótini í
eitt tíðarskeið og uppmøting á skúlanum í eitt styttri tíðarskeið. Tað er ein sannroynd,
at talið av fiskimonnum er støðugt minkandi, og tískil kundi tað verið skilagott at
førleikament fiskimenn til skipsatstøðingar.
Á Løgtingi, 14. desember 2020
Jóhan Eli Lyngvej Poulsen

-- 1 of 1 --