52-021/2019

1 / 1
Helgi Abrahamsen
landsstýrismaður
Svar
uppá
fyrispurning frá Jóhannis Joensen, løgtingsmanni, í løgtingsmáli nr. 21/2019, viðvíkjandi
umsitingarbygningi til Sjóvinnustýrið.
Spurningurin var soljóðandi:
1. Kann landsstýrismaðurin tryggja, at avtalan um at byggja umsitingarbygning til
Sjóvinnustýrið ikki verður broytt, og at bygt verður í Vágum?
2. Ætlar landsstýrismaðurin at játta pening til bygningin á komandi fíggjarlóg?
3. Og um so er, kann landsstýrismaðurin upplýsa, nær bygningurin væntandi verður liðugur?
Svar:
Svarað verður undir einum:
Ætlanin er, enn sum áður, at fara undir at byggja umsitingarbygning til Sjóvinnustýrið og eru ongar
ætlanir um at broyta staðsetingina. Á fíggjarlógaruppskotinum 2020 er peningur settur av til
umsitingarbygning til Sjóvinnustýrið.
Landsverk arbeiðir í løtuni, í tøttum samstarvi við Sjóvinnustýrið, við at gera kravspesifikatiónir til
umsitingarbygningin.
Nær bygningurin kann væntast at standa liðugur veldst bæði um innkomnu tilboðini og játtan á
fíggjarlógini. Lagt kann verða afturat, at Landsverk metir, at tað tekur umleið eitt ár frá tí at byrjað
verður at byggja, til tað kann vera klárt at flyta inn í hølini.
Umhvørvis- og vinnumálaráðið, tann 26. november 2019
Helgi Abrahamsen
landsstýrismaður

-- 1 of 1 --

Nr. 21/2019
Jóhannis Joensen
løgtingsmaður
Fyrispurningur eftir Tingskipanini § 52a
Fyrispurningur um umsitingarbygning til Sjóvinnustýrið, settur landsstýris-
manninum í vinnumálum, Helga Abrahamsen (at svara skrivliga eftir TS § 52a)
1. Kann landsstýrismaðurin tryggja, at avtalan um at byggja umsitingarbygning til
Sjóvinnustýrið ikki verður broytt, og at bygt verður í Vágum?
2. Ætlar landsstýrismaðurin at játta pening til bygningin á komandi fíggjarlóg?
3. Og um so er, kann landsstýrismaðurin upplýsa, nær bygningurin væntandi verður
liðugur?
Viðmerkingar:
Undanfarna Løgting samtykti einmælt í 2017 at geva landsstýrismanninum við
vinnumálum heimild til at byggja nýggjan umsitingarbygning til Sjóvinnustýrið.
Landsstýrismanninum varð heimilað at halda byggiútreiðslur í sambandi við bygging
av nýggjum umsitingarbygningi til Sjóvinnustýrið á upp til 13,7 mió. kr. Við
uppskotinum varð víst á, at Sjóvinnustýrið skuldi hava eina framtíðartryggjaða loysn
og støðugar karmar um virksemið hjá stovninum, og at ætlanin var at byggja ein
bygning á slakar 900 m2 , sum skuldi staðsetast á leigaða grund í Vágum.
Løgtingslógin varð sett í gildi 1. januar 2018 og fer úr gildi aftur 31. desembur 2020.
Nú nýtt landsstýri hevur tikið við, kundi eg hugsað mær at fingið upplýst, um nýggi
landsstýrismaðurin á økinum ætlar at halda fast við ætlanirnar hjá undanfarna
landsstýri um at byggja umsitingarbygning til Sjóvinnustýrið við staðseting í Vágum,
og nær vit kunnu vænta, at bygningurin stendur liðugur. Tí verður hesin
fyrispurningur settur.
Á Løgtingi, 14. november 2019
Jóhannis Joensen

-- 1 of 1 --