52-027/2020

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 20. oktober 2020
J. nr.: 20/00467-2
Viðgjørt: DH
Svar upp á fyrispurning nr. 27/2020 eftir tingskipanini § 52a
Fyrispurningur frá Jaspur Langggaard, løgtingsmanni, settur Jørgen Niclasen, landsstýris-
manni í fíggjarmálum, um endurrindan av tunnilsgjaldi til pendlarar.
Fyrispurningurin er soljóðandi:
1. Hvussu hevur gongdin verið fyri árlig útgjald av ferðastuðli fyri koyring gjøgnum ávikavist
Norðoyatunnilin og Vágatunnilin seinastu 10 árini?
2. Kunnu t.d. 4 fólk koyra saman og øll hvør sær fáa endurrindað tunnilsgjald frá Taks sum
ferðastuðul?
3. Er skipanin við endurrindan eisini galdandi fyri tey, sum brúka buss?
Svar til spurning 1
Ynski okkara í Føroyum er, at fólk skulu kunnu búgva kring landið og skattaborgarar skulu tí
ikki revsast fyri at ferðast til arbeiðis. Hetta merkir, at fólk, sum hava langt til arbeiðis skulu
javnsettast við tey, sum hava stutt til arbeiðis. Tí letur landið ferðastuðul til skattaborgarar sum
hava longri enn 20 km millum heim og arbeiðsstað og hava útreiðslur til hesa ferðing. Serstakur
stuðul verður veittur til ferðing gjøgnum undirsjóvartunnil, við ferjum og tey, sum ferðast
loftvegis. Ferðastuðul fyri koyring gjøgnum undirsjóvartunlar er 8,45 kr. hvønn vegin.
Skrásetingarnar hjá TAKS eru soleiðis, at tað ber ikki til at skilja útgoldna ferðastudningin
sundur, so at man sær júst hvat er goldið fyri koyring gjøgnum Vága- og Norðaroyartunnilin. Tí
hevur Fíggjarmálaráðið brúkt talgildu umsóknirnar sum grundarlag fyri at gera eina meting.
Metingin er, at árligi ferðastuðulin til koyring gjøgnum báðar undirsjóvartunlarnar hevur ligið
millum 3 og 4 mió. krónur fyri tey seinast árini.
Í talvuni niðanfyri síggjast samlaðu útreiðslurnar til ferðastuðul síðani 2010.
Útreiðslur til ferðastuðul 2010-2019 (1000 krónur)
2010 2011 2012 2013 2014 2015 2016 2017 2018 2019
15.745 15.065 14.439 17.022 16.179 15.879 18.592 20.856 22.149 22.825

-- 1 of 2 --

F Í G G J A R M Á L A RÁ Ð I Ð
Ministry of Finance
2/2
Svar til spurning 2 og 3
Tað er ikki avgerandi fyri ferðastuðulin, hvussu tú ferðast, heldur ikki um tú ferðast í bussi. Treytin
er tó, at tú hevur útreiðslur til ferðing millum bústað og arbeiðsstað.
So hvørt prísirnir í undirsjóvartunlunum eru falnir er ferðastuðulin eftirmettur. Seinast stuðulin til
ferðing gjøgnum undirsjóvartunlar var broyttur var í 2008, tá stuðulin til ferðing gjøgnum
undirsjóvartunnil lækkaði úr 10 kr. til 8,45 kr.
Tinganes, 20. oktober 2020
Jørgen Niclasen
Landsstýrismaður í fíggjarmálum

-- 2 of 2 --

Jaspur Langgaard Nr. 27/2020
løgtingsmaður
Fyrispurningur eftir Tingskipanini § 52 a
Fyrispurningur um endurrindan av tunnilsgjaldi til pendlarar, settur landsstýrismanninum
við fíggjarmálum, Jørgeni Niclasen (at svara skrivliga eftir TS § 52 a)
1. Hvussu hevur gongdin verið fyri árlig útgjald av ferðastuðli fyri koyring gjøgnum ávikavist
Norðoyatunnilin og Vágatunnilin seinastu 10 árini?
2. Kunnu t.d. 4 fólk koyra saman og øll hvør sær fáa endurrindað tunnilsgjald frá Taks sum
ferðastuðul?
3. Er skipanin við endurrindan eisini galdandi fyri tey, sum brúka buss?
Viðmerkingar:
Reglurnar um ferðastuðul hava m.a. til endamáls at geva borgarunum møguleika fyri at forsyrgja og
vitja familjuna hjá sær, hóast ein arbeiðir aðrastaðni.
Í hesum sambandi endurrindar TAKS tunnilsgjald sum ferðastuðul til tey, sum pendla.
Ferðastuðul er peningaligur stuðul, ið verður veittur teimum, ið ferðast longri enn 20 km. millum
bústað og arbeiðsstað, og sum lúka treytirnar fyri at fáa stuðulin.
Søkjast kann um ferðastuðul fyri eitt hálvt ár í senn, og søkjast kann bara um útreiðslur, sum longu
eru hildnar. Søkjast kann ikki fram í tíð.
Tey, sum pendla gjøgnum Vágatunnilin og Norðoyatunnilin fáa eftir galdandi reglum um
ferðastuðul meginpartin av tunnilsgjaldinum endurgoldið og harvið minkar tørvurin á at avtaka
tunnilsgjøldini munandi. Tí verður hesin fyrispurningur settur.
Á Løgtingi 7. oktober 2020
Jaspur Langgaard

-- 1 of 1 --