52-104/2019

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsveg 1-3
100 Tórshavn
Dagfesting: 28. juni 2020
Tygara ref.:
Máltal.: 19/00017-60
Svar
upp á
fyrispurning nr. 104/2019 frá Beinir Johannesen, løgtingsmanni, eftir Tingskipanini § 52a
Fyrispurningur um lestrarpláss, settur landsstýrismanninum í uttanríkis - og
mentamálum, Jenis av Rana (at svara skrivliga eftir TS § 52a)
Fyrispurningurin er soljóðandi:
1. Hvussu nógv tøk lestrarpláss eru til miðnáms-, yrkis- og hægri útbúgvingar fyri komandi
skúlaár?
2. Hevur landsstýrismaðurin ætlanir um at økja um lestrarplássini innan hesar útbúgvingar?
Svar
Svar til spurning 1: Sambært upplýsingum frá Undirvísingarstýrinum eru tøk lestrarpláss á
ymiskum breytum á miðnámsskúlunum kring landið.
Talva 1: Tøk pláss á miðnámsskúlum og heilsuskúlanum.

-- 1 of 4 --

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Á yrkisnámi eru umleið 250 næmingar tiknir upp. Bæði á Glasir og á Tekniska skúla í Klaksvík
er talan um fyltar flokkar á øllum økjum. Møguliga kann rúm finnast fyri einstøkum næmingum
á ávísum økjum, men talan er eisini um bíðilista á øðrum økjum.
Á maritimu útbúgvingunum eru hesi pláss:
Sjónám:
10 pláss eru enn tøk til skipara
6 pláss eru enn tøk til skipsatstøðara
Vinnuháskúlin:
14 pláss eru enn tøk til skipara
10 pláss eru enn tøk til maskinmeistara
9 pláss eru enn tøk til maskinist
8 pláss eru enn tøk til skipsførara aspirant
5 pláss eru enn tøk til maskinmeistara aspirant
Tøk pláss
3
7
12
8
0
13
13
0
10
5
0
15
12
6
7
7
5
12
16
151
Miðnámsskúlin í Suðuroy
Miðnám í Vestmanna
Tilfeingisbreyt
Heilsuskúli Føroya
Heilsuhjálpari
Klaksvíkar HF-skeið
Fyrireikingarbreyt
Tekniski Skúlin í Klaksvík
Tøknibreyt
Fyrireikingarbreyt
Hugbreyt
Náttúrubreyt
Miðnám á Kambsdali
Búskaparbreyt I
Búskaparbreyt I
Búskaparbreyt II
Námsfrøðiligur hjálpari
Glasir
Fyrireikingarbreyt
Náttúrubreyt
Hugbreyt
Yrkisnám FHS
Hugbreyt
Yrkisnám FHS
Náttúrubreyt
Búskaparbreyt II

-- 2 of 4 --

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Tá talan er um hægri útbúgvingar, er tað soleiðis, at umsóknarfreistin enn ikki er farin.
Útbúgvingarstovnarnir hava upplýst, at hesi lestrarpláss eru tøk:
Glasir:
Fíggjarbúskapur 30 lestrarpláss
Tænastubúskapur 30 lestrarpláss
Byggifrøði 30 lestrarpláss (byrjar í januar)
Harumframt bjóðar Glasir ymiskar hálvtíðarútbúgvingar, har tøk pláss eru. Hesar verða
bodnar út móti gjaldi.
Fróðskaparsetrið tekur í ár inn til hesar útbúgvingar:
Bachelor í búskaparfrøði – 25 lestrarpláss
Bachelor í undirvísing (Fólkaskúlalærari) – 35 lestrarpláss
Bachelor í føroyskum – 25 lestrarpláss
Bachelor í KT-verkfrøði – 40 lestrarpláss
Bachelor í lívfrøði –12 lestrarpláss
Bachelor í mýlalívsvísindum – 12 lestrarpláss
Bachelor í námsfrøði – 35 lestrarpláss
Bachelor í politikki og umsiting – 20 lestrarpláss
Bachelor í sjúkrarøktarfrøði – 30 lestrarpláss
Bachelor í samfelagsvísindum – 20 lestrarpláss
Bachelor í søgu – 20 lestrapláss
Master í føroyskum – 10 lestrarpláss
Master í politikki og umsiting – 20 lestrarpláss
Master í samfelagsvísindum – 20 lestrarpláss
Master í søgu – 20 lestrarpláss
Master í heilsuvísindum – 24 lestrarpláss
Hjánám í føroyskum – 10 lestrarpláss
Hjánám í søgu – 10 lestrarpláss
Hjánám í samfelagsvísindum – 10 lestrarpláss
Tilsamans 374 lestrarpláss í 2020.
Harumframt bjóðar Setrið eisini út ískoytisútbúgvingar fyri lærarar og námsfrøðingar, og allar
deildir bjóða eisini út stakskeið, har tøk pláss eru. Hesi verða bjóðað út móti gjaldi.
Svar til spurning 2: Tað er rætt, sum spyrjarin vísir á, at “koronukreppan hevur havt nógvar
avleiðingar”, og at landsstýrismaðurin í umhvørvis- og vinnumálum hevur víst á, at tann 12. mai
2020 var ein triðingur av teimum í COVID-19 stuðulsskipanini hjá ALS undir 30 ár. Síðani er tó
tað gleðiliga hent, at tal teirra, ið eru í hesari skipan, er nógv minkað, frá 2735 h. 12. mai til 1516
h. 26. juni. Hesi tøl lækka enn dag frá degi, og kunnu vit ganga út frá, at tey ungu eiga góðan lut
í hesari minking.

-- 3 of 4 --

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Útbúgvingarstovnar hava upplýst, at teir hava fingið fyrispurningar frá ungum, sum hava broytt
sínar ætlanir, og ynskja at fara undir útbúgving nú, og av yvirlitinum til svar uppá spurning 1.
sæst, at í fleiri førum eru tøk pláss.
Sum staðfest í samgonguskjalinum er mál samgongunar at menna og styrkja
útbúgvingarmøguleikarnar, og er hetta arbeiðið komið væl í gongd. Sum dømi kann nevnast, at
á Fróðskaparsetrinum verður arbeitt við eini ætlan um at taka inn til sjúkrarøktarfrøði 2 ferðir um
árið, har 20 lesandi byrja á sumri og 20 á vetri, t.v.s. árliga 10 fleiri enn nú. Eisini verður arbeitt
við at taka inn til bachelor í námsfrøði tvær ferðir um árið, so samlaða talið væntandi hækkar til
48 lesandi á hvørjum ári.
Arbeiði okkara at økja talið av lestrarplássum fer at halda fram, og vón okkara er, at Løgtingið
fer at játta neyðugu fíggingina, sum hetta krevur.
Vinarliga
Jenis av Rana
landsstýrimaður

-- 4 of 4 --

Nr. 104/2019
Beinir Johannesen
løgtingsmaður
Fyrispurningur eftir Tingskipanini § 52a
Fyrispurningur um lestrarpláss, settur landsstýrismanninum í uttanríkis - og
mentamálum, Jenis av Rana (at svara skrivliga eftir TS § 52a)
1. Hvussu nógv tøk lestrarpláss eru til miðnáms-, yrkis- og hægri útbúgvingar
fyri komandi skúlaár?
2. Hevur landsstýrismaðurin ætlanir um at økja um lestrarplássini innan hesar
útbúgvingar?
Viðmerkingar:
Koronukreppan hevur havt nógvar avleiðingar. Tær merkjast eisini í búskapinum, og
hevur tað havt uppsagnir við sær, serliga í tænastu- og ferðavinnuni. Ein aldursbólkur,
ið er hart raktur, eru tey ungu. Í svari til § 52a fyrispurning nr. 82 kundi
landsstýrismaðurin í umhvørvis- og vinnumálum t.d. vísa á, at tann 12. mai 2020 var
ein triðingur av teimum í COVID-19 stuðulsskipanini hjá ALS undir 30 ár.
Ein vandi kann nú verða, at ungfólk leita sær uttanlands at arbeiða ella lesa, orsakað
av avmarkaðum møguleikum her heima.
Í samgonguskjalinum hevur samgongan sett sær fyri, at vit skulu menna og styrkja
útbúgvingarmøguleikarnar. Eisini hevur Løgtingið samtykt ein lærlingafrádrátt, ið
samgongan eisini setti sær fyri í samgonguskjalinum, ið skal lætta um hjá lærlingum,
og samstundis gera tað meira áhugavert at velja eina yrkisútbúgving.
Tískil hevði verið áhugavert at fingið svar uppá, um landsstýrismaðurin hevur ætlanir
um at økja um lestarplássini, og tað innan allar greinar, og hvussu nógv eru tøk í
løtuni til komandi skúlaár.
Á Løgtingi, 16. juni 2020
Beinir Johannesen

-- 1 of 1 --