52-001/2026

HEILSU- OG ORKUMÁLARÁÐIÐ
Kopargøta 1 • FO-100 Tórshavn
Tel: +298 304050 • www.homr.fo • homr@homr.fo
Løgtingið 13. august 2026
Tinghúsvegur 1-3, Postboks 208 Mál: 26/19243-5
110 Tórshavn Tygara skriv:
Viðgjørt:
Svar
upp á
Fyrispurning nr. 52-001/2026 eftir § 52a í tingskipanini, um kommunulæknan í Vágum, frá
Jóhannis Joensen, løgtingsmanni
Spurningarnir vóru soljóðandi:
1. Nær væntar landstýriskvinnan, at nýggja kommunulæknaviðtalan verður sett?
2. Verður í setanartilgongdini arbeitt fyri, at kommunulæknaskipanin í Vágum eisini fevnir
um kvinnuligan kommunulækna?
Svar:
Til spurning 1
Samskifti hevur verið millum Heilsutrygd og Vága kommunu viðvíkjandi teimum hølum, har
nýggja læknaviðtalan skal halda til. Tann ætlan sum er løgd fyri tey hølir, sum skulu nýtast til
triðju viðtaluna (nýggju viðtaluna) er nýliga góðkend. Samskifti er eisini millum Heilsutrygd og
kommunulæknarnar í grannaviðtalunum um, hvussu samstarvið kann verða við nýggju viðtaluna.
Sambært Heilsutrygd er ætlanin at søkja eftir kommunulækna til nýggju viðtaluna í september í
ár.
Til spurning 2
Tá ið Heilsutrygd fer at lýsa eftir kommunulækna til nýggja starvið í Vágum, fara tey í
setanartilgongdini, og í samsvar við setanarpolitikk landsins, at leggja dent á, at seta tann
umsøkjaran, sum úr einum heildarsjónarmiði er best skikkaður til starvið og tað kann ikki verða
gjørdur munur á kyni í tí sambandi.

-- 1 of 2 --

HEILSU- OG ORKUMÁLARÁÐIÐ
Síða 2 av 2
Tað kann leggjast afturat, at við kunngerð nr. 102 frá 27. mai 2025 um heilsuøkir og
heilsumiðstøðir var farið frá gomlu skipanini við 9 læknadømum. Í staðin vórðu Føroyar
skipaðar í 5 heilsuøkir, sum samstundis merkir, at úrvalið av læknum, sum borgararnir kunnu
velja millum gerst størri.
Í gomlu skipanini við læknadømum, vóru læknadømini sera ymisk til støddar. Í tí minsta
læknadøminum vóru umleið 1.300 fólk, og í tí størsta vóru umleið 22.300 fólk. Tí var eisini sera
ymiskt, hvussu nógvar kommunulæknaviðtalur vóru í teimum ymisku læknadømunum. Fleiri av
læknadømunum vóru smá, og tað hevði við sær, at tað vóru sera avmarkaðir, og í summum
førum eingin møguleiki at velja lækna.
Heilsuøki 3 fevnir um Sørvágs kommunu, Vága kommunu, Vestmanna kommunu, Kvívíkar
kommunu, Sunda kommunu, Eiðis kommunu og Tórshavnar kommunu (tó bert Kollafjørð,
Signabø og Oyrareingir).
Í heilsuøki 3 eru í løtuni 6 kommunulæknaviðtalur. Ein er mannað við
kommunulæknaavloysarum, tríggjar eru mannaðar við mannligum kommunulæknum, og tvær
eru mannaðar við kvinnuligum kommunulæknum. Annar av kvinnuligu kommunulæknunum
starvast við Norðskála, og hin í Kollafirði.
Tað ber til hjá øllum, sum eru búsitandi í heilsuøki 3, at velja onkran av kommunulæknunum í
heilsuøkinum, og tískil eisini kvinnuligan kommunulækna.
Heilsu- og orkumálaráðið, 13. august 2026
Eyðdis Hartmann Niclasen
landsstýriskvinna

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Jóhannis Joensen, løgtingsmaður
Svarari: Eyðdis Hartmann Niclasen, landsstýriskvinna í heilsu- og orkumálum
Evni: Kommunulæknin í Vágum
Spurningar:
1. Nær væntar landstýriskvinnan, at nýggja kommunulæknaviðtalan verður sett?
2. Verður í setanartilgongdini arbeitt fyri, at kommunulæknaskipanin í Vágum
eisini fevnir um kvinnuligan kommunulækna?
Viðmerkingar:
Undanfarna samgonga saman við fíggjarnevndini játtaði fígging til eina nýggja
kommunulæknaviðtalu í Vágum. Kommunurnar hava riggað hølir til, men hóast tað er
arbeiðið enn ikki komi so langt, at viðtalan er tikin í nýtslu.
Í dag eru tveir mannligir kommunulæknar knýttir at læknaviðtalunum í Vágum. Fleiri
borgarar hava víst á ynski um eisini at hava møguleika at velja kvinnuligan
kommunulækna, og tí er viðkomandi at spyrja, um og hvussu landstýriskvinnan ætlar
at tryggja hendan møguleikan.
Sambært teimum upplýsingum, sum fyrr hava verið givnir, var ætlanin, at viðtalan
skuldi verða klár í 2026. Tí er viðkomandi at fáa greiðu á, nær hon verður mannað. Tí
verða hesir spurningar settir landstýriskvinnuni.
Á Løgtingi, 3. august 2026
Jóhannis Joensen

-- 1 of 1 --