52-010/2019

F Í G G J A R M Á L A R Á Ð I Ð
M I N I S T R Y O F F I N A N C E
Løgtingið
Tinghúsvegur 1-3
Postboks 208
110 Tórshavn
Tórshavn, 25. oktober 2019
J.Nr.: 19/00369
(at tilskila í svari)
Tygara skriv:
Svar upp á fyrispurning nr. 10/2019 eftir tingskipanini § 52a
Fyrispurningur frá Beintu Løwe Jacobsen, løgtingsmanni, settur Jørgen Niclasen,
landsstýrismanni í fíggjarmálum, um asfaltverkið á Sundi
Fyrispurningurin er soljóðandi:
1. Hvussu nógv er samlaði kostnaðurin fyri asfaltverkið á Sundi, tað vil siga við leigu,
umvælingum og keypi v.m.?
2. Var fíggjarlig heimild at leiga, umvæla og keypa asfaltverkið?
3. Ætlar landsstýrismaðurin at kanna málið nærri?
Svar:
Sambært roknskapi hjá Landsverki fyri asfaltverkið á Sundi fram til nú hava útreiðslurnar av leigu,
umvælingum, keypi o.t. verið 33,4 mió.kr.
2016 2017 2018 2019 Tilsamans
Viðlíkahald og nýgerð 348 1.778 6.117 634 8.877
Leiga av asfaltverki 7.733 6.551 1.500 0 15.784
Keyp av asfaltverkið 0 0 8.782 0 8.782
Tilsamans 8.081 8.329 16.399 634 33.443
Í 2016 gjørdi Landsverk avtalu við eitt privat felag um at leiga asfaltverkið á Sundi. Løgtingsgrann-
skoðararnir hava síðani víst á, at talan var um fíggjarliga langtíðarleigu. Sambært játtanarskipanini
er ikki loyvt at gera avtalur um fíggjarliga langtíðarleigu. Í apríl 2019 varð avtala gjørd við útleigaran
um at yvirtaka virkið fyri 8,8 mió.kr.
Samanumtikið ber ikki til at siga, at Landsverk hevði heimild at langtíðarleiga ella keypa
asfaltverkið á Sundi.
Og ja, málið verður kannað nærri.
Tinganes, 25. oktober 2019
Jørgen Niclasen
Landsstýrismaður í fíggjarmálum

-- 1 of 1 --

Nr. 10/2019
Beinta Løwe Jacobsen
løgtingsmaður
Fyrispurningur eftir Tingskipanini § 52a
Fyrispurningur um asfaltsverkið á Sundi, settur landsstýrismanninum í
fíggjarmálum, Jørgen Niclasen (at svara skrivliga eftir TS § 52a)
1. Hvussu nógv er samlaði kostnaðurin fyri asfaltverkið á Sundi, tað vil siga við
leigu, umvælingum og keypi v.m.?
2. Var fíggjarlig heimild at leiga, umvæla og keypa asfaltverkið?
3. Ætlar landsstýrismaðurin at kanna málið nærri?
Viðmerkingar:
Landsgrannskoðanin og undanfarnu løgtingsgrannskoðarar hava gjørt vart við
ymist í samband við, at Landsverk leigaði og seinni keypti asfaltverkið á Sundi.
Seinni er komið fram í miðlunum, at verkið er í so ringum standi, at tað er latið
aftur og ikki verður latið uppaftur.
Tí hesin fyrispurningur til landsstýrismannin.
Á Løgtingi, 16. oktober 2019
Beinta Løwe Jacobsen

-- 1 of 1 --