52-041/2019

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
100 Tórshavn
Dagfesting: 20. januar 2020
Tygara ref.:
Máltal.: 19/00017-39
Svar
upp á
fyrispurning nr. 41/2019 frá Beintu Løwe Jacobsen, løgtingsmanni, eftir Tingskipanini §
52a. Fyrispurningur um Kringvarp Føroya, settur landsstýrismanninum í uttanríkis- og
mentamálum, Jenisi av Rana (at svara skrivliga eftir TS § 52a).
Fyrispurningurin er soljóðandi:
1. Hvørjar broytingar er ætlanin at gera viðvíkjandi Kringvarpi Føroya?
2. Er ætlanin at lækka kringvarpsgjaldið?
3. Um ætlanin er at lækka kringvarpsgjaldið, hvussu nógv verður tað so lækkað?
4. Er ætlanin, at aðrir miðlar skulu hava ein part av kringvarpsgjaldinum?
5. Eru ætlanir um at koyra aktueltdeildina í tvær deildir, eina sjónvarpsdeild og eina
útvarpsdeild, sum skulu kappast?
6. Nær er ætlanin, at møguligar broytingar í Kringvarpinum skulu setast í gildi?
Svar
Til 1: Tað, sum eg yvirskipað umhugsi at gera í hesum umfarinum, er, og eg kann nevna
nøkur viðurskifti:
- Taka upp við KVF ætlan teirra um at víðka um sendingarnar úti um landið. Tey hava
greitt mær frá góðu og nútímans útgerðini, tey hava til hetta endamálið, men lítið og
einki decentraliserað virksemi hevur tó higartil sæst eftir.
- Broyta lýsingapolitikkin, soleiðis at skilt verður greiðari millum kunngerðir og
handilslýsingar við tí fyri eyga at fáa lýsingarnar heilt burtur úr almenna
kringvarpinum. Hetta vil styrkja lýsingarmøguleikarnar hjá frælsum kringvarpum og
fíggjarmøguleikarnar hjá lýsingarvirkjum.
- Eftirmeta lógarásetingina um samanseting av kringvarpsstýrinum, soleiðis at vit fáa
avpolitiserað- og professionaliserað stýrið.
- Fingið gjørt álvara av at seta á stovn eina fjølmiðlaútbúgving á Fróðskaparsetrinum,
eina útbúgving, sum er grundfest í føroyska samfelagnum. Ein natúrligur partur av
slíkari úbúgving, á t.d. bachelor- og masterstøði, vildi verði gransking í føroyskum
fjølmiðlaviðurskiftum.

-- 1 of 2 --

U T T A N R Í K I S - O G ME N T A MÁ L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Til 2 og 3: Ætlanin er at eftirmeta skipanina við kringvarpsgjaldinum og gera møguligar
broytingar út frá úrslitinum av hesari eftirmeting. Hugsað verður um eina javning av
gjaldinum, so minnu fyritøkurnar ikki verða so meint raktar.
Til 4: Nei.
Til 5: Tann møguleikin verður ofta nevndur, og nøkur eru, ið kenna seg sannførd um, at hetta,
at fáa kapping millum tvær sjálvstøðugar deildir, er einasta rætta loysnin. Sjálvur eri eg ikki
sannførdur í hesum máli, men tó opin fyri at gera eina eftirmeting og kanning, sum vónandi
gevur svar, hvat tænir samfelagsliga best.
Til 6: Ætlanin er at brúka várið til at viðgera hesar spurningar, so broytingar kunnu fremjast
eftir ólavsøku.
Vinarliga
Jenis av Rana
landsstýrismaður

-- 2 of 2 --

Nr. 41/2019
Beinta Løwe Jacobsen
løgtingsmaður
Fyrispurningur eftir Tingskipanini § 52a
Fyrispurningur um Kringvarp Føroya, settur landsstýrismanninum í uttanríkis-
og mentamálum, Jenisi av Rana (at svara skrivliga eftir TS § 52a)
1. Hvørjar broytingar er ætlanin at gera viðvíkjandi Kringvarpi Føroya?
2. Er ætlanin at lækka kringvarpsgjaldið?
3. Um ætlanin er at lækka kringvarpsgjaldið, hvussu nógv verður tað so lækkað?
4. Er ætlanin, at aðrir miðlar skulu hava ein part av kringvarpsgjaldinum?
5. Eru ætlanir um at koyra aktueltdeildina í tvær deildir, eina sjónvarpsdeild og eina
útvarpsdeild, sum skulu kappast?
6. Nær er ætlanin, at møguligar broytingar í Kringvarpinum skulu setast í gildi?
Viðmerkingar:
Landsstýrismaðurin í mentamálum segði undir viðgerðini av fíggjarlógini, at ætlanir
eru um at gera broytingar í Kringvarpinum í vár, men landsstýrismaðurin vildi tá ikki
koma nærri inn á, hvørjar broytingar ætlanin er at gera.
Tí verður hesin spurningur settur.
Á Løgtingi, 9. januar 2020
Beinta Løwe Jacobsen

-- 1 of 1 --