52-103/2025

V I N N U M Á L A R Á Ð I Ð
M I N I S T R Y O F T R A D E A N D I N D U S T R Y
GONGIN 7 • FO-100 TÓRSHAVN •
TELEFON 30 66 00 • E-MAIL: VMR@VMR.FO
Løgtingið
Tinghúsvegur 1-3
Postboks 208
110 Tórshavn
Tórshavn, tann: 8. mai 2026
Mál.: 26/11294
Viðgjørt AE
Tygara skriv: 52-103/2025
Svar til skrivligan fyrispurning nr. 52-103/2025 frá Helga Abrahamsen, løgtingmanni, settur
landsstýrismanninum í fíggjarmálum, Jacob Vestergaard, um brúnna um Fjarðará
Fyrispurningurin er soljóðandi:
1. Er ætlanin at gera eina nýggja brúgv um Fjarðará í Skálafirði?
2. Hvussu nógv kann roknast við, at ein møgulig nýggj brúgv fer at kosta?
3. Hvørja ávirkan hevur tað fyri møguleikarnar at gera ein nýggjan veg omanfyri bygdina í
Skálafirði, um nógvir pengar verða brúktir til ábøtur á verandi veg?
Svar til spurning 1
Ja, ætlanin er at gera brúnna um Fjarðará í Skalafirði. Útboðstilfarið er nærum liðugt, og
verkætlanin verður boðin út sum heildararbeiðstøka í næstum, væntandi innan fyri ein mánað.
Svar til spurning 2
Landsverk metir, at brúgvin um Fjarðará kostar 10 mió. kr., og 10 mió. kr. eru játtaðar á
fíggjarlógini í 2026 til at gera brúnna.
Svar til spurning 3
Verandi brúgv má skiftast út, tí standurin er so ringur. Brúgvin verður burturbeind, og nýggj
tvísporað brúgv við gongubreyt verður gjørd sama stað. Verkætlanin broytir ikki vegastrekkið. Bert
smærri tillagingar verða gjørdar báðu megin brúnna, so til ber at brúka brúnna.
Landsverk arbeiðir miðvíst við at betra um umstøðurnar hjá ábærari ferðslu. Tí er gongubreyt á
sjálvari brúnni við í verkætlanini. Størri tillagingar av vegastrekkinum og nýgerð av gongubreytum
ella gongugøtum krevur hægri játtan. Í hesum umfari verða eingir pengar nýttir til ábøtur á verandi
vegi.
Verkætlanin ávirkar ikki møguleikarnar fyri at gera ein umkoyringarveg omanfyri bygdina. Tað er
ein heilt onnur verkætlan, sum eisini er væl dýrari. Brúgvin um Fjarðará mátti gerast, líka mikið um
vegur verður gjørdur omanfyri bygdina ella ikki.
Jacob Vestergaard
landsstýrismaður

-- 1 of 2 --

V I N N U M Á L A R Á Ð I Ð

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Helgi Abrahamsen, løgtingsmaður
Svarari: Jacob Vestergaard, landsstýrismaður í vinnumálum
Evni: Brúgvin um Fjarðará
Spurningar:
1. Er ætlanin at gera eina nýggja brúgv um Fjarðará í Skálafirði?
2. Hvussu nógv kann roknast við, at ein møgulig nýggj brúgv fer at kosta?
3. Hvørja ávirkan hevur tað fyri møguleikarnar at gera ein nýggjan veg omanfyri
bygdina í Skálafirði, um nógvir pengar verða brúktir til ábøtur á verandi veg?
Viðmerkingar:
Landsverk hevur í nógv ár víst á, at nógvar brúgvar í Føroyum eru í ringum standi.
Brúgvin um Fjarðará í Skálafirði hevur verið nevnd sum dømi um eina brúgv, sum er í
sera ringum standi.
Nú ljóðar at brúgvin skal skiftast út, men samtíðis er ein onnur eldri ætlan um at gera
nýggjan veg uttanum bygdina. Tann ætlanin hevur verið parkerað í nógv ár.
Hesin spurningurin verður settur fyri at vita, hvørja ávirkan tað kann hava á ætlanina
um at gera ein nýggjan veg, um nógvir pengar verða brúktir til at bøta um verandi
veg.
Á Løgtingi, 28. apríl 2026
Helgi Abrahamsen

-- 1 of 1 --