52-008/2020

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3
110 Tórshavn
1. september 2020
Mál: 20/00714-2
Tygara Skriv:
Viðgjørt: Barbara Álvsdóttir
Thomsen
Nr. 8/2020
Fyrispurningur eftir tingskipanini § 52 a
Fyrispurningur viðvíkjandi eldraøkinum settur Elsebeth Mercedis Gunnleygsdóttur (at
svara skrivliga eftir TS § 52 a).
1. Metir landsstýrismaðurin, at umstøðurnar á eldraøkinum eru nøktandi í dag?
2. Metir landsstýrismaðurin, at starvsfólkanormeringin á eldraøkinum er nøktandi í dag?
3. Metir landsstýrismaðurin, at lóggávan, fíggjarviðurskiftini og starvsfólkaviðurskiftini
á eldraøkinum eru nøktandi í dag?
4. Nær kunnu vit vænta, at kommunur og land gera eina eftirmeting av eldraøkinum?
Viðmerkingar
Eldraøkið hevur síðan 1. januar 2015 verið umsitið av kommununum, og landsstýrisfólkið við
almannamálum hevur havt eftirlit á økinum vegna Løgtingið. Tá økið varð lagt út til
kommunurnar, varð ásett, at lógirnar, sum skipa eldraøkið, skuldu endurskoðast fimm ár
seinni. Í ár eru fimm ár liðin, men framvegis er eingin eftirmeting gjørd. Í § 52 a fyrispurningi
til landsstýrismannin í juni mánaði, spurdi undirritaði eftir eftirmetingini, og svarið frá
landsstýrismanninum var, at innleiðandi fundir høvdu verið, men at arbeiðssetningurin ikki
var klárur.
Javnan er at síggja og hoyra í miðlunum, at tørvurin á starvsfólkum á eldraøkinum er stórur,
og tí elvir tað til stúran um umstøðurnar hjá okkara elstu borgarum. Vit koma skjótt inn í
seinasta ársfjórðingin á inniverandi ári, og eftirmetingin kann ikki útsetast nógv meira.
Tørvur er m.a. á at fáa staðfest, hvørt afturberingarleisturin er nøktandi, um markamótini
millum kommunur og millum land og kommunur eru nóg greið, um kommunalu samstørvini
virka eftir ætlan, so tey eldru fáa nøktandi tænastur um alt landið, um normeringin er nóg høg
og um starvsfólkaviðurskiftini eru í lagi. Tí verður hesin fyrispurningurin settur.
Á Løgtingi, 20. august 2020
Heðin Mortensen

-- 1 of 2 --

ALMANNAMÁLARÁÐIÐ
síða 2 av 2
Uppskot til svar uppá § 52 a fyrispurning frá Heðini Mortensen
Sum landsstýriskvinnan áður hevur greitt frá í fyrispurningi svaraður í juni mánað, hava
innleiðandi fundir verið millum Kommunufelagið og Almannamálaráðið. Síðani juni hevur
tað verið gott samskifti millum partarnir um skipanina av arbeiðinum.
Tað er týdningarmikið at fáa lýst vavið av eftirmetingini, hvørjir tættir av útleggingini skulu
viðgerast og annað, hetta verður gjørt í samráð við hinir luttakandi partarnir. Tað er
týdningarmikið fyri landsstýriskvinnuna, at allir partar kunnu taka undir við
arbeiðssetninginum.
Áðrenn ein eftirmeting við møguligum tilmælum fyriliggur, er torført hjá landsstýriskvinnuni
at hava eina greiða fatan av, um umstøðurnar innan eldraøkið eru nøktandi, bæði tá ið tað
kemur til starvsfólkanormeringar, fíggjarviðurskifti og lóggávu.
Tað ber illa til at meta um nær ein endalig eftirmeting fyriliggur.
Tórshavn 1. september 2020
Elsebeth Mercedis Gunnleygsdóttur
landsstýrismaður

-- 2 of 2 --

Nr. 8/2020
Heðin Mortensen
løgtingsmaður
Fyrispurningur eftir Tingskipanini § 52 a
Fyrispurningur viðvíkjandi eldraøkinum settur Elsebeth Mercedis Gunnleygsdóttur (at svara
skrivliga eftir TS § 52 a)
1. Metir landsstýrismaðurin, at umstøðurnar á eldraøkinum eru nøktandi í dag?
2. Metir landsstýrismaðurin, at starvsfólkanormeringin á eldraøkinum er nøktandi í dag?
3. Metir landsstýrismaðurin, at lóggávan, fíggjarviðurskiftini og starvsfólkaviðurskiftini á
eldraøkinum eru nøktandi í dag?
4. Nær kunnu vit vænta, at kommunur og land gera eina eftirmeting av eldraøkinum?
Viðmerkingar
Eldraøkið hevur síðan 1. januar 2015 verið umsitið av kommununum, og landsstýrisfólkið við
almannamálum hevur havt eftirlit á økinum vegna Løgtingið. Tá økið varð lagt út til kommunurnar,
varð ásett, at lógirnar, sum skipa eldraøkið, skuldu endurskoðast fimm ár seinni. Í ár eru fimm ár
liðin, men framvegis er eingin eftirmeting gjørd. Í § 52 a fyrispurningi til landsstýrismannin í juni
mánaði, spurdi undirritaði eftir eftirmetingini, og svarið frá landsstýrismanninum var, at innleiðandi
fundir høvdu verið, men at arbeiðssetningurin ikki var klárur.
Javnan er at síggja og hoyra í miðlunum, at tørvurin á starvsfólkum á eldraøkinum er stórur, og tí
elvir tað til stúran um umstøðurnar hjá okkara elstu borgarum. Vit koma skjótt inn í seinasta
ársfjórðingin í ár, og eftirmetingin kann ikki útsetast nógv meira. Tørvur er m.a. á at fáa staðfest,
hvørt afturberingarleisturin er nøktandi, um markamótini millum kommunur og millum land og
kommunur eru nóg greið, um kommunalu samstørvini virka eftir ætlan, so tey eldru fáa nøktandi
tænastur um alt landið, um normeringin er nóg høg og um starvsfólkaviðurskiftini eru í lagi. Tí
verður hesin fyrispurningurin settur.
Á Løgtingi, 20. august 2020
Heðin Mortensen

-- 1 of 1 --