52-008/2019

F Í G G J A R M Á L A R Á Ð I Ð
M I N I S T R Y O F F I N A N C E
Løgtingið
Tinghúsvegur 1-3
Postboks 208
110 Tórshavn
Tórshavn, 25. novembur 2019
J.Nr.: 19/00364
Svar upp á fyrispurning nr. 8/2019 eftir tingskipanini § 52a
Fyrispurning frá Rósu Samuelsen, løgtingskvinnu, settur Jørgen Niclasen,
landsstýrismanni í fíggjarmálum, um MVG-endurrindan til hitapumpur.
Fyrispurningurin er soljóðandi:
1. Hvussu nógv hava gjørt nýtslu av møguleikanum at fáa endurrindað MVG fyri
uppseting av hitapumpum, síðan lógin kom í gildi, býtt upp á ár og økir í
landinum?
2. Hvussu nógv er talan um í krónum, býtt upp á ár og økir í landinum?
3. Ber til at siga, at ferð er sett á at fáa fólk/ húsarhald at leggja um til hitapumpur‚
grundað á MVG-endurrindan?
4. Er landsstýrismaðurin sinnaður at leingja skipanina um MVG-endurrindan til el-
riknar hitapumpuskipanir, sum gongur út 31.12.2019?
Svar til spurning 1:
Í 2017 vóru 26 umsóknir (Suðurstreymoy: 15 umsóknir, Norðurstreymoy: 2 umsóknir,
Eysturoy: 5 umsóknir og Vágar: 4 umsóknir).
Í 2018 vóru 86 umsóknir (Suðurstreymoy 37 umsóknir, Norðurstreymoy: 14 umsóknir,
Eysturoy: 16 umsóknir, Norðoyggjar: 10 umsóknir, Vágar: 7 umsóknir og Suðuroy: 2
umsóknir.
Í 2019 hava frá 1. januar til 1. oktober verið 89 umsóknir (Suðurstremoy: 45 umsóknir,
Norðurstreymoy: 9 umsóknir, Eysturoy: 23 umsóknir, Norðoyggjar: 4 umsóknir og Vágar: 5
umsóknir.

-- 1 of 3 --

F Í G G J A R M Á L A R Á Ð I Ð
M I N I S T R Y O F F I N A N C E
Svar til spurning 2:
Í 2017: kr. 679.792
Suðurstreymoy: kr. 386.174
Norðurstreymoy: 43.569
Eysturoy: 153.034
Vágar: 97.015
Í 2018: kr. 2.378.022
Suðurstreymoy: kr. 983.118
Norðurstreymoy: kr. 285.055
Eysturoy: kr. 449.417
Norðoyggjar: kr. 290.628
Vágar: kr. 324.678
Suðuroy: kr. 45.126
Í 2019 hava frá 1. januar til 1. oktober: kr. 2.474.058
Suðurstreymoy: kr. 1.256.718
Norðurstreymoy: kr. 247.598
Eysturoy: 654.315
Norðoyggjar: 95.258
Vágar: 164.209 og
Suðuroy: 55.960
Svar til spurning 3 :
Tað er ringt at meta um. Talið á umsóknum fyri 2018 og 2019 er vaksandi.

-- 2 of 3 --

F Í G G J A R M Á L A R Á Ð I Ð
M I N I S T R Y O F F I N A N C E
Svar til spurning 4:
Landsstýrismaðurin arbeiðir við at leggja uppskot fyri Løgtingið, sum ber í sær, at skipanin
við MVG-endurrindan verður longd í 1 ár.
Tinganes, 25. oktober 2019
Jørgen Niclasen
Landsstýrismaður í fíggjarmálum

-- 3 of 3 --

Nr. 8/2019
Rósa Samuelsen
løgtingsmaður
Fyrispurningur eftir Tingskipanini § 52a
Fyrispurningur um MVG-endurrindan til hitapumpur, settur landsstýris-
manninum í fíggjarmálum, Jørgen Niclasen (at svara skrivliga eftir TS § 52a)
1. Hvussu nógv hava gjørt nýtslu av møguleikanum at fáa endurrindað MVG fyri
uppseting av hitapumpum, síðan lógin kom í gildi, býtt upp á ár og økir í
landinum?
2. Hvussu nógv er talan um í krónum, býtt upp á ár og økir í landinum?
3. Ber til at siga, at ferð er sett á at fáa fólk/ húsarhald at leggja um til hitapumpur‚
grundað á MVG-endurrindan?
4. Er landsstýrismaðurin sinnaður at leingja skipanina um MVG-endurrindan til el-
riknar hitapumpuskipanir, sum gongur út 31.12.2019?
Viðmerkingar:
Verandi lógaráseting um endurrindan av MVG til hitapumpur fer úr gildi 31.
desember 2019.
Endamálið við lógini um endurrindan av MVG fyri hitapumpur, sum bleiv samtykt
30.05.17, var at fáa sett ferð á at leggja um til grøna orku, eitt stig til at røkka ítøkiliga
málinum um, at í minsta lagi helvtin av sethúsum og bygningum skulu verða hitað við
el frá varandi orkukeldum.
Tað eru kortini fleiri, sum enn ikki hava havt møguleikan at útvega sær hitapumpur, tí
tað er mangul uppá hondverkarar og bara eitt felag borar jarðhitahol, og tí er trupult at
sleppa í gongd at byggja og eisini at leggja um til nýtslu av hitapumpum.
Fleiri eru nú í bíðistøðu fyri at koma í gongd, og áhugin fyri hitapumpum og jarðhita
er sera stórur. Sostatt er umráðandi, at hildið verður fram við skipanini við
endurrindan av MVG fyri hitapumpur, og at skipanin veruliga fær møguleika og eitt
neyðugt skotbrá at virka eftir endamálinum. Tí verður hesin fyrispurningur settur.
Á Løgtingi, 14. oktober 2019
Rósa Samuelsen

-- 1 of 1 --