52-009/2020

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 4. september
2020
J. nr.: 20/00382
Viðgjørt: MM
Svar upp á fyrispurning nr. 9/2020 eftir tingskipanini § 52a
Fyrispurningur frá Aksel V. Johannesen, løgtingsmanni, settur Jørgeni Niclasen,
landsstýrismanni í fíggjarmálum, um byrgingina um Haraldssund
Fyrispurningurin er soljóðandi:
1. Hevur landsstýrismaðurin ætlanir um at gera ábøtur á byrgingina um Haraldssund?
2. Hevur landsstýrismaðurin ætlanir um at brúka grót frá tunlunum Norður um Fjall til
byrgingina um Haraldssund?
Svar:
Verkætlanin um byrgingina um Haraldssund verður viðgjørd í sambandi við langtíðarløguætlan
landsstýrisins. Landsverk hevur lýst verkætlanina í samferðsluætlanini 2018-2030 við myndum,
sum kann síggjast her. Har er tilmælt, at hon verður framd í 2027. Politisk støða er ikki tikið til
hetta enn.
Verkætlanin fyri byrgingina um Haraldssund fevnir um ein veg við tveimum sporum og eina
gongu/súkklubreyt. Harafturat verða gøtuljós sett upp, og verjugrótið á norðaru síðu verður
hækkað við umleið 1 metri, fyri at verja ímóti sjóroki.
Vegurin verður lagdur soleiðis, at hann verður ein natúrligur partur av vegunum báðumegin
byrgingina. Vegurin á byrgingini fer at liggja sum ein bogi, ið bindir vegirnar á báðum síðum
saman. Verkætlanin verður mett at kosta uml. 32 mió. kr.
Landsverk mælir til, at aldu simuleringar verða gjørdar áðrenn fari verður undir verkætlanina fyri
at tryggja, at byrgingin er nóg høg.
Kanningar vísa, at tað ikki er neyðugt at brúka tunnilsgrót til verandi verkætlan, tí alt tilfarið í
verandi byrging verður eyndurnýtt til nýggju byrgingina. Sambært verkætlanini er einans tørvur
á heilt stórum dekkgróti, sum er tað uttasta lagið á byrgingini, sum verjur ímóti sjónum.
Dekkgrót fæst ikki úr tunnilsgerð, men skal spreingjast úr einum grótbrotið.
Vísir tað seg at verða ein fyrimunur at hækka/breiðka byrgingina meira enn fyrst ætlað, kann
grót úr tunlunum Norður um Fjall brúkast til hetta.
Tinganes, 4. september 2020
Jørgen Niclasen

-- 1 of 2 --

F Í G G J A R M Á L A R Á Ð I Ð
Ministry of Finance
2/2
landsstýrismaður í fíggjarmálum

-- 2 of 2 --

Aksel V. Johannesen Nr. 9/2020
løgtingsmaður
Fyrispurningur eftir Tingskipanini §52a
Fyrispurningur um byrgingina um Haraldssund, settur landsstýrismanninum í
fíggjarmálum, Jørgeni Niclasen (at svara skrivliga eftir TS §52 a).
1. Hevur landsstýrismaðurin ætlanir um at gera ábøtur á byrgingina um Haraldssund?
2. Hevur landsstýrismaðurin ætlanir um at brúka grót frá tunlunum Norður um Fjall til
byrgingina um Haraldssund?
Viðmerkingar:
Byrgingin um Haraldssund hevur verið eitt afturvendandi evni á politisku dagsskránni
seinastu mongu árini, men framvegis mugu vit staðfesta, at henda farleið als ikki er
tíðarhóskandi. Nakrar ábøtur eru gjørdar gjøgnum árini, men framvegis er langt á mál.
Landsverk mælir í Samferðsluætlanini til, at arbeiðið við at tryggja farleiðina fer í gongd
beinanvegin.
Sum spyrjarin hevur skilt á Landsverki er ikki í stóran mun neyðugt at brúka tunnilsgrót til
verkætlanina, sum ætlanin er at gera, tí ætlanin er at endurnýta alt tilfarið frá verandi byrging
til nýggju byrgingina, og sambært Landsverki er einans tørvur á heilt stórum dekkgróti afturat
tilfarinum, sum longu er í byrgingini. Tað kann tó vera ein fyrimunur at hækka byrgingina
eitt sindur meira enn Landsverk upprunaliga hevði ætlað, og til tað arbeiðið kann tunnilsgrót
brúkast.
Byrgingin um Haraldssund treingir til at verða dagførd, og nú arbeiðið við tunlunum Norður
um Fjall fer í gongd í nærmastu framtíð, hevði verið upplagt at tryggjað sær ein part av
grótinum til hetta arbeiðið.
Sum er kenna fólk seg ikki trygg at koyra eftir hesi farleið í ringum veðri vegna mikið sjórok,
og hvørki gongu- ella súkklubreyt er á leiðini. Tí verður hesin fyrispurningur settur.
Á Løgtingi, 24. august 2020
Aksel V. Johannesen

-- 1 of 1 --