52-116/2019

-- 1 of 2 --



-- 2 of 2 --

Nr. 116/2019
Beinta Løwe Jacobsen
løgtingsmaður
Fyrispurningur eftir Tingskipanini § 52a
Fyrispurningur um persónsupplýsingar í samband við Covid-19 kanningar,
settur løgmanni, Bárði á Steig Nielsen (at svara skrivliga eftir TS § 52a)
1. Hevur Dátueftirlitið ella annar myndugleiki góðkent, at privatar fyritøkur taka
Covid-19 royndir av ferðandi og ferðafólki, ið koma til Føroya og handfara
persóns- og heilsuupplýsingar hjá hesum fólkum?
2. Um ikki Dátueftirlitið ella annar myndugleiki hevur góðkent hetta, hvørji atlit
hevur tað almenna tikið fyri at tryggja persóns- og heilsuupplýsingar hjá
ferðafólki, sum verða kannað?
3. Hvussu er tryggjað, at hesir persóns- og heilsuupplýsingar ikki verða
varðveittir hjá privatu fyritøkunum og ikki verða latnir ella seldir øðrum
fyritøkum?
4. Um ferðandi, ið hava bústað í Føroyum, nokta at lata seg kanna, hvør er so
avleiðingin fyri hesi ferðandi?
5. Hevur landsstýrið spurt Heilsufrøðiligu starvsstovuna um tey hava møguleika
at kanna ferðandi, ið koma til landið?
6. Um Heilsufrøðiliga starvsstovan er spurd, hvat er so svarið hjá Heilsufrøðiligu
starvsstovuni?
Viðmerkingar:
Nógv ivamál hava tikið seg upp við m.a. handfaring av persónsupplýsingum nú privatar
fyritøkur skulu kanna ferðandi, ið koma til landið, fyri Covid-19. Eisini hevur ivi
stungið seg upp um, hvørt heimild er fyri at krevja royndir av ferðafólki og ferðandi.
Harumframt stinga nógv ivamál seg upp um, hví privatar fyritøkur eru settar at gera
hesar kanningar. Fyri at fáa greiðu á hesum viðurskiftum, verður hesin fyrispurningur
settur løgmanni.
Á Løgtingi, 23. juni 2020
Beinta Løwe Jacobsen

-- 1 of 1 --