52-008/2026

V I N N U M Á L A R Á Ð I Ð
M I N I S T R Y O F T R A D E A N D I N D U S T R Y
GONGIN 7 • FO-100 TÓRSHAVN •
TELEFON 30 66 00 • E-MAIL: VMR@VMR.FO
Løgtingið
Tinghúsvegur 1-3
Postboks 208
110 Tórshavn
Tórshavn, tann: 24. august 2026
Mál.: 26/19691
Viðgjørt AE
Tygara skriv: 52-008/2026
Svar til skrivligan fyrispurning nr. 52-008/2026 frá Eiriki í Jákupsstovu, løgtingsmanni,
settur landsstýrismanninum í vinnumálum, Jacob Vestergaard, um asfaltering og liðugtgerð
Fyrispurningurin er soljóðandi:
1. Hvørjir vegir verða umvældir og asfalteraðir av nýggjum í ár?
2. Hvussu er metingin gjørd av hvørjir vegir skulu raðfestast við játtanini, sum er?
3. Hvørji atlit verða nýtt í metingini?
4. Hvønn leiklut hevur landsstýrisfólk í raðfestingini?
5. Hvør er metti kostnaðurin av at gera landsvegin millum Klaksvík og Norðoyri?
6. Hvør er metti kostnaðurin av at gera vegin lidnan millum tunnilsmunnan og bygdina í
Kunoy, og er hetta nakað, sum ætlanin er at fremja komandi árini?
7. Verður ein dagføring av vegnum til Fámjins raðfest hægri enn at til dømis at gera
byrgingina um Haraldssund lidna?
Svar til spurning 1
Í ár hevur Landsverk asfalterað vegin millum Norðasta Horn og Velbastað, vegin gjøgnum
Velbastað og ein part av vegnum gjøgnum Sands bygd. Talan er um tilsamans 5,5 km av vegi.
Ætlanin er eisini at asfaltera eitt vegastrekki á Hellunum. Tilboðini eru komin inn.
Svar til spurning 2 og 3
Landsvegakervið er 480 km. Í miðal eiga vegirnir at verða asfalteraðir umleið fimtanda hvørt ár.
Tað merkir, at landið átti at asfalterað umleið 30 kilometrar hvørt ár fyri at halda vegakervið í
góðum standi.
Síðan 2023 hevur asfaltering tó verið raðfest við egnari játtan á fíggjarlógini. Samanlagt eru 46 mió.
kr. játtaðar í tíðarskeiðinum 2023 – 2026, og 26 km. eru asfalteraðir. Harumframt eru einstøk ár
serstakar játtanir til asfaltering, eitt nú 4 mió. kr. til Elduvíkarvegin í 2025, har 4,5 km. vórðu
asfalteraðir, umframt at vegir verða asfalteraðir við nýgerð.
Í miðal kostar tað 2 mió. kr. at asfaltera 1 km. av vegi, og játtanin upp á 12 mió. kr. røkkur sostatt
bert til einar 6 km. um árið. Neyðugt verður at hækka játtanina til asfaltering næstu árini.
Landsverk metir javnan um støðuna á landsvegakervinum. Metingin verður gjørd av fakfólki, sum
eftirkanna øll vegastrekki og gera sínar niðurstøður. Í seinastuni hevur Landsverk eisini brúkt vitlíki
í sínum arbeiði. Myndir verða tiknar av vegum kring landið, og vitlíki greinar, hvørji vegastrekki

-- 1 of 2 --

V I N N U M Á L A R Á Ð I Ð
eru í vánaligum standi. Hetta er ein góður máti at fáa eitt yvirlit yvir alt vegakervið, og er eitt íkast í
arbeiðinum hjá Landsverki.
Landsverk raðfestir játtanina til asfaltering eftir í hvørjum standi vegirnir eru, nær asfalterað varð
seinast, og hvussu nógv ferðsla er á vegunum. Er nógv ferðsla á einum vegi, sum er illa farin,
verður hann skjótari niðurbrotin. Tað verður eisini mett um, hvørt tað loysir seg betri at asfaltera
eitt langt vegastrekki, heldur enn fleiri styttri strekki.
Svar til spurning 4
Landsstýrismaðurin tekur ikki lut í raðfestingini av, hvørjir vegir skulu umvælast og asfalterast.
Svar til spurning 5
Norðoyrarvegurin er 2,2 km. Tað kann verða neyðugt at dagføra gongubreytirnar, samstundis sum
vegurin verður asfalteraður. Tað verður mett til at kosta 3 mió. kr. at asfaltera vegin til Norðoyrar,
um gongubreytirnar eisini verða dagførdar. Sí eisini svar til fyrispurning nr. 52-104/2025 um
asfaltering av Oyrarvegnum.
Svar til spurning 6
Vegurin millum tunnilin og bygdina í Kunoy er liðugur. Áðrenn vegurin kann asfalterast, verður
neyðugt at avrætta hann nakað, umframt at onnur arbeiði mugu gerast samstundis, har m.a. eitt
rulluportur skal skiftast. Mett verður, at tað kostar millum 4 og 5 mió. kr. at asfaltera vegin.
Svar til spurning 7
Tá ein verkætlan verður gjørd, er sera umráðandi, at hon verður gjørd liðug. Tað er bæði bíligari og
betri.
Nú Fámjinstunnilin er komin, eigur allur vegurin til Fámjins at verða dagførdur. Tað ber til at
brúka grótið úr Fámjinstunlinum til at breiðka seinasta strekkið av vegnum. Landsstýrismaðurin
vónar, at undirtøka verður fyri at játta pening til endamálið.
Ferðsluviðurskiftini um Haraldssund skulu eisini vera í lagi. Íløgukarmurin er avmarkaður, men
vónandi ber til at raðfesta byrgingina um Haraldssund í langtíðarløguætlanini. Sí eisini svar til
fyrispurning nr. 52-112/2025 um vegasambandið um Haraldssund.
Jacob Vestergaard
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Eirikur í Jákupsstovu, løgtingsmaður
Svarari: Jacob Vestergaard, landsstýrismaður í vinnumálum
Evni: Asfaltering og liðugtgerð
Spurningar:
1. Hvørjir vegir verða umvældir og asfalteraðir av nýggjum í ár?
2. Hvussu er metingin gjørd av hvørjir vegir skulu raðfestast við játtanini, sum
er?
3. Hvørji atlit verða nýtt í metingini?
4. Hvønn leiklut hevur landsstýrisfólk í raðfestingini?
5. Hvør er metti kostnaðurin av at gera landsvegin millum Klaksvík og
Norðoyri?
6. Hvør er metti kostnaðurin av at gera vegin lidnan millum tunnilsmunnan og
bygdina í Kunoy, og er hetta nakað, sum ætlanin er at fremja komandi árini?
7. Verður ein dagføring av vegnum til Fámjins raðfest hægri enn at til dømis at
gera byrgingina um Haraldssund lidna?
Viðmerkingar:
Tað er ein sannroynd, at hóast játtanin til asfaltering hjá Landsverki varð hækkað í
seinasta samgonguskeiði, so er støðan framvegis soleiðis, at Landsverki ikki kemur
runt at asfaltera allastaðni, har tað er neyðugt. Tað merkir, at á hvørjum ári er neyðugt
at gera eina raðfesting inni í Landsverki, og henda raðfesting hevur ikki verið serliga
gjøgnumskygd.
Samstundis hoyra vit, at landsstýrismaðurin vil raðfesta vegin til Fámjins, har tunnil
júst er gjørdur, tí tað rætta er at gera tingini liðug, tá mann er onkustaðni. Tí eisini
spurningarnir um Kunoyarvegin og sambandið um Haraldssund. Bæði tvey
verkætlanir, sum ongantíð vórðu gjørdar lidnar.
Á Løgtingi, 13.08.2026
Eirikur í Jákupsstovu

-- 1 of 1 --