52-112/2024

LØGMÁLARÁÐIÐ
M I N I S T R Y O F J U S T I C E
Gongin 7 • Postrúm 377 • FO-110 Tórshavn
 (+298) 35 80 80 •  lmr@lmr.fo • www.lmr.fo
Løgtingið
Tinghúsvegur 1-3
Postrúm 208
110 Tórshavn
Tórshavn, tann 1. juli 2007
J. nr.: 25/15435-3
Svar
upp á
fyrispurning nr. 52-112/2024 eftir § 52 a í tingskipanini um logning í Føroyum frá Steffani
Klein Poulsen, løgtingsmanni.
Spurningarnir vóru soljóðandi:
1. Verður arbeitt við at seta reglur í gildi, sum svara til reglurnar í donsku
“logningsbekendtgørelsen”?
2. Um ja, hvat restar í fyri at koma á mál við hesum?
3. Um nei, hvør er orsøkin til, at landsstýrismaðurin ikki ynskir at seta tílíkar reglur í gildi?
Svar:
Til spurning 1:
Løgmálaráðið arbeiðir við málinum at seta í gildi reglur um logning í Føroyum.
Arbeitt verður við at seta í gildi eina skipan, sum hevur við sær, at fjarskiftisfyritøkur skulu
skráseta og goyma upplýsingar um nýtsluna hjá endabrúkarum á internetinum, t.d. IP-adressur.
Slík skipan kann setast í gildi í Føroyum við at seta í gildi kunngerð við heimild í rættargangslógini.
Av tí at talan er um felagsmál samstarvar løgmálaráðið við danska løgmálaráðið um hetta.
Til spurning 2:
Ein skipan, sum umrødd í svari til spurning 1, áleggur fjarskiftisfeløgum í Føroyum skyldu at
skráseta og goyma ávísar upplýsingar í eitt ávíst tíðarskeið. Áðrenn slík skipan kann setast í gildi
í Føroyum er tørvur á at fáa greiðu á, um fjarskiftisfyritøkurnar hava neyðugu tøkniligu útgerðina
at skráseta og goyma slíkar upplýsingar. Løgmálaráðið hevur sett seg í samband við
fjarskiftisfyritøkurnar í Føroyum hvat hesum viðvíkur og tá ið greiða er fingið á hesum, verður
farið víðari við at seta reglurnar í gildi í Føroyum.

-- 1 of 2 --

LØGMÁLARÁÐIÐ
M I N I S T R Y O F J U S T I C E
2/2
Til spurning 3:
Víst verður til svar til spurning 1.
Løgmálaráðið 1. juli 2025
Bjarni K. Petersen
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Bjarni Kárason Petersen, landsstýrismaður í lógarmálum
Evni: Heimild til at logga dátur
Spurningar:
1. Verður arbeitt við at seta reglur í gildi, sum svara til reglurnar í donsku
“logningsbekendtgørelsen”?
2. Um ja, hvat restar í fyri at koma á mál við hesum?
3. Um nei, hvør er orsøkin til, at landsstýrismaðurin ikki ynskir at seta tílíkar
reglur í gildi?
Viðmerkingar:
“Logningsbekendtgørelsen” er ein donsk kunngerð, sum hevur heimild í
rættargangslógini, og sum áleggur telesambands- og internetveitarum at goyma
(logga) upplýsingar um samskifti hjá brúkarunum. Ikki sjálvt innihaldið, men
metadata, t.e. hvør samskiftir, nær, hvar og við hvønn.
Fyrr vóru allar ip-adressur statiskar. Hesar eru tó avmarkaðar í tali, og tí eru flestu ip-
adressurnar vorðnar dynamiskar fyri at nøkta tørvin hjá stóra talinum av brúkarum á
internetinum. Hetta er ein teknisk loysn, sum ger tað trupult at spora seg fram til
brotsmenninar á netinum, um ikki dáturnar eru goymdar (loggaðar).
Heimildin er partur av eftirlitinum í Danmark, sum skal hjálpa løgregluni og
fregnartænastuni at loysa álvarsligan kriminalitet, t.d. yvirgang, skipaðan kriminalitet
og ikki minst mál um barnaporno, sum er ein alsamt vaksandi trupulleiki. Eisini her í
Føroyum.
Fyrispurningurin verður settur fyri at fáa greiðu á, um og nær
“logningsbekendtgørelsen” verður sett í gildi í Føroyum.
Á Løgtingi, 23. juni 2025
Steffan Klein Poulsen

-- 1 of 1 --