52-078/2025

B A R N A - O G Ú T B Ú G V I N G A R M Á L A R Á Ð I Ð
J. H. Schrøtersgøta 7 • FO-100 Tórshavn • Tel: +298 306500 • bumr@bumr.fo
Løgtingið 28. januar 2026
Tinghúsvegur 1-3 Mál: 22/22133-152
100 Tórshavn Viðgjørt: HW
Svar
upp á
skrivligan fyrispurning nr. 52-078/2025, eftir § 52a í Tingskipanini, frá Jenisi av Rana,
løgtingsmanni, settur Djóna Nolsøe Joensen, landsstýrismanni í barna- og útbúgvingarmálum,
um Holocaustdagin.
Spurningurin er soljóðandi:
1. Verður altjóða Holocaustdagurin hildin í føroyska undirvísingarverkinum hin 27. januar í ár?
2. Um tiltakið ikki verður hildið sum vanligt, hvør er so orsøkin til hetta?
Svar
Til 1: Ja, altjóða Holocaustdagurin verður hildin hin 27. januar í ár.
Dagurin er ásettur sum almennur minningardagur við løgtingssamtykt frá 2019, og virkað verður
fyri, at allir fólka- og miðnámsskúlar arbeiða við evninum Holocaust henda dagin.
Í ár verður dagurin skipaður øðrvísi, har dentur er lagdur á, at skúlarnir sjálvir arbeiða við evninum.
Nám hevur í hesum sambandi savnað og gjørt viðkomandi undirvísingartilfar um Holocaust og
onnur fólkadráp. Tilfarið er lagt á undirvísingarportalin Snar og er tøkt hjá bæði fólka- og
miðnámsskúlum.
Til 2: Nám hevur árini frammanundan skipað fyri tiltøkum í sambandi við Holocaustdagin, men
Nám røkkur ikki øllum næmingum á sama hátt sum skúlarnir, og tí verður henda royndin gjørd í ár,
men framvegis við áherðslu á at veita kunnleika um Holocaust og fólkadráp.
Umráðandi er, at skúlarnir skipa undirvísing um Holocaust, soleiðis at so nógvir næmingar, sum til
ber, ogna sær innlit í evnið.

-- 1 of 2 --

B A R N A - O G Ú T B Ú G V I N G A R M Á L A R Á Ð I Ð
J. H. Schrøtersgøta 7 • FO-100 Tórshavn • Tel: +298 306500 • bumr@bumr.fo
2/2
Tað hevur stóran týdning, at vit sum skúlaverk varpa ljós á Holocaust og fólkadráp, soleiðis at vit
sum menniskju og samfelag læra av søguni, og økja um tilvitið og fatanina av teimum ræðuligu
avleiðingum, sum kunnu standast av kríggi, ótolsemi og fordómum.
Vinarliga
Djóni Nolsøe Joensen
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Jenis Kristian av Rana, løgtingsmaður
Svarari: Djóni Nolsøe Joensen, landsstýrismaður í barna- og útbúgvingarmálum
Evni: Holocaustdagurin 27. januar
Spurningar:
1. Verður altjóða Holocaustdagurin hildin í føroyska undirvísingarverkinum hin
27. januar í ár?
2. Um tiltakið ikki verður hildið sum vanligt, hvør er so orsøkin til hetta?
Viðmerkingar:
1. novembur 2005 samtykti alheimsfelagsskapurin ST, at 27. januar skuldi verða
altjóða minningardagur um Holocaust undir seinna heimsbardaga - og onnur
fólkadráp. Eisini heitti ST á heimsins lond um at samtykkja hendan dagin sum
almennan minningardag. Dagurin 27. januar varð valdur, tí henda dagin náddu fyrstu
frælsu herdeildirnar til Auschwitz og fríaðu teir 9.000 fangarnar, sum enn vóru eftir á
lívi.
Síðani Løgtingið, hin 3. mai 2019, samtykti 27. januar at verða almennan føroyskan
minningardag fyri Holocaust og onnur fólkadráp, hevur dagurin verið ein týðandi
dagur í føroyska undirvísingarverkinum. Hendan dagin hava skúlar kring landið
arbeitt við søguligum, siðbundnum og fólkaliga týdninginum av Holocaust og øðrum
fólkadrápum, og er endamálið m.a. lýst at vera:
• at styrkja førleikarnar hjá næmingum at skilja, hvussu fordómar, ótolsemi
og radikalisering kunnu vaksa fram
• at ávara móti hugburði og atburði, sum kann føra til fólkadráp
• at menna undirvísing og undirvísingartilfar, sum kann forða fyri fólkadrápi
• at avdúka og forða fyri avnokting av Holocaust og fólkadrápi
• at menna virðing fyri mannarættindum.
Lítið og einki hevur verið at hoyrt um ársins tiltak, sum annars vanliga er vorðið væl
lýst og kunngjørt frammanundan. Tó hoyrist nú millum manna, at onki tiltak er sett á
skrá í ár, og at dagurin tí verður av ongum.
Fyri at tryggja opinleika, greidleika og fakligan tryggleika í undirvísingarverkinum
verða hesir fyrispurningar settir.
Á Løgtingi, 26. januar 2026
Jenis Kristian av Rana

-- 1 of 2 --



-- 2 of 2 --