52-020/2026

Skrivligur fyrispurningur
eftir § 52a í Tingskipanini
Spyrjari: Jenis av Rana, løgtingsmaður
Svarari: Eyðdis Hartman Niclasen, landsstýriskvinna í heilsumálum
Evni: Heilsumiðstøð og apotekið í Suðri
Spurningar:
1. Kann landsstýriskvinnan greiða frá, hvørjar ætlanir samgongan hevur
viðvíkjandi bygging av heilsumiðstøð og umvæling av apotekinum í Suðri?
Viðmerkingar:
Bæði undir viðgerðini av fíggjarlógini og í sambandi við onnur kjak á Løgtingi er
komið fram, at kommunur í Suðri hava ætlanir um bygging av læknamiðstøðum í
oynni.
Serliga var undir viðgerðini av ársins fíggjarlóg hvast kjak um ætlanirnar at brúka
eina tvísiffraða milliónaupphædd at umvæla gamla og soppafongda apoteksbygningin
á Tvøroyri. Fleiri mæltu staðiliga frá hesum, tí mett varð skilabest á allan hátt at
byggja nýtt apotek í einari nýggjari heilsumiðstøð.
Hesum ynskjum vísti táverandi landsstýriskvinnan avgjørd frá sær.
Nú onnur samgonga stjórnar Føroyum, og onnur landsstýriskvinna stjórnar
heilsuøkinum, loyvi eg mær at spyrja, um sitandi samgonga hevur aðrar ætlanir bæði
viðvíkjandi heilsumiðstøðum og apotekinum í Suðri, enn farna samgonga hevði. Og
um so er, hvørjar hesar ætlanir so eru.
Á Løgtingi, 25. august 2026
Jenis av Rana

-- 1 of 1 --