52-020/2019

F Í G G J A R M Á L A R Á Ð I Ð
M I N I S T R Y O F F I N A N C E
Tinganes • Postsmoga 2039 • FO-110 Tórshavn
Telefon: + 298 35 20 20 • E-mail: FMR@FMR.FO
Løgtingið
Tinghúsvegur 1-3
Postboks 208
110 Tórshavn
J.Nr.: 19/00431-2
Svar uppá spurning nr. 20/2019 eftir § 52a í tingskipanini
Spurningur frá Terja B. Vestergaard, løgtingsmanni, settur Jørgen Niclasen,
landsstýrismanni í fíggjarmálum, um Fjøruvegin í Runavík.
Spurningurin er soljóðandi:
1. Hevur landsstýrismaðurin ætlanir um at leggja málið: løgtingsmál nr. 142/2018:
Uppskot til løgtingslóg um nýggjan Fjøruveg í Runavík, fram á ting av nýggjum?
2. Um ikki, hvussu ætlar landsstýrismaðurin at loysa avbjóðingina við innkomuvegnum í
Runavík?
3. Hvussu nógvan pening ætlar landsstýrismaðurin at seta av til verkætlanina á
fíggjarlógini 2020 og tey næstu árini?
4. Hvat metir landsstý rismaðurin, at samlaði kostnaðurin verður fyri landskassan av
samlaðu verkætlanini?
5. Ætlar landsstýrismaðurin at javnseta kommunurnar báðu megin tunnilsmunnarnar
viðvíkjandi almenna partinum?
6. Nær kann hugsast, at arbeiðið byrjar?
Svar:
Endamálið við løgtingsmáli nr. 142/2018 var at útvega eina materiella heimild til at fara undir
arbeiðið við Fjøruvegnum. Í viðmerkingum frá Fíggjarmálaráðnum varð tó víst á, at verkætlanin
var ikki nóg væl fyrireikað, og at málið ikki var búgvið til at verða lagt fyri Løgtingið.
Fíggjarmálaráðið vísti í hesum sambandi á, at tá ið talan er um nýgerð av landsvegum, skal
projektuppskot fyriliggja, áðrenn verklagslóg verður løgd fyri Løgtingið. Havandi hetta í huga,
verður uppskotið tí neyvan lagt fram aftur í óbroyttum líki.
Landsstýrið arbeiðir við at raðfesta løgur innanfyri langtíðar løgukarmin og verður landsins
partur av kostnaðinum í sambandi við Fjøruvegin partur av hesi raðfesting. Áðrenn komið er á
mál við hesum arbeiði ber ikki til at siga, hvussu nógv ætlanin er at seta av til verkætlanina í
2020 og tey næstu árini.

-- 1 of 2 --

F Í G G J A R M Á L A R Á Ð I Ð
M I N I S T R Y O F F I N A N C E
2/2
Áðrenn verkætlanin er projekterað og avgerð er tikin um, hvør endaliga loysnin verður, ber
heldur ikki til at siga, hvat samlaði kostnaðurin verður fyri landskassan, ella nær arbeiðið byrjar.
Hvussu kostnaðarbýtið verður millum land og kommunur er heldur ikki greitt enn, men hetta
kemur helst m.a. at verða grundað á, hvussu verkætlanin verður sett saman av tilmælum frá
Landsverki og ynskjum frá kommununum um broytingar í mun til hesi.
Tinganes, 25. november 2019
Jørgen Niclasen
Landsstýrismaður í fíggjarmálum

-- 2 of 2 --

Terje B. Vestergaard Nr. 20/2019
løgtingsmaður
Fyrispurningur eftir Tingskipanini § 52a
Fyrispurningur um Fjøruvegin í Runavík og trupulleikar við ferðslu, tá Skálafjarðar-
tunnilin letur upp fyri almennari ferðslu, settur landsstýrismanninum í
samferðslumálum Jørgeni Niclasen (at svara skrivliga eftir TS § 52a)
1. Hevur landsstýrismaðurin ætlanir um at leggja málið: løgtingsmál nr. 142/2018:
Uppskot til løgtingslóg um nýggjan Fjøruveg í Runavík, fram á ting av nýggjum?
2. Um ikki, hvussu ætlar landsstýrismaðurin at loysa avbjóðingina við innkomuvegnum í
Runavík?
3. Hvussu nógvan pening ætlar landsstýrismaðurin at seta av til verkætlanina á
fíggjarlógini 2020 og tey næstu árini?
4. Hvat metir landsstýrismaðurin, at samlaði kostnaðurin verður fyri landskassan av
samlaðu verkætlanini?
5. Ætlar landsstýrismaðurin at javnseta komunurnar báðu megin tunnilsmunnarnar
viðvíkjandi almenna partinum?
6. Nær kann hugsast, at arbeiðið byrjar?
Viðmerkingar:
Landsstýrismaðurin í samferðslumálum í undanfarnu samgongu dagfestir og undirskrivar
uppskotið, løgtingsmál nr. 142/2018: Uppskot til løgtingslóg um nýggjan Fjøruveg í Runavík,
tann 28. februar 2019, og leggur málið fyri tingið.
Uppskotið varð viðgjørt á tingfundi hósdagin 14. mars 2019. Uppskotið kom ikki aftur úr
nevnd, og fall tí burtur.
Um talan er um tilætlað drál er ikki til at vita, men á heimasíðuni hjá Løgtinginum stendur:
“Málið fall burtur sambært stýrisskipanarlógini § 15, stk. 3, tí málið ikki var liðugt viðgjørt,
tá tingsetan endaði”. Málið er blivið viðgjørt saman við avvarðandi pørtum á fíggjarnevndar-
fundum hósdagin 21. mars, og týsdagin 9. apríl.
Allir partar eru væl og virðiliga kunnaðir um, at málið hevur serstakan skund.
Ferðslan í Runavík og har um leiðir er nógv vaksin seinastu árini. Í 2020 letur
Eysturoyartunnlin upp fyri ferðslu, sum merkir, at Runavík verður ein av høvuðsfarleiðum
landsins.
Um ruðuleiki ikki skal valda í ferðsluni frá Skálafjarðartunlinum er neyðugt, at arbeiðið upp á
vegagerðina byrjar alt fyri eitt.
Hetta er orsøkin til omanfyri standandi fyrispurningar.

-- 1 of 2 --

Á Løgtingi, 14. november 2019
Terje B. Vestergaard

-- 2 of 2 --