52-024/2026

Skrivligur fyrispurningur
eftir § 52a í Tingskipanini
Spyrjari: Elsebeth Mercedis Gunnleygsdóttur, løgtingskvinna
Svarari: Eyðdis Hartmann Niclasen landsstýriskvinna í heilsu- og orkumálum
Evni: Nýggjur demens heilivágur
Spurningar:
1. Eru ætlanir at fáa nýggja heilivágin “donanemab”, ið er heilivágur móti
Alzheimer sjúkuni, á marknaðin í Føroyum?
2. Um ja, nær verður hetta gjørt?
3. Um nei, hvør er orsøkin til tess?
Viðmerkingar:
Seinastu dagarnar hevur verið nógv frammi í donsku miðlunum um slóðbrótandi
viðgerð við heilivágnum donanemab móti Alzheimers. Ein 73 ára gamal dani kundi
ikki fáa heilivágin í Danmark, tí hann enn ikki er góðkendur har. Hann fór tí til
London at fáa viðgerð við heilivágnum donanemab á eini privatari klinikk. Aftaná
viðgerðina í London varð gjørd ein nýggj PET-skanning, ið vísti, at heilivágur virkaði
eftir ætlan. Kanningarnar vísa, at maðurin ikki longur hevur tekin um Alzheimer.
Higartil er demenssjúkan Alzheimer mett at vera ólekjandi. Men óvæntaða positiva
sjúkugongdin hjá 73 ára gamla danska manninum, sum omanfyri greitt frá, gevur
vónandi góðar vónir fyri framtíðar sjúklingar. Heilivágurin er góðkendur í EU, men
danska heilvágsráðið hevur enn ikki tikið støðu til, um hesin heilivágurin skal
góðkennast í Danmark. Spurningurin er tí, hvat vit gera í Føroyum og um neyðugt er
at bíða, inntil heilivágurin er góðkendur í Danmark. Um hesin heilivágurin kann
hjálpa fleiri Alzheimers sjúklingum, so er hetta vert at kanna nærri og fáa sett í verk
ongantíð ov skjótt.
Við hesum í huga loyvi eg mær at seta henda fyrispurning.
Á Løgtingi, 26. august 2026
Elsebeth Mercedis Gunnleygsdóttur

-- 1 of 1 --