52-078/2019

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3
110 Tórshavn
18. mai 2020
Mál: 20/00456-2
Tygara Skriv:
Viðgjørt: Jákup Andrias
Kristiansen
Nr. 78/2019
Svar uppá fyrispurningur eftir tingskipanini § 52 a
Fyrispurningur um Bústaðir, settur landsstýrismanninum í almannamálum, Elsebeth
Mercedis Gunnleygsdóttur (at svara skrivliga eftir TS § 52 a.)
1. Ætlar landsstýrismaðurin at lata Bústaðir fara undir fleiri bústaðaverkætlanir, og um so er,
hvussu nógvar bústaðir er ætlanin at byggja í hesum valskeiðnum?
2. Ætlar landsstýrismaðurin at krevja, at Bústaðir virka á vinnuligum grundarlag, sum
arbeiðsbólkurin mælti til?
Viðmerkingar:
Seinasta valskeið vórðu á leið hálvttriðhundrað leigubústaðir útvegaðir við Bústøðum, og
svarar hetta til meira enn ein bústað um vikuna farna valskeið. Undanfarna samgonga hevði
ætlanir um at lata Bústaðir útvega enn fleiri bústaðir, og við bústaðapakkanum skuldu Bústaðir
fáa heimild til at læna 250 mió. kr. afturat. Men táverandi andstøða forðaði fyri uppskotinum.
Nú nýggj samgonga er komin til, løgdu Javnaðarflokkurin og Tjóðveldi uppskotið um bústaðir
fram aftur. Men nýggja samgongan feldi tað.
Landsstýrismaðurin við bústaðamálum førdi í hesum sambandi fram, at hon vildi hava ein
arbeiðsbólk at viðgera málið. Fyrst í mars mánaði handaði arbeiðsbólkurin frágreiðingina, har
tað m.a. varð mælt til at lata Bústaðir virka á vinnuligum grundarlag. Arbeiðsbólkurin vísti á,
at hetta fer at hava við sær, at leiguprísurin hækkar. Sambært Bústøðum er fermetraprísurin á
einum leigubústaði hjá Bústøðum meira enn helvtina av prísinum hjá privatari fyritøku, sum
rekur vinnuligt virksemi við leigubústøðum.
Hetta málið skuldi viðgerast politiskt, vóru boðini frá landsstýrismanninum tá. Nú tveir
mánaðir eru farnir, er framvegis einki at frætta viðvíkjandi politisku ætlanunum á
bústaðaøkinum.
Tað eru fólk, sum hava trupult við at fóta sær á verandi bústaðamarknaði, og sum tí mangla
hóskandi tak yvir høvdið fyri ein rímiligan prís. Tí verður hesin fyrispurningurin settur.
Á Løgtingi, 6. maj 2020
Aksel V. Johannesen

-- 1 of 2 --

ALMANNAMÁLARÁÐIÐ
síða 2 av 2
Svar:
Til nr. 1
Tann 6. mars 2020 fekk eg handað eina frágreiðing við møguligum bústaðapolitiskum átøkum,
men orsakað av støðuni við COVID-19 er frágreiðingin ikki vorðin liðugt viðgjørd í
landsstýrinum.
Í løtuni fái eg tí ikki sagt nakað ítøkiligt um, hvussu nógvar nýggjar bústaðaverkætlanir
Bústaðir fer undir í hesum valskeiðinum.
Til nr. 2
Sum kunnugt vórðu fleiri møguleikar umrøddir í frágreiðingini. Nevnast kann, at ein av
møguleikunum snúði seg um at býta Bústaðir sundur í ein meira avkastgevandi part og ein
minni avkastgevandi part, meðan ein annar møguleiki snúði seg um at geva Bústøðum
fíggjarligt rásarúm til at halda fram eftir verandi leisti.
Ikki fyrr enn frágreiðingin er liðugt viðgjørd í landsstýrinum, fái eg sagt nakað ítøkiligt um
bústaðapolitisku ætlanirnar hjá landsstýrinum.
Tórshavn, 18. mai 2020
Elsebeth Mercedis Gunnleygsdóttur
landsstýrismaður

-- 2 of 2 --

Nr. 78/2019
Aksel V. Johannesen
løgtingsmaður
Fyrispurningur eftir Tingskipanini § 52a
Fyrispurningur viðvíkjandi bústøðum, settur landsstýrismanninum í
almannamálum, Elsebeth Mercedis Gunnleygsdóttur (at svara skrivliga eftir TS
§ 52a)
1. Ætlar landsstýrismaðurin at lata Bústaðir fara undir fleiri bústaðaverkætlanir,
og um so er, hvussu nógvar bústaðir er ætlanin at byggja í hesum valskeiðnum?
2. Ætlar landsstýrismaðurin at krevja, at Bústaðir virka á vinnuligum grundarlag,
sum arbeiðsbólkurin mælti til?
Viðmerkingar:
Seinasta valskeið vórðu á leið hálvttriðhundrað leigubústaðir útvegaðir við Bústøðum,
og svarar hetta til meira enn ein bústað um vikuna farna valskeið. Undanfarna
samgonga hevði ætlanir um at lata Bústaðir útvega enn fleiri bústaðir, og við
bústaðapakkanum skuldu Bústaðir fáa heimild til at læna 250 mió. kr. afturat. Men
táverandi andstøða forðaði fyri uppskotinum. Nú nýggj samgonga er komin til, løgdu
Javnaðarflokkurin og Tjóðveldi uppskotið um bústaðir fram aftur. Men nýggja
samgongan feldi tað.
Landsstýrismaðurin við bústaðamálum førdi í hesum sambandi fram, at hon vildi hava
ein arbeiðsbólk at viðgera málið. Fyrst í mars mánaði handaði arbeiðsbólkurin
frágreiðingina, har tað m.a. varð mælt til at lata Bústaðir virka á vinnuligum grundarlag.
Arbeiðsbólkurin vísti á, at hetta fer at hava við sær, at leiguprísurin hækkar. Sambært
Bústøðum er fermetraprísurin á einum leigubústaði hjá Bústøðum meira enn helvtina
av prísinum hjá privatari fyritøku, sum rekur vinnuligt virksemi við leigubústøðum.
Hetta málið skuldi viðgerast politiskt, vóru boðini frá landsstýrismanninum tá. Nú tveir
mánaðir eru farnir, er framvegis einki at frætta viðvíkjandi politisku ætlanunum á
bústaðaøkinum.
Tað eru fólk, sum hava trupult við at fóta sær á verandi bústaðamarknaði, og sum tí
mangla hóskandi tak yvir høvdið fyri ein rímiligan prís. Tí verður hesin
fyrispurningurin settur.
Á Løgtingi, 6. mai 2020
Aksel V. Johannesen

-- 1 of 1 --