52-097/2019

Dagf. 19. juni 2020
HMR J. nr. 20/00538-5
Kaj Leo Holm Johannesen
landsstýrismaður
Svar
upp á
fyrispurning nr. 97/2019 eftir § 52a í tingskipanini um heimleys frá Una Rasmussen,
løgtingsmanni
Spurningurin var soljóðandi:
1. Hvussu nógv heimleys liggja og hava ligið á teimum trimum sjúkrahúsunum seinastu trý
árini?
2. Hvussu gomul eru tey heimleysu, ið liggja á sjúkrahúsunum kring landið?
3. Hvussu leingi liggja tey heimleysu í miðal á sjúkrahúsunum, áðrenn tey verða útskrivað?
Svar:
1. Hvussu nógv heimleys liggja og hava ligið á teimum trimum sjúkrahúsunum seinastu
trý árini?
Sambært sjúkrahúsverkinum eru síðani 2017 tilsamans 19 borgarar skrásettir sum innlagdir á teimum
trimum sjúkrahúsunum longri enn neyðugt, tí onki heim var at útskriva til. Her skal tó fyrivarni takast
fyri, at summar deildir ikki hava skrásett systematiskt fyrr enn nú, og tí kann tað veruliga talið vera
nakað hægri.
Í løtuni eru 2 borgarar innlagdir, sum eru liðugt viðgjørdir, men sum tað ikki ber til at útskriva, tí
ongin bústaður er.
2. Hvussu gomul eru tey heimleysu, ið liggja á sjúkrahúsunum kring landið?
Tann yngsti borgarin, sum hevur ligið á sjúkrahúsinum longri enn neyðugt orsakað av vantandi
bústaði, var fyrst í 40’unum. Tann elsti var 64 ár. Miðalaldurin er 56 ár.

-- 1 of 2 --

3. Hvussu leingi liggja tey heimleysu í miðal á sjúkrahúsunum, áðrenn tey verða
útskrivvað?
Miðal dagatalið, eftir at heimleysu borgarnir vóru medisinskt liðugt viðgjørdir, er 76 dagar. Tann,
sum hevur verið innlagdur longst eftir at viðgerðin varð liðug, var innlagdur í 361 dagar, meðan onkur
bert hevur verið innlagdur í styttri tíð, áðrenn ein loysn var funnin.
Heilsumálaráðið, 19. juni 2020
Kaj Leo Holm Johannesen
landsstýrismaður

-- 2 of 2 --

Nr. 97/2019
Uni Rasmussen
løgtingsmaður
Fyrispurningur eftir Tingskipanini § 52a
Fyrispurningur um heimleys, settur landsstýrismanninum í heilsumálum, Kaj
Leo Holm Johannesen (at svara skrivliga eftir TS § 52a)
1. Hvussu nógv heimleys liggja og hava ligið á teimum trimum sjúkrahúsunum
seinastu trý árini?
2. Hvussu gomul eru tey heimleysu, ið liggja á sjúkrahúsunum kring landið?
3. Hvussu leingi liggja tey heimleysu í miðal á sjúkrahúsunum, áðrenn tey verða
útskrivað?
Viðmerkingar:
Í samrøðu við Kringvarp Føroya 18. mai 2020 segði Sonja Nielsen, leiðari á B6 á
Landssjúkrahúsinum, at tað kemur fyri, at fólk enda við at liggja á deildini í upp til 10
mánaðir. Talan er um fólk, sum av ymiskum orsøkum eru so mikið illa fyri, at tey
hava ongastaðni at fara, tá viðgerðin er av. Tað tykist, sum eingin hevur ábyrgdina.
Hvørki Heilsumálaráðið ella Almannamálaráðið. Av tí sama detta tey heimleysu
niðurímillum í skipanini.
Sum vælferðarsamfelag hava vit til uppgávu at hjálpa teimum, ið koma illa fyri, og tí
er tað umráðandi at finna út av, hvussu stórur og umfatandi trupulleikin er.
Tískil verður spurt um, hvussu nógv heimleys liggja á teimum trimum
sjúkrahúsunum, hvussu gomul tey eru, og hvussu leingi tey liggja á
sjúkrahúsunum í miðal, áðrenn tey verða útskrivað.
Á Løgtingi, 10. juni 2020
Uni Rasmussen

-- 1 of 1 --