52-018/2019

F Í G G J A R M Á L A R Á Ð I Ð
M I N I S T R Y O F F I N A N C E
Tinganes • Postsmoga 2039 • FO-110 Tórshavn
Telefon: + 298 35 20 20 • E-mail: FMR@FMR.FO
Løgtingið
Tinghúsvegur 1-3
Postboks 208
110 Tórshavn
J.Nr.: 19/00427-2
Svar uppá spurning nr. 18/2019 eftir § 52a í tingskipanini
Spurningur frá Heðin Mortensen, løgtingsmanni, settur Jørgen Niclasen,
landsstýrismanni í fíggjarmálum, um innkomuvegin til Havnar.
Spurningurin er soljóðandi:
1. Hvørjar ætlanir hevur landsstý rismaðurin viðvíkjandi innkomuvegnum til Havnar?
2. Eru tingingar millum land og kommunu um málið, og um so er, hvør er tí ðarkarmurin?
3. Ætlar landsstýrismaðurin at seta pening av til innkomuvegin á komandi fíggjarlóg?
4. Kann landsstý rismaðurin upplý sa, nær innkomuvegurin til Havnar væntandi verður
liðugur?
Svar:
Hendan samgongan byrjar meir ella minni av nýggjum við hesum máli. Hóast innkomuvegurin
til Havnar hevur verið ovarlaga á breddanum í fleiri ár, so megnaði undanfarna samgonga, hvørki
at hava nøktandi játtan til verkætlanina ella at fáa eina verklagslóg samtykta. Játtanin til
verkætlanina er bert 1 mió.kr. í 2019, meðan 5 mió.kr. eru fluttar frá undanfarnum árum. Játtanin
er brúkt til at byrja at gera eitt vegastrekki á innkomuvegnum við Skarðshjalla, við at leggja
tunnilsgrót í vegin.
Sitandi landsstýrið hevur ikki havt tingingar við Tórshavnar kommunu um innkomuvegin.
Landsstýrið arbeiðir við at raðfesta íløgur innanfyri langtíðar løgukarmin og verður landsins
partur av kostnaðinum í sambandi við innkomuvegin partur av hesi raðfesting. Arbeiðið við
hesum er ikki komið á mál, herundir heldur ikki, hvussu nógv verður sett av til hvørja verkætlan
á komandi fíggjarlóg. Ætlanir hava verið um at gera innkomuvegin lidnan í stigum, so hvørt
ferðslutrýstið ger tað neyðugt, og tí ber illa til at siga nær innkomuvegurin í síni heild verður
liðugur.
Tinganes, 23. november 2019
Jørgen Niclasen
Landsstýrismaður í fíggjarmálum

-- 1 of 1 --

Nr. 18/2019
Heðin Mortensen
løgtingsmaður
Fyrispurningur eftir Tingskipanini § 52a
Fyrispurningur um innkomuvegin til Havnar, settur landsstýrismanninum í
fíggjarmálum, Jørgeni Niclasen (at svara skrivliga eftir TS § 52a)
1. Hvørjar ætlanir hevur landsstý rismaðurin viðvíkjandi innkomuvegnum til
Havnar?
2. Eru tingingar millum land og kommunu um málið, og um so er, hvør er
tí ðarkarmurin?
3. Ætlar landsstýrismaðurin at seta pening av til innkomuvegin á komandi
fíggjarlóg?
4. Kann landsstý rismaðurin upplý sa, nær innkomuvegurin til Havnar væntandi
verður liðugur?
Viðmerkingar:
Í
oktober 2016 gjørdu tá verandi borgarstjó ri í Tó rshavn og táverandi landsstý rismaður
 í
samferðslumá lum eina avtalu um innkomuvegin til Havnar. Við hesi avtalu var
komið á má l við einum á ralongum strí ði um, hvussu vegurin skuldi leggjast, hvussu
nó gvum í bindingum tørvur er á , og hvussu hesar skulu liggja, fyri at gera ferðsluna til
Havnar og ú r Havnini so smidliga sum gjørligt.
Innkomuvegurin, ið avtala er gjørd um, byrjar við Skarðshjalla og gongur umvegis
ný ggja rundkoyring við Hví tanesvegin oman fyri munnan til Eysturoyartunnilin
norður um Havnina og til Oyggjarvegin.
Partarnir avtalaðu tá, hvørjum vegastrekkjum, í bindingum og flættingum, ið á vikavist
landið og kommunan varða av, og gró t frá undirsjó vartunlinum skuldi í størst
møguligan mun verða ný tt til vegagerðirnar. Avtalað var eisini, at landið og
Tó rshavnar kommuna skuldu fí ggja tunnilin helvt um helvt, og at tunnilin skuldi
verða landsvegur.
Nú umboð fyri Fólkaflokkin sita bæði í borgarstjórasessinum í Tórhavnar kommunu
og í landsstýrissessinum við samferðslumálum, skuldi tað verið lagamanni at fingið
eina avtalu í dag. Tí fari eg at heita á landsstýrismannin um at greiða frá, hvørjar
ætlanir hann hevur fyri at fáa vegin gjørdan.
Á Løgtingi, 12. november 2019
Heðin Mortensen

-- 1 of 1 --