52-128/2025

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 1. juli 2026
J. nr.: 26/16182
Svar uppá grein 52a fyrispurning nr. 52-128/2025 frá Steffani Klein Poulsen,
løgtingsmanni, settur Akseli V. Johannesen, landsstýrismanni í fíggjarmálum, um at
javnstilla akfør í vegskattinum.
Spurningurin er soljóðandi:
1. Fer landsstýrismaðurin at leggja uppskot fram fyri Løgtingið, sum javnstillar el- og
vetnisbilar við aðrar bilar í vegskattinum?
2. Um ja, nær verður eitt tílíkt uppskot lagt fram?
3. Um nei, hvør er so orsøkin til hetta?
Svar til spurningar nr. 1-3:
Sambært serfrøðingum á Landsverki hongur slitið á vegirnar saman við ástrýstinum á akfarinum,
og tí vilja bilar, ið hava hægri ástrýst vanliga slíta meir uppá asfaltið á vegnum. Ástrýstið er ikki
so nógv hægri fyri el-bilar enn fyri bensin- ella diesel-bilar, at orsøk er at halda, at tað gevur
meira slit á vegirnar. Tað er serliga ástrýstið frá lastbilum og trailarum sum gevur meira vegslit.
Í løtuni eru tað serliga persónbilar, ið verða umlagdir til el, men tá ið lastbilarnir eisini fara at
vera lagdir yvir til el, so kunnu vit fáa aðrar avbjóðingar við ástrýstunum frá teimum el-drivnu
lastbilunum.
Við verandi veggjøldum fara inntøkurnar av vegskatti at minka so hvørt sum talið av elbilum
økist. Neyðugt verður at endurskoða alla avgjaldsskipanina fyri akfør soleiðis vit tryggja eina
burðardygga og javnari skipan og at vit eisini taka atlit til bæði slit á vegakervið og at røkka
málinum innan orku- og veðurlagsøkið.
Tað er umráðandi, at tillagingin er trygt grundað og er partur av eini heild, og málið verður tí
viðgjørt í einum breiðari høpi.
Fíggjarmálaráðið, 1. juli 2026
Aksel V. Johannesen
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Aksel V. Johannesen, landsstýrismaður í fíggjarmálum
Evni: Javnstilla akfør í vegskattinum
Spurningar:
1. Fer landsstýrismaðurin at leggja uppskot fram fyri Løgtingið, sum javnstillar
el- og vetnisbilar við aðrar bilar í vegskattinum?
2. Um ja, nær verður eitt tílíkt uppskot lagt fram?
3. Um nei, hvør er so orsøkin til hetta?
Viðmerkingar:
Tað koma alsamt fleiri elbilar á vegirnar í Føroyum. Sambært tølum hjá Akstovuni frá
1. juni 2026 so vóru 3.119 elbilar skrásettir av tilsamans 28.411 persónbilum, svarandi
til umleið 11% av persónbilunum í Føroyum.
Elbilar rinda bert 1.500 kr. í vegskatti, sum er á leið ein triðingur av tí, sum aðrir
persónbilar rinda í miðal. Samstundis kann staðfestast, at elbilar eru munandi tyngri
enn aðrir persónbilar. Hetta viðførir eitt enn størri slit á okkara vegakervi – sum longu
nú krevur munandi viðlíkahald – so hvørt talið av elbilum veksur.
Á Løgtingi, 17. juni 2026
Steffan Klein Poulsen

-- 1 of 1 --