52-018/2026

Skrivligur fyrispurningur
eftir § 52a í Tingskipanini
Spyrjari: Hermann Ronnason Samuelsen, løgtingsmaður
Svarari: Jacob Vestergaard, landsstýrismaður í vinnumálum
Evni: Krøv fyri at fáa varandi uppihaldsloyvi í Føroyum
Spurningar:
1. Hvørji eru galdandi krøvini fyri, at ein útlendingur kann fáa varandi uppihaldsloyvi í
Føroyum?
2. Verða nøkur krøv sett viðvíkjandi føroyskum málførleika, tá útlendingar søkja um varandi
uppihaldsloyvi?
3. Um ikki, ætlar landsstýrismaðurin so at seta krøv um, at útlendingar skulu hava staðið eina
roynd í føroyskum sum annaðmál fyri at fáa varandi uppihaldsloyvi?
Viðmerkingar:
Landsstýrið hevur gjørt ítøkiligar ætlanir um at herða útlendingalógina. Millum annað ætlar
landsstýrið at herða krøvini til samfylgjandi familju fyri at tálma tí trýsti, sum tilflyting kann leggja
á vælferðarskipanir okkara.
Tó er ein grundleggjandi fortreyt fyri góðari integratión, at teir útlendingar, sum vit taka ímóti í
Føroyum, hava nøktandi møguleikar at læra føroyskt og gerast ein virkin partur av føroyska
samfelagnum.
Tað er tí vandi fyri, at ein miseydnaður integratiónspolitikkur kann elva til parallellsamfeløg, sum
kunnu leggja okkara felags virðir, livihættir og mentan undir óneyðugt trýst.
Við hesum í huga verða hesir spurningar settir landsstýrismanninum.
Á Løgtingi, 24. august 2026
Hermann Ronnason Samuelsen

-- 1 of 1 --