52-050/2020

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3
110 Tórshavn
8. desember 2020
Mál: 20/00957-3
Tygara Skriv:
Viðgjørt: Poula Lervig
Nr. 050.20
Svar uppá fyrispurning eftir Tingskipanini § 52a
Fyrispurningur um leiguútreiðslur av Barnaheiminum, settur landsstýrismanninum í
almannamálum, Elsebeth Mercedis Gunnleygsdóttur, (at svara skrivliga eftir TS § 52a)
1. Á hvørjum og hvussu nógvum matriklum leigar Almannaverkið (Eind 10) hølir til
Barnaheimið og aðrar stovnar undir tí?
2. Hvussu long eru hesi leigumál (eru leiguavtalurnar áramálssettar)?
3. Hvat er kostnaðurin av hvørjum einstøkum leigumáli?
4. Hvat er samlaði kostnaðurin av leigumálunum?
5. Er ætlanin at spjaða nøkur av hesum leigumálum runt landið?
Viðmerkingar:
Ein av mest átrokandi byggiverkætlanum í løtuni er byggingin av einum nýggjum
tíðarhóskandi barnaheimi.
Síðsta samgonga arbeiddi við hesi verkætlan og kom í Løgtingið við einum uppskoti, men hetta
fall við teimum grundgevingum, at verkætlanin ikki var nóg liðug ella nóg greið, og at samlaði
kostnaðurin fór at verða alt ov stórur.
Fyri at hava bestu fortreytir fyri at trívast og mennast er av allarstørsta týdningi, at børn, ið eru
sett heiman og fleiri við serligum avbjóðingum, hava innbjóðandi og haldgóðar umstøður at
búgva. Í løtuni verða børn í fleiri førum flutt runt og inn á dýr og ivasom leigumál, har m.a.
blámusoppur hevur verið ein afturvendandi trupulleiki.
Eitt sjónarmið, sum sitandi samgonga hevur ført fram fleiri ferðir undir viðgerðini av
uppskotinum um at byggja nýtt barnaheim, hevur verið, at tað er ov kostnaðarmikið at fara í
holt við hesa byggiverkætlan nú. Tí kundi tað verið áhugavert at fingið at vita, hvat samlaði
kostnaðurin er av at halda til í hesum ymisku leigumálunum runt um í býnum ístaðin, soleiðis
at tað er møguligt at samanbera tann kostnaðin við kostnaðin av at byggja eitt nýtt barnaheim.
Í frágreiðing sínari frá 2019 staðfestir Løgtingsins umboðsmaður, sum eisini er barnanna
umboðsmaður, at stórur tørvur er á einum nútíðarhóskandi barnaheimi, har børnini kunnu fáa
tær umstøður og ta viðgerð, umsorgan og tann stuðul, tey hava tørv á og rætt til eftir m.a.
Barnarættindasáttmálanum. Tí verður hesin fyrispurningurin settur.

-- 1 of 3 --

ALMANNAMÁLARÁÐIÐ
síða 2 av 3
Á Løgtingi, 26. november 2020
Djóni Nolsøe Joensen
Svar:
Til spurning 1-4
Niðanfyri er talva, sum vísir leigumál, longd á leigumálum, kostnaður av hvørjum einstøkum
leigumáli og samlaði kostnaðurin av leigumálunum til stovnar undir eind 10:
Leigumál í 2020
Eind 10
Kr./ár Kr./mð. Kr.pr.kvm. Byrjar Endar Viðmerking
Í Lágni 12 400.000 33.333 1.000 01.10.2019 01.08.2029
Argjaboðagøta 7 600.300 50.025 1.035 01.10.2017 30.09.2022
Niðaragøta 2H, 1
hm
96.000 8.000 1.103 10.08.2020 09.08.2022
Eystan Heyg 17 238.350 19.863 1.050 01.10.2020 01.10.2025 Óuppsigiligt
til
01.10.2024
Karlamagnusarbreyt
37
341.850 28.488 1.075 01.01.2021 01.12.2030 Óuppsigiligt
til
01.11.2025
Karlamagnusarbreyt
16
76.500 12.750 01.11.2020 01.05.2021 Fyribils
leigumál
Í alt 1.753.000
Í umbúnað at
leiga frá 1. apríl
2021
Kr./ár Kr./mð. Kr.pr.kvm Byrjar Endar Viðmerking
Varðagøta 59 01.04.2021 Endalig avgerð
ikki tikin
Varðagøta 36 01.04.2021 Endalig avgerð
ikki tikin
Umframt omanfyrinevndu leigumál so nýtir Almannaverkið bygningarnar hjá
Sjálvsognarstovninum fyri Føroya Barnaheim í Pedda við Steinsgøtu 10 til stovnar undir eind
10. Almannaverkið rindar ikki leigu fyri nýtslu av bygningunum.

-- 2 of 3 --

ALMANNAMÁLARÁÐIÐ
síða 3 av 3
Til spurning 5
Almannaverkið hevur ikki í løtuni í umbúnað onnur leigumál enn tey, ið eru nevnd í
talvunum omanfyri.
Tórshavn, 8. desember 2020
Elsebeth Mercedis Gunnleygsdóttur
landsstýriskvinna

-- 3 of 3 --

Djóni Nolsøe Joensen
løgtingsmaður
Fyrispurningur eftir Tingskipanini § 52a
Fyrispurningur um leiguútreiðslur av Barnaheiminum, settur
landsstýrismanninum í almannamálum, Elsebeth Mercedis Gunnleygsdóttur, (at
svara skrivliga eftir TS § 52a)
1. Á hvørjum og hvussu nógvum matriklum leigar Almannaverkið (Eind 10)
hølir til Barnaheimið og aðrar stovnar undir tí?
2. Hvussu long eru hesi leigumál (eru leiguavtalurnar áramálssettar)?
3. Hvat er kostnaðurin av hvørjum einstøkum leigumáli?
4. Hvat er samlaði kostnaðurin av leigumálunum?
5. Er ætlanin at spjaða nøkur av hesum leigumálum runt landið?
Viðmerkingar:
Ein av mest átrokandi byggiverkætlanum í løtuni er byggingin av einum nýggjum
tíðarhóskandi barnaheimi.
Síðsta samgonga arbeiddi við hesi verkætlan og kom í Løgtingið við einum uppskoti,
men hetta fall við teimum grundgevingum, at verkætlanin ikki var nóg liðug ella nóg
greið, og at samlaði kostnaðurin fór at verða alt ov stórur.
Fyri at hava bestu fortreytir fyri at trívast og mennast er av allarstørsta týdningi, at børn,
ið eru sett heiman og fleiri við serligum avbjóðingum, hava innbjóðandi og haldgóðar
umstøður at búgva. Í løtuni verða børn í fleiri førum flutt runt og inn á dýr og ivasom
leigumál, har m.a. blámusoppur hevur verið ein afturvendandi trupulleiki.
Eitt sjónarmið, sum sitandi samgonga hevur ført fram fleiri ferðir undir viðgerðini av
uppskotinum um at byggja nýtt barnaheim, hevur verið, at tað er ov kostnaðarmikið at
fara í holt við hesa byggiverkætlan nú. Tí kundi tað verið áhugavert at fingið at vita,
hvat samlaði kostnaðurin er av at halda til í hesum ymisku leigumálunum runt um í
býnum ístaðin, soleiðis at tað er møguligt at samanbera tann kostnaðin við kostnaðin
av at byggja eitt nýtt barnaheim.
Í frágreiðing sínari frá 2019 staðfestir Løgtingsins umboðsmaður, sum eisini er
barnanna umboðsmaður, at stórur tørvur er á einum nútíðarhóskandi barnaheimi, har
børnini kunnu fáa tær umstøður og ta viðgerð, umsorgan og tann stuðul, tey hava tørv
á og rætt til eftir m.a. Barnarættindasáttmálanum. Tí verður hesin fyrispurningurin
settur.
Á Løgtingi, 26. november 2020
Djóni Nolsøe Joensen

-- 1 of 1 --