52-049/2020

Løgtingið
Svar
uppá
skrivligan fyrispurning nr. 52/2020 eftir tingskipanini § 52a til Bárð á Steig Nielsen,
løgmann, frá Beintu Løwe Jacobsen, løgtingsmanni, um Brexit og donsk skip í føroyskari
fiskivinnu
Fyrispurningurin var soljóðandi:
1. Hvat samskifti hevur verið millum landsstýrið og donsku stjórnina um at loyva donskum
skipum í føroyskan sjógv at fiska?
2. Hava løgmaður ella nakað av landsstýrisfólkunum fingið fyrispurningar, áheitarnir ella annað
frá donsku fiskivinnuni um málið?
3. Kann løgmaður greiða frá, um donsk reiðarí eiga í skipum, sum í seinastuni eru komin inn í
føroysku fiskivinnuna?
Svar:
Til 1 og 2:
Mær kunnugt hevur ikki verið nakað samskifti verið millum landsstýrið og donsku stjórnina um at
loyva donskum skipum í føroyskan sjógv at fiska.
Eg havi eisini spurt meg fyri hjá landsstýrismanninum í fiskivinnumálum og landsstýrismanninum
í uttanríkis- og mentamálum um teir kenna nakað til, at donsk skip vilja í føroyskan sjógv at fiska,
um tey missa rættindi í bretskum sjógvi. Tað gera landsstýrismenninir ikki. Teir hava heldur ikki
fingið fyrispurningar, áheitanir ella annað frá donsku fiskivinnuni um møguliga atgongd til
føroyskan sjógv at fiska.
Til 3:
Niðanfyri er ein listi við teimum fiskiførum, uttan bólk 5, sum eru skrásett fyri fyrstu ferð í
Føroyum síðan løgtingsvalið í september 2019. Tað eru Vørn kunnugt ikki danskir eigarar uppií
hesum feløgunum.
Jógvan I FD710 – OW2049:
Skrásettur 1. ferð 02.12.2019. Fyrrv. Atlantic - Ålesund Noreg
Keypari: P/F Eysturoy
Klakkur KG9 – OW2046: Skrásettur 1. ferð 02.01.2020 Fyrrv. Geir II - Eigari tá H P Holmeset
AS - Grytastrandvegen 339 -6265 Vatne - Norge.
Keypari: Sp/f Undir Klakki
Gøtunes FD950 – OW2023:

-- 1 of 2 --

Leigumál frá 29.08.2019 P/F Desin -Fyrrv. Gitte Henning (1) 30.06.2020 broytt navn til Gøtunes
FD950 – OW2023 Keypari: P/F Desin
Kambur FD454 – OW2115: Skrásettur 1. ferð 09.11.2020. Fyrrv. Østerfjord LJPZ - Noreg
Keypari: P/F M&S Strendur
Í Tinganesi, 4. desember 2020
Bárður á Steig Nielsen
løgmaður

-- 2 of 2 --

Beinta Løwe Jacobsen
løgtingsmaður
Fyrispurningur eftir Tingskipanini § 52 a
Fyrispurningur um Brexit og donsk skip í føroyskari fiskivinnu, settur løgmanni, Bárði á
Steig Nielsen, (at svara skrivliga eftir TS § 52 a)
1. Hvat samskifti hevur verið millum landsstýrið og donsku stjórnina um at loyva donskum
skipum í føroyskan sjógv at fiska?
2. Hava løgmaður ella nakað av landsstýrisfólkunum fingið fyrispurningar, áheitarnir ella annað
frá donsku fiskivinnuni um málið?
3. Kann løgmaður greiða frá, um donsk reiðarí eiga í skipum, sum í seinastuni eru komin inn í
føroysku fiskivinnuna?
Viðmerkingar:
Um ongin avtala er gjørd millum ES og Bretland í samband við Brexit, so missur danska
fiskivinnan, sum skilst, nógv fiskirættindi í bretskum sjógvi.
Føroyar ráða sær sjálvum á fiskivinnuøkinum, men áhugavert er at vita, um danska vinnan ella
danskir politikarar, embætisfólk ella onnur vilja hava donsk skip hendavegin at fiska, um tey missa
rættindi í bretskum sjógvi.
Løgmaður varð spurdur um málið í tinginum, tá munnligir fyrispurningar vóru á skrá, men svaraði
ikki. Tí verður hesin fyrispuringur settur.
Á Løgtingi, 24. november 2020
Beinta Løwe Jacobsen

-- 1 of 1 --