52-001/2020

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
100 Tórshavn
Dagfesting: 19. august 2020
Tygara ref.:
Máltal.: 19/00017-69
Svar
upp á
fyrispurning nr. 1/2020 um kringvarpsgjald til landsstýrismannin í uttanríkis- og
mentamálum, Jenisi av Rana (at svara skrivliga eftir TS § 52a) frá Beini Johannesen,
løgtingsmanni.
Fyrispurningurin er soljóðandi:
1. Hvussu nógvir landsstovnar, sjálvsognarstovnar, interkommunalir felagsskapir, kommunalir
stovnar og vinnufeløg rindaðu kringvarpsgjald fyri 2019?
2. Hevur landsstýrismaðurin ætlanir um broytingar í gjaldinum hjá hesum?
Svar
Svar til spurning 1: Eg havi spurt meg fyri hjá TAKS, sum í 2019 sendi rokningar fyri
kringvarpsgjald til:
• 158 almennar stovnar
• 100 kommunur og kommunalar stovnar
• 1.351 vinnufeløg
Landsstovnar og sjálvsognarstovnar eru undir almennum stovnum. Onkur sjálvsognarstovnur
rekur barnagarð, hesir eru undir kommununum. Interkommunalir felagsskapir sum SEV og IRF
eru undir landsstovnum, meðan onnur interkommunal samstørv so sum samstørv um eldraøkið
v.m. eru undir kommununum.
Svar til spurning 2: Samgongan fer at endurskoða kringvarpslógina í hesi tingsetu, herundir
kringvarpsgjøldini. Ætlanin er m.a., at gjaldið hjá smærru vinnufyritøkum verður lækkað.
Vinarliga
Jenis av Rana
landsstýrismaður

-- 1 of 1 --

Beinir Johannesen nr. 1/2020
løgtingsmaður
Fyrispurningur eftir Tingskipanini § 52a
Fyrispurningur um kringvarpsgjald, settur landsstýrismanninum í uttanríkis- og
mentamálum, Jenisi av Rana (at svara skrivliga eftir TS § 52a)
1. Hvussu nógvir landsstovnar, sjálvsognarstovnar, interkommunalir felagsskapir,
kommunalir stovnar og vinnufeløg rindaðu kringvarpsgjald fyri 2019?
2. Hevur landsstýrismaðurin ætlanir um broytingar í gjaldinum hjá hesum?
Viðmerkingar:
Í 2015 vórðu broytingar gjørdar í kringvarpslógini, og skuldu allir teir omanfyrinevndu
stovnar og feløg nú gjalda kringvarpsgjald. Fyrispurningurin er settur fyri at fáa greiðu á,
hvussu nógvir teir eru í tali, ið gjalda kringvarpsgjald, og um landsstýrismaðurin hevur
ætlanir um broytingar viðvíkjandi tí.
Á Løgtingi, 7. august 2020
Beinir Johannesen

-- 1 of 1 --