52-072/2025

UTTANRÍKIS- OG MENTAMÁLARÁÐIÐ
Tinganes • FO-100 Tórshavn
Tel. (+298) 35 87 00 • ummr@ummr.fo • www.ummr.fo
Tórshavn, tann 31. januar 2026
J. nr.: 26/01778
Svar
upp á
skrivligan fyrispurning nr. 52-072/2025 eftir § 52 a í Tingskipanini frá Bárði á Lakjuni,
løgtingsmanni, um útlendska arbeiðsmegi og tilflytarar í Føroyum
Fyrispurningurin er soljóðandi:
1. Hvussu nógvir útlendingar hava arbeiðs- og/ella uppihaldsloyvi í Føroyum í dag?
2. Júst hvørjum londum kemur útlendska arbeiðsmegin úr, hvussu nógv koma úr hvørjum
landi sær, og hvussu langt áramál hava tey verið her?
3. Hvussu stórt er talið á samfylgjandi familju, og hvørjum londum koma hesi úr?
4. Hvørjar eru treytirnar fyri at fáa samfylgjandi familju til Føroya?
5. Hvussu nógvir útlendingar eru komnir á føroyska arbeiðsmarknaðin, síðani Fast Track-
skipanin varð sett í gildi, og hvørjum vinnugreinum arbeiða hesi í?
Svar til spurning 1
Útlendingastovan upplýsir fyri mær, at hon í 2025 lat tilsamans 1998 loyvir til uppihald í
Føroyum, býtt millum 1301 upprunaloyvi, 666 framlongd uppihaldsloyvi og 31 varandi
uppihaldsloyvi. Teir útlendingar, sum áður hava fingið varandi uppihaldsloyvi ella við tíðini
hava søkt um og fingið danskan ríkisborgararætt, finnast ikki í aktuellu tølunum. Tøl hjá
Landsfólkayvirlitinum, sum Útlendingastovan hevur móttikið, vísa, at pr. oktober 2025 búðu
2605 útlendingar í Føroyum.
Niðanfyristandandi talva vísur hagtøl fyri uppruna uppihaldsloyvir latin fyri árini 2016-2025.
Upprunaloyvi eru uppihaldsloyvi givin fyrstu ferð til ein einstakling. Fyrivarni verður tikið fyri,
at tølini eru tikin úr eini málsviðgerðarskipan og ikki eini hagtalsskipan. Tølini vísa
uppihaldsloyvir latin árliga, og nøkur fyrivarni skulu takast, tí tølini vísa avgerðir um
uppihaldsloyvir og ikki endiliga tilflyting ella búseting í Føroyum.

-- 1 of 5 --

UMHVØRVISMÁLARÁÐIÐ
Ministry of Environment
2/5
Á arbeiðsøkinum kann eitt upprunaloyvi tó vera givið einum og sama persóni meiri enn eina
ferð yvir eitt tíðarskeið, til dømis tí starvsviðurskifti broytast, ella tí talan er um árstíðarbundið
arbeiði. Viðmerkjast skal, at talan her er um eitt avmarkað tal. Ein gjøgnumgongd fyri 2025
vísur, at hetta tal var áleið 6% av teimum 526 Fast Track-loyvunum tað árið.
Talva – upprunaloyvir: 2016-2025
Fast
Track
ES-
lógin
Vanliga
útlendingalógin Ítróttaravtalan
Familju
sameining
Samfylgjandi
familja 	Samlað
2016 	0 	125 	18 	13 	76 	19 	251
2017 	0 	240 	55 	17 	62 	31 	405
2018 	0 	424 	75 	30 	50 	35 	614
2019 	0 	653 	161 	32 	73 	53 	972
2020 	0 	588 	132 	44 	71 	39 	874
2021 	60 	620 	176 	45 	64 	48 	1013
2022 	635 	839 	21 	62 	59 	118 	1734
2023 	372 	699 	144 	51 	66 	125 	1457
2024 	421 	547 	70 	45 	63 	68 	1214
2025 	526 	476 	123 	52 	48 	37 	1262
*Serlógin fyri persónar úr Ukraina er ikki við í hesi uppgerð, áleið 250
upprunaloyvir eru latin ukrainum eftir serlógini.
Svar til spurning 2
Útlendingastovan yvirtók avgerðarmyndugleikan viðvíkjandi arbeiðs- og uppihaldsloyvum
tann 1. september 2024. Niðanfyri standandi talvur vísa tølini viðvíkjandi tjóðskapi fyri
tíðarskeiðið 1. september 2024 til 23. januar 2026 í sambandi við latin upprunaloyvir eftir Fast
Track skipanini, ES-lógini og vanligu útlendingalógini.
Fast Track, samlað, upprunaloyvir: 694
10 og yvir: 	5 til 9:
Færri enn 5
loyvir:
Filipsoyggjar 	243 	Ethiopia 	9 	Albania 	Lettland
Indonesia 	83
Fílabeinsst
rondin 	6 	Algeria 	Litava
Kambodia 	49 	Meksiko 	8 	Argentina 	Makedonia
Nepal 	38 	Serbia 	8 	Avstralia 	Madagaskar
Nigeria 	23 	Pakistan 	6 	Bangladesh 	Marokko
India 	24 	Statsleys 	5
Bosnia og
Hersegovina 	Niðurlond
Teiland 	24 	Turkaland 	5 	Kamerun 	Peru

-- 2 of 5 --

UMHVØRVISMÁLARÁÐIÐ
Ministry of Environment
3/5
Gana 	22 	Brasilia 	7 	Kanada 	Portugal
Tunisia 	18 	USA 	5 	Kili 	Romenia
Kenja 	19 	Kolombia 	Russland
Ukraina 	10 	Egyptaland 	Sri Lanka
Kirgistan 	11 	Gambia 	Sveiss
Slovenia 	11 	Stórabretland 	Tajikistan
Honduras 	Uganda
Iran 	Venesuela
ES-lógin, samlað, upprunaloyvir: 625
Yvir 20: 	10 til 20: 	5 til 9:
Færri enn
5:
Romenia 	185 	Kekkia 	19 	Ungarn 	9 	Niðurlond
Pólland 	140 	Bulgaria 	17 	Grikkaland 	7 	Belgia
Lettland 	94 	Estland 	17 	Spania 	5 	Írland
Slovakia 	33 	Týskland 	12
Litava 	29 	Frakland 	11
Portugal 	26 	Slovenia 	10
Vanliga útlendingalógin, samlað, upprunaloyvir: 129
5 og yvir: 	Færri enn 5:
Pólland 	23 	Egyptaland Italia
Indonesia 	12 	Albania 	Niðurlond
Stórabretland 	8 	Avstralia 	Russland
Kanada 	6 	Kina 	Spania
Grikkaland 	6 	Týskland Sri Lanka
Ukraina 	6
USA 	5
Svar til spurning 3
Talva 1 vísir hagtøl fyri upprunaloyvir latin í árunum 2016-2025 til samfylgjandi familju. Talva
2 vísir hvørjir tjóðskapir talan var um í tíðarskeiðnum, har Útlendingastovan hevur havt
avgerðarmyndugleikan, tvs. síðani 1. september 2024.
Tølini í talvu 1 fyri upprunaloyvir til samfylgjandi familju vísa, at síðani núverandi landsstýrið
á heysti 2023 setti inntøkukrøv til útlendskar arbeiðstakarar, sum ynskja familju sína við sær til
Føroyar, er talið á upprunaloyvum til samfylgjandi familju lækkað munandi frá
49/hjúnafeløgum/samlivum í 2023 til 18 og 16 hjúnafelagar/samlivar í ávikavist 2024 og 2025.

-- 3 of 5 --

UMHVØRVISMÁLARÁÐIÐ
Ministry of Environment
4/5
Í sama tíðarskeiði er talið av upprunaloyvum til samfylgjandi børn lækkað frá 76 børnum í 2023
til 51 og 31 børn í ávikavist 2024 og 2025.
Talva 1 – Samfylgjandi familja (arbeiði) – 2016 til 2025
Hjúnafelagar
o.a. 	Børn
2016 	6 	13
2017 	16 	15
2018 	15 	20
2019 	23 	30
2020 	20 	19
2021 	26 	20
2022 	40 	78
2023 	49 	76
2024 	18 	51
2025 	16 	31
Samlað 	229 	353
Talva 2 – Tjóðskapir, samfylgjandi familja, upprunaloyvir (01.09.2024 – 23.01.2026)
Tjóðskapur Upprunamál Framleingjan Tilsamans
Filipsoyggjar 	16 	10 	26
Rumenia 	0 	6 	6
Kina 	3 	0 	3
Nepal 	3 	0 	3
Pakistan 	3 	0 	3
Onnur* 	11 	27 	38
Samlað 	36 	43 	79
*Undir hesum eru hesi londini umboðaði: Albania, Argentina, Bulgaria, Gana, Grikkaland,
Kroatia, India, Írland, Kenja, Lettland, Pólland, Rumenia, Russland, Serbia, Teiland, Tunesia.
Útlendingastovan yvirtók avgerðarmyndugleika 1. september 2024. Tølini viðvíkjandi
tjóðskapi eru fyri tíðarskeiðið 1. september 2024 til 23. januar 2026.
Svar til spurning 4
Fyri at ein útlendingur við uppihaldsloyvi grundað á arbeiði í Føroyum kann fáa familju sína
við hendan vegin, er tað m.a. ein treyt, at útlendingurin skal kunna uppihalda familju sínari
fíggjarliga. Hin 2. september 2023 setti landsstýrið inntøkukrøv í málum um samfylgjandi
familju, sum útlendingurin skal skjalprógva at lúka, fyri at familja hansara kann fáa
uppihaldsloyvi í Føroyum eftir reglunum um samfylgjandi familju.

-- 4 of 5 --

UMHVØRVISMÁLARÁÐIÐ
Ministry of Environment
5/5
Um ein hjúnarfelagi ella samlivi søkir um uppihaldsloyvi sum samfylgjandi familja, skal
herbúgvandi útlendingur skjalprógva, at hann/hon hevur eina mánaðarliga lønarinntøku á
38.629,06 kr. (2026-støði).
Er talan um ein hjúnafelaga og eitt barn, sum bæði søkja um uppihaldsloyvi sum samfylgjandi
familja, skal herbúgvandi útlendingur skjalprógva, at hann/hon hevur eina mánaðarliga
lønarinntøku á 44.343,88 kr. (2026-støði). Eru fleiri enn eitt barn, sum søkja um uppihaldsloyvi
sum samfylgjandi familja, hækkar áðurnevnda inntøkukravið við 1.480,42 kr. fyri hvørt barnið
(upp til í mesta lagi 48.785,13 kr.).
Er talan einans um eitt barn, sum søkir um uppihaldsloyvi sum samfylgjandi familja, skal
herbúgvandi útlendingur skjalprógva, at hann/hon hevur eina mánaðarliga lønarinntøku á
31.710,81 kr. (2026-støði). Eru fleiri enn eitt barn, sum søkja um uppihaldsloyvi sum
samfylgjandi familja, hækkar áðurnevnda inntøkukravið við 3.667,75 kr. fyri hvørt barnið (upp
til í mesta lagi 42.714,06 kr.).
Svar til spurning 5
Í talvuni í svarinum til spurning 1 sæst, hvussu nógvir útlendingar hava fingið uppruna
arbeiðsloyvi á føroyska arbeiðsmarknaðinum, síðani Fast Track-skipanin kom í gildi í 2021.
Talvan vísur, at 60 persónar hava fingið upprunaloyvi eftir Fast Track-skipanini í 2021, 635
persónar í 2022, 372 persónar í 2023, 421 persónar í 2024 og 526 persónar í 2025.
Útlendingastovan hevur tíverri ikki tøl fyri, hvørjum vinnugreinum útlendingarnir arbeiða í,
men upplýsir, at fiskavirkir og gistingarhús eru væl umboðað, tá tosað verður um Fast Track,
eins og fiskiveiðuvinnan er væl umboðað.
Útlendingastovan gjørdi í 2022 og 2023 eina uppgerð yvir vinnugreinar og Fast Track. Fyrivarni
skal takast fyri tølunum, men uppgerðin gevur tó eina greiða ábending um, hvørjir
arbeiðsgevarar hava gagnnýtt skipanina.
Arbeiðs- og uppihaldsloyvi innan Fast Track, eftir vinnugeira (pr. nov. 2022):
1 	Matvøruídnaðurin (fiskavirki o.a.) 	260
2 	Gistingarhús- og matstovuvinnan 	169
3 	Fiskivinna 	85
Uttanríkis- og mentamálaráðið, tann 31. januar 2026
Sirið Stenberg
landsstýriskvinna

-- 5 of 5 --

Skrivligur fyrispurningur
eftir § 52a í Tingskipanini
Spyrjari: Bárður á Lakjuni, løgtingsmaður
Svarari: Sirið Stenberg, landsstýriskvinna í uttanríkis- og mentamálum
Evni: Útlendsk arbeiðsmegi og tilflytarar í Føroyum
Spurningar:
1. Hvussu nógvir útlendingar hava arbeiðs- og/ella uppihaldsloyvi í Føroyum í
dag?
2. Júst hvørjum londum kemur útlendska arbeiðsmegin úr, hvussu nógv koma úr
hvørjum landi sær, og hvussu langt áramál hava tey verið her?
3. Hvussu stórt er talið á samfylgjandi familju, og hvørjum londum koma hesi
úr?
4. Hvørjar eru treytirnar fyri at fáa samfylgjandi familju til Føroya?
5. Hvussu nógvir útlendingar eru komnir á føroyska arbeiðsmarknaðin, síðani
Fast Track-skipanin varð sett í gildi, og hvørjum vinnugreinum arbeiða hesi í?
Viðmerkingar:
Í eitt longri tíðarskeið hevur arbeiði verið til meiri enn allar hendur á føroyska arbeiðs-
marknaðinum, og tískil hevur tørvurin á arbeiðsmegi verið stórur – og hann sýnist
framvegis at vera tað. Fast Track-skipanin varð sett í gildi í november 2021, og ætlanin
við hesi skipan er at nøkta ein bráðfeingis tørv á arbeiðsmegi hjá føroyskum arbeiðs-
gevarum. Skipanin gevur skjóta og lætta atgongd til Føroya til fólk úr øllum heiminum.
Hóast henda snarskipan hevur sum aðalmál at fáa útlendingar higar at arbeiða, so er
nógv, sum týðir upp á, at tey ikki eru so fá, sum hava fingið samfylgjandi familju
hendavegin eisini. Sammett við stóru verð, so eru Føroyar fámentar, lítlar og sárbærar.
Undanfarin ættarlið hava bygt okkum eitt vælferðarsamfelag, sum er gott, frælst og
trygt at liva í. Av tí at vit eru so fá og smá, so skulu ikki serliga stórar broytingar henda
í fólkasamansetingini, til at vit byrja at merkja og síggja tær. Og tað bendir á, at vit
síggja tær.
Fólkaskúlin er settur undir eyka trýst, tí næmingatalið á teimum, ið ikki hava føroyskt
sum sítt fyrsta mál, er vaksið nógv. Hetta skapar avbjóðingar í vanliga samskiftinum í
skúlanum og ikki minst millum heim og skúla. Bæði tá tað kemur til mál og mentan.
Sama ger seg galdandi á barnaansingarøkinum. Aðrastaðni í samfelagnum síggja vit, at
vit javnan verða noydd at samskifta á enskum, tí tey eru ikki so fá, sum ikki duga
føroyskt. Eisini vísti Barnaverndarstovan í frágreiðing síni fyri 2023 á, at talið av
barnaverndarmálum við útlendskum børnum (uttanfyri Norðurlond) er yvirumboðað
samanborið við føroysk. Felags fyri hesi barnaverndarmál er, at tey “eru trupul at
handfara vegna forðingar orsakað av málsligum- og mentanarligum muni”, sum
frágreiðingin sigur.

-- 1 of 2 --

Fyri at fáa greiði á nøkrum viðurskiftum, tá um útlendska arbeiðsmegi og tilflytarar í
Føroyum ræður, verða hesir spuningar settir avvarðandi landsstýrisfólki.
Á Løgtingi, 20. januar 2026
Bárður á Lakjuni

-- 2 of 2 --