52-016/2025

Dagf. 24. september 2025
HMR j. nr. 25/24594-3
Súsanna Bertholdsen
landsstýriskvinna
Svar
upp á
Fyrispurning nr. 52-016/2025 eftir § 52a í tingskipanini um sjúklingahotellið í
Keypmannahavn, frá Bárði á Steig Nielsen, løgtingsmanni
Spurningarnir vóru soljóðandi:
1. Hvør er ætlanin hjá landsstýrinum við sjúklingahotellinum í Keypmannhavn?
2. Er landsstýrið sinnað at samstarva við donsku stjórnina um at víðka um sjúklingahotellið?
Svar:
Til spurning 1
Í longri tíð hevur tað víst seg, at sjúklingahotellið í Keypmannahavn er ov lítið í mun til verandi
tørv. Tað kemur við jøvnum millumbili fyri, at hotellið er fult, og neyðugt er at leiga hotellkømur í
býnum. Hetta er ikki nøktandi fyri nakran, hvørki sjúklingar, avvarðandi ella sjúklingahotellið.
Hóast hesar avbjóðingar, verður tað áhaldandi arbeitt við at gera umstøðurnar so góðar sum gjørligt.
Millum annað kann nevnast, at tað nú eru tveir bussar, sum koyra sjúklingar og avvarðandi, sum ger
flutningin bæði lættari og smidligari.
Tað er staðfest, at tað ikki er møguligt at økja kapasitetin á sjúklingahotellinum ella í bygninginum,
har sjúklingahotellið húsast í dag. Tí er Heilsumálaráðið, saman við Sjúkrahúsverkinum, farið undir
at kanna, hvørjir møguleikar eru fyri at útvega sjúklingahotellinum í Keypmannahavn størri hølir,
sum kunnu nøkta verandi og framtíðar tørvin.
Til spurning 2
Eftir at hava fingið heimild frá landsstýrinum, hevur Heilsumálaráðið samskift við
Transportministeriet, sum hevur víst á eitt møguligt grundøki tætt við Ríkissjúkrahúsið, sum kundi
verið nýtt til sjúklingahotell.

-- 1 of 2 --

Í samráð og við heimild frá Transportministeriet, hevur Heilsumálaráðið, saman við
Sjúkrahúsverkinum og Fíggjarmálaráðnum, havt ein innleiðandi fund við Bygningsstyrelsen í síðstu
viku. Á fundinum vórðu umrøddir møguleikar fyri ráðgeving og samstarvi í sambandi við útvegan
av nýggjum sjúklingahotelli í Keypmannahavn.
Heilsumálaráðið, 24. september 2025
Súsanna Bertholdsen
landsstýriskvinna

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Bárður á Steig Nielsen, løgtingsmaður
Svarari: Súsanna Bertholdsen, landsstýriskvinna í heilsumálum
Evni: Sjúklingahotellið í Keypmannahavn
Spurningar:
1. Hvør er ætlanin hjá landsstýrinum við sjúklingahotellinum í Keypmannhavn?
2. Er landsstýrið sinnað at samstarva við donsku stjórnina um at víðka um
sjúklingahotellið?
Viðmerkingar:
Sjúklingahotellið í Keypmannahavn hevur í longri tíð havt plássmangul, og trupult hevur
verið at húsa teimum sjúklingum og avvarðandi, ið hava havt tørv á tí. Tí er ynskiligt at fáa
upplýst, hvørja ætlan landsstýrið hevur at loysa hendan trupulleikan, og somuleiðis um
landsstýrið er sinnað at samstarva vit donsku stjórnina um hetta málið.
Á Løgtingi, 12. september 2025
Bárður á Steig Nielsen

-- 1 of 1 --