52-095/2019

FÍ G GJ A R M Á L A R Á Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 16. juni 2020
J. nr.: 20/00280
Svar upp á fyrispurning nr. 95/2019 eftir tingskipanini § 52a
Fyrispurningur frá Steffan Klein Poulsen, løgtingsmanni, settur Jørgen Niclasen,
landsstýrismanni í fíggjarmálum, um Rambøll støðumetingina av tunlunum norð um fjall.
Fyrispurningurin er soljóðandi:
1. Hvør er niðurstøðan í støðumetingini hjá uttanhýsis serfrøðini, Rambøll av tunnlunum norð
um fjall, sum bleiv gjørd í desember 2019?
2. Í hvørjum standi eru tunlarnir, og hvørji tilmæli hevur Rambøll fyri Hvannasundstunnulin og
Árnafjarðartunnulin?
3. Er tað trygt og forsvarligt at koyra ígjøgnum tunlarnar norð um fjall sambært støðumetingini
hjá Rambøll?
Svar
Landsverk hevur til uppgávu at umsita og viðlíkahalda alt samferðslukervið í Føroyum fyri tær
upphæddir, sum Løgtingið setir av til hetta endamál. Ein týðandi partur av hesum eru landsvegirnir,
soleiðis sum teir eru lýstir í landsvegaskránni. Árnafjarðartunnilin og Hvannasundstunnilin, undir
einum nevndir tunlarnir Norður um Fjall, eru partar av landsvegakervinum.
Uppgávan hjá Landsverki er alla tíðina at meta um, hvussu mest fæst fyri tær upphæddir, sum
Løgtingið setir av til viðlíkahald, og hvørjar uppgávur á landsvegakervinum mugu raðfestast.
Landsverk ger leypandi metingar av øllum landsvegakervinum fyri at vita, hvat hevur skund, hvat
kann bíða og hvørji átøk skulu gerast í hvørjum einstøkum føri.
Sum liður í hesum arbeiðnum brúkar Landsverk viðhvørt uttanhýsis fakliga hjálp til at skráseta og
lýsa faktisk viðurskifti við landsveganetinum. Eina slíka kanning hevur Landsverk biðið Rambøll
gera av tunlunum Norður um Fjall. Skjølini frá Rambøll innganga sum arbeiðsskjøl í tær metingar og
raðfestingar, sum Landsverk so ger. Slíkar støðumetingar hava eisini ein leiklut sum ein eftirkanning
av egnu metingunum hjá Landsverk.

-- 1 of 2 --

FÍ G GJ A R M Á L A R Á Ð I Ð
Ministry of Finance
2/2
Svar til spurning 1
Landsverk hevur upplýst, at niðurstøðan viðvíkjandi Árnafjarðartunlinum er, at burtursæð frá
loftinum í innkoyringini í Ánunum, eru ikki átroðkandi brek. Niðurstøðan viðvíkjandi
Hvannasundstunlinum er, at eingi átroðkandi brek eru.
Svar til spurning 2
Landsverk hevur upplýst, at sambært egnum metingum og frágreiðing frá Rambøll eru tunlarnir í
rímiliga góðum standi eftir aldrinum. Mælt verður til í ávísum støðum innan 3 ár at gera ábøtur á
festið í loftinum og í øðrum støðum kann tað gerast seinni. Ætlanin er at fara undir ábøtur í ár.
Nýggir tunlar Norður um Fjall hava høga raðfesting hjá landsstýrinum og tí verður
viðlíkahaldstíðarætlan gjørd í samljóði við tíðarætlan av nýggju tunlunum.
Svar til spurning 3
Ja, annars hevði Landsverk stongt tunlarnar
Tinganes, 16. juni 2020
Jørgen Niclasen
landsstýrismaður í fíggjarmálum

-- 2 of 2 --

Nr. 95/2019
Steffan Klein Poulsen
løgtingsmaður
Fyrispurningur eftir Tingskipanini § 52a
Fyrispurningur um Rambøll støðumetingina av tunlunum norð um fjall, settur
landsstýrismanninum í fíggjarmálum, Jørgeni Niclasen (at svara skrivliga eftir
TS § 52a)
1. Hvør er niðurstøðan í støðumetingini hjá uttanhýsis serfrøðini, Rambøll av tunnlunum
norð um fjall, sum bleiv gjørd í desember 2019?
2. Í hvørjum standi eru tunlarnir, og hvørji tilmæli hevur Rambøll fyri
Hvannasundstunnulin og Árnafjarðartunnulin?
3. Er tað trygt og forsvarligt at koyra ígjøgnum tunlarnar norð um fjall sambært
støðumetingini hjá Rambøll?
Viðmerkingar:
Tunlarnir norð um fjall vera skjótt elstu tunlarnir, sum vera brúktir í Føroyum, tá tað
er koyrandi gjøgnum Hvalbiartunnilin. Árnafjarðartunnilin, sum knýtir Árnafjørð til
Klaksvíkina, er frá 1965 og Hvannasundstunnilin, sum knýtir alt øki eystan Múla,
t.v.s. Norðdepil, Hvannasund, Viðareiði og aðrar smáar bygdir, til Klaksvík, bleiv
liðugur í 1967. Trygdin er lítil og ongin í tunlunum. Tað kemur eisini fyri at grót
dettur niður inni í tunnlunum.
Í desember 2019 gjørdi Rambøll eina støðumeting av tunlunum norð um fjall.
Støðumetingin frá hesari uttanhýsis serfrøði kann staðfesta, hvussu standurin er í
tunnlunum. Tað hevur stóran týdning at síggja, hvør niðurstøðan er í støðumetingini
hjá Rambøll, og um tað er nóg trygt at koyra gjøgnum tunnlarnar norð um fjall.
Á Løgtingi, 3. juni 2020
Steffan Klein Poulsen

-- 1 of 1 --